http://encyclopedia.gov.lk/si_encyclopedia/index.php?action=history&feed=atom&title=%E0%B6%8B%E0%B6%AD%E0%B7%94%E0%B6%BB%E0%B7%94%E0%B6%B4%E0%B7%94%E0%B6%A7%E0%B7%94%E0%B6%B4 2026-05-15T08:29:51Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%8B%E0%B6%AD%E0%B7%94%E0%B6%BB%E0%B7%94%E0%B6%B4%E0%B7%94%E0%B6%A7%E0%B7%94%E0%B6%B4&diff=9130&oldid=prev 2025-11-24T04:07:55Z

<p>&#039;මෙය සත්විසි නැකත්වලින් සවිසි වැන්නය. උතුරුපු...&#039; යොදමින් නව පිටුවක් තනන ලදි</p> <p><b>නව පිටුව</b></p><div>මෙය සත්විසි නැකත්වලින් සවිසි වැන්නය. උතුරුපුටුප නැකත පර්‍ය්‍යංකයක ආකාර සටහනක් ඇති වන තරු අටකින් යුක්තය. දණ්ඩාකාර තරු දෙකකින් යුක්තය යනු ඇතැමුන්ගේ මතයයි. මේ නැකත මනුෂ්‍ය ගණයි; ගොන් යෝනියි; කොසඹ වෘක්ෂයි; මයුර පක්ෂියි; ආකාශ භූතයි; ක්‍රතු ගෝත්‍රයි; ක්ෂත්‍රිය වර්ණයි; පුරුෂ ලිංගයි; මධ්‍ය නාඩියි; ඌරු රජ්ජුයි; ඌර්ධ්ව මුඛයි; සුලෝචනයි. අහිර්බුධ්න්‍ය දේවතාධිපති වූ මෙම නැකත වරුණ මණ්ඩලයට අයත්ය. රාශි චක්‍රයේ මධ්‍යම මාර්ගයක් වූ ගෝවීථීයෙන් කොටසක් ද මේ නැකතට සම්බන්ධ වේ. මෙය උදා වී ඝටිකා සූවිස්සක් ගිය තැන ඝටිකා සතරක් විෂ බැවින් ගමනෙහි අශුභයි.<br /> <br /> උතුරුපුටුප නැකතින් උත්පාත දර්ශනයක් වී නම් ධාන්‍යයන්ගේ වැඩීම වේ. මේ නැකතින් මල්වර වූ කන්‍යාතොමෝ ඥාතීන්ට හිතැති උඩඟු තැනැත්තියක් වන්නීය. ඊශ්වර, යාමල, මල්ල, ධර්ම යන ශාස්ත්‍ර හා ආයුධ ශිල්ප ඉගෙනීමෙහි ද විවාහ, යාග, ව්‍රත, අභිෂේක, පුංසවන, සීමන්ත, නාමකරණ, අන්නප්‍රාශන, නවවස්ත්‍රධාරණාදියෙහි ද මේ නැකත ශුභයි. උතුරුපුටුප නැකතින් උපන් තැනැත්තේ සමස්ත ධර්මයන්ගේ දැනීම ඇති සතුරන් නසන දරුණු තැනැත්තෙක් වේ. දු, ථ, ඣ, ඤ යන අකුරු සතර මේ නැකතේ පාද සතරට පිළිවෙළින් හිමි වේ.<br /> <br /> (සංස්කරණය: 1970)<br /> <br /> [[ප්‍රවර්ගය: ජ්‍යෝතිශ්ශාස්ත්‍රය]] <br /> <br /> [[ප්‍රවර්ගය: උ]]</div>

Senasinghe