http://encyclopedia.gov.lk/si_encyclopedia/index.php?action=history&feed=atom&title=%E0%B6%8B%E0%B6%B4%E0%B6%B1%E0%B6%BA%E0%B6%B1%E0%B6%BA
උපනයනය - සංශෝධන ඉතිහාසය
2026-05-15T02:22:56Z
විකියෙහි මෙම පිටුව සඳහා ඇති සංශෝධන ඉතිහාසය
MediaWiki 1.27.1
http://encyclopedia.gov.lk/si_encyclopedia/index.php?title=%E0%B6%8B%E0%B6%B4%E0%B6%B1%E0%B6%BA%E0%B6%B1%E0%B6%BA&diff=9435&oldid=prev
Senasinghe: 'හින්දුවරුන්ගේ ධර්මශාස්ත්රයන්හි සඳහන් ප්ර...' යොදමින් නව පිටුවක් තනන ලදි
2025-12-08T06:49:40Z
<p>'හින්දුවරුන්ගේ ධර්මශාස්ත්රයන්හි සඳහන් ප්ර...' යොදමින් නව පිටුවක් තනන ලදි</p>
<p><b>නව පිටුව</b></p><div>හින්දුවරුන්ගේ ධර්මශාස්ත්රයන්හි සඳහන් ප්රධාන සංස්කාරයන් අතුරෙන් එකකි. අධ්යයනය සඳහා මාණවකයකු ගුරුවරයා සමීපයට කැඳවායාම හා ඊට අයත් යඥසූත්රධාරණාදි කර්ම ද උපනයන සංස්කාරය වශයෙන් සලකනු ලැබේ. බ්රාහ්මණ, ක්ෂත්රිය, වෛශ්ය ආදීනට කිනම් වයසෙහි දී උපනයනය කළ යුතු ද, ඒ ආශ්රිත චාරිත්ර කවරේ ද, විශේෂයෙන් ම බ්රාහ්මණයකුට බ්රහ්මජන්ම සංඛ්යාත වේදාධ්යයනය ඇරඹෙන උපනයනය කොතෙක් වැදගත් ද යනාදි තොරතුරු රැසක් මානවධර්ම ශාස්ත්රය වැනි ස්මෘති ග්රන්ථයන්හි දැක්වේ. <br />
<br />
උපනයනයේ ප්රධාන අංග නම් ගුරුවරයා විසින් ශිෂ්යයාට ගායස්ත්රීය ඉගැන්වීම හා යඥෝපවීතය පැලඳවීමයි. උපනයනයෙන් පසු ශිෂ්යයා වේදය හදාරමින් ද ගුරුවරයාගේ වචනයට කීකරු වෙමින් ද භික්ෂාවෙන් ජීවත් වෙමින් ද ගින්න සදහා දර එකතු කරමින් ද ගුරුවරයාගේ නිවසෙහි රැඳී කල් යැවිය යුතුයි. මෙපරිද්දෙන් අන්තේවාසිකයකු වශයෙන් ගත කරන කාලය අවුරුදු දොළසක් හෝ වේදඥානය ලබාගන්නා තෙක් හෝ වේ. ඉන්පසු සමාවර්තන (ආපසුයෑම) නම් වූ සංස්කාරයකින් එය අවසන් වේ. <br />
<br />
“නෞජෝත්” නමින් හැඳින්වෙන මීට සමාන ඉන්දු-ඉරාන චාරිත්රයක් ද පාර්සිවරුන් අතරේ මේ දක්වා ව්යවහාර වන බැවින් උපනයනය ඉතා පුරාණයේ දී පවා ආර්ය්යයන් අතර පැවැති චාරිත්ර විධියකැයි සැලකීමට ඉඩ තිබේ.<br />
<br />
(සංස්කරණය: 1970)<br />
<br />
[[ප්රවර්ගය: මානව වංශ විද්යාව]] <br />
<br />
[[ප්රවර්ගය: උ]]</div>
Senasinghe