http://encyclopedia.gov.lk/si_encyclopedia/index.php?action=history&feed=atom&title=%E0%B6%8B%E0%B6%AD%E0%B7%94%E0%B6%BB%E0%B7%94%E0%B6%B4%E0%B6%BD%E0%B7%8A
උතුරුපල් - සංශෝධන ඉතිහාසය
2026-04-20T02:16:29Z
විකියෙහි මෙම පිටුව සඳහා ඇති සංශෝධන ඉතිහාසය
MediaWiki 1.27.1
http://encyclopedia.gov.lk/si_encyclopedia/index.php?title=%E0%B6%8B%E0%B6%AD%E0%B7%94%E0%B6%BB%E0%B7%94%E0%B6%B4%E0%B6%BD%E0%B7%8A&diff=9785&oldid=prev
Senasinghe: 'මෙය සත්විසි නැකත්වලින් දොළොස්වැන්නය. උතුරුපල...' යොදමින් නව පිටුවක් තනන ලදි
2026-01-01T07:07:39Z
<p>'මෙය සත්විසි නැකත්වලින් දොළොස්වැන්නය. උතුරුපල...' යොදමින් නව පිටුවක් තනන ලදි</p>
<p><b>නව පිටුව</b></p><div>මෙය සත්විසි නැකත්වලින් දොළොස්වැන්නය. උතුරුපල්නැකත දණ්ඩාකාර, රක්තවර්ණ තරු දෙකකින් යුක්තය. මේ නැකත මනුෂ්ය ගණයි; ගවදෙන් යෝනියි; අලරි වෘක්ෂයි; කාක පක්ෂයි; තේජෝ භූතයි; වසිෂ්ඨ ගෝත්රයි; සංකර වර්ණයි; ස්ත්රී ලිංගයි; පූර්ව නාඩියි; නාභි රජ්ජුයි; ඌර්ධ්ව මුඛයි; අන්ධ ලෝචනයි. අර්යමන් දේවතාධිපති වූ මේ නැකත වායුමණ්ඩලයට අයත්ය. රාශි චක්රයේ මධ්යම මාර්ගය වූ වෘෂභ වීථියෙන් කොටසක් ද මේ නැකතට අසු වේ. මෙය ආරම්භයේ පටන් ඝටිකා තුදුසක් ගිය තැන ඝටිකා සතරක් විෂ බැවින් ඒ කාලය තුළ ශුභ කටයුතු නොකළ යුතුයි. <br />
<br />
මේ නැකතින් උත්පාත දර්ශනයක් වී නම් දුර්භික්ෂ භය ඇති වේ. උතුරුපල් නැකතින් මල්වර වූ කන්යාතොමෝ පුතුන් ලබන නැණවත් කාන්තාවක් වන්නීය. ඇත්, අස්, කඩු, දුනු යන ශිල්ප හා මල්ල, තර්ක, ස්මෘති, ව්යාකරණ යන ශාස්ත්ර ඉගනීමේ දී ද වැව්, ළිං, පොකුණු, නගර, ප්රාසාද හා දේවාල කිරීමේ දී ද විවාහ, මල්වර මඟුල්, කෘෂිකර්ම, පුරප්රවේශ, සිංහාසනාරෝහණ ආදියෙහි දී ද මේ නැකත ශුභයි. මින් උපන් තැනැත්තේ ධාර්මික ක්රියා ඇති කාර්ය්යශූර, ස්ත්රීන් නිසා උපන් රෝග සහිත, උෂ්ණාධික ශරීරයක් ඇති පණ්ඩිතයෙක් වේ. ටෙ, ටො, පා, පි යන අකුරු සතර මේ නැකතේ පාද සතරට පිළිවෙළින් හිමිය.<br />
<br />
(සංස්කරණය: 1970)<br />
<br />
[[ප්රවර්ගය: ජ්යෝතිශ්ශාස්ත්රය]] <br />
<br />
[[ප්රවර්ගය: උ]]</div>
Senasinghe