http://encyclopedia.gov.lk/si_encyclopedia/index.php?action=history&feed=atom&title=%E0%B6%8B%E0%B6%B4%E0%B6%A0%E0%B7%8F%E0%B6%BB_%281%29 2026-04-20T00:35:52Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%8B%E0%B6%B4%E0%B6%A0%E0%B7%8F%E0%B6%BB_(1)&diff=9799&oldid=prev 2026-01-01T10:01:24Z

<p>&#039;සමීපයෙහි පැවැත්ම උපචාර නමි. එය යෙදෙන තැන් වශයෙ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>සමීපයෙහි පැවැත්ම උපචාර නමි. එය යෙදෙන තැන් වශයෙන් විවිධ වෙයි. පියවි ඇසට පෙනෙන පමණ වූ දුර ‘දස්සනූපචාර’ යයි ද පියවි ශබ්දය ඇසෙන දුර ‘සවනූපචාර’ යයි ද කියනු ලැබේ. එසේ ම එක් රියන් වියත් පමණ වූ අතට ළංව සිටියේ ‘හත්ථූපචාර’ නම් වෙයි. ගමහිමෙහි සිටි මැදුම් පිරිමියක්හුගේ ලෙඩ්ඩු පාතයක දුර ‘ගාමූපචාරය’යි. මෙලෙසින් ඒ ඒ තැන්හි යෙදෙන උපචාරය විමසිය යුතුය. පරිකර්ම භාවනාව මුහුකුරුවා පටිභාග නිමිත්ත උපන් තැන් පටන් වූ දියුණුවට පැමිණ ගත් කාමාවචර ස්වභාව ඉක්මවා නොසිටි භාවනාව ‘උපචාර භාවනා’ නමින් හැඳින්වේ. ඊට ‘කාමාවචර සමාධි’ යයි ද නමෙකි. අර්පණා චිත්තවීථියක උපදනා ජවන් සිත් සතරක් හෝ පහක් ඇති කල්හි පළමුවැනි හෝ දෙවැනි ජවන් සිත අර්පණාවට ආසන්න හෙයින් ද සමීපයෙහි පවත්නා හෙයින් ද ‘උපචාර’ යයි කියනු ලැබේ. බුද්ධානුස්සති ආදි දශකර්මස්ථානයන්හි අර්පණාව ද පූර්වභාග චිත්තයන්හි ඒකාග්‍රතාව ද ‘උපචාරසමාධි’ යයි කියනු ලැබේ; අර්පණාසමාධියට සමීපව පවත්නා හෙයිනි.<br /> <br /> (සංස්කරණය: 1970)<br /> <br /> [[ප්‍රවර්ගය: බෞද්ධ ධර්මපාඨ]] <br /> <br /> [[ප්‍රවර්ගය: උ]]</div>

Senasinghe