http://encyclopedia.gov.lk/si_encyclopedia/index.php?action=history&feed=atom&title=%E0%B6%8B%E0%B6%B4%E0%B7%83%E0%B7%9A%E0%B6%B1_%281%29 2026-05-15T02:25:37Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%8B%E0%B6%B4%E0%B7%83%E0%B7%9A%E0%B6%B1_(1)&diff=9449&oldid=prev 2025-12-09T09:16:55Z

<p>&#039;උරුවේල කාශ්‍යපාදි තේහාතික ජටිලයන්ගේ බෑනණු කෙ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>උරුවේල කාශ්‍යපාදි තේහාතික ජටිලයන්ගේ බෑනණු කෙනකුන් වූ උපසේන නම් ජටිලයකු ගැන සංස්කෘත මහාවස්තුවෙහි සඳහන් වේ. නේරඤ්ජරා නදී තීරයෙහි තවුස් දම් රකිමින් සිටි හෙතෙම දිනක් තම මයිලණුවන්ගේ තවුස් පිරිකර නදියෙහි පාවී යනු දැක ඔවුනට කිසියම් අනතුරක් වී දෝයි උඩුගං බලා අවුත් ඔවුන් බුදුන්වහන්සේ වෙත පැවිදි වූ නිය‍ා දැක තෙමේ ද බුදුන් වහන්සේගෙන් පැවිද්ද ලදුයේය. පසුව රහත් බව සාක්ෂාත් කළ උපසේන තෙරණුවෝ තම මයිල් තෙරණුවන් ආදින් ඉල්ලා සිටියාක් මෙන් සුද්ධෝදන රජුට දහම් පණිවුඩය ගෙන යෑමට බුදුන්ගෙන් අවසර ඉල්ලූහ. එහෙත් ඔවුන් කිසිවකු ඒ කාර්යයට නුසුදුසු බව දුටු බුදුන් වහන්සේ ඒ ඉල්ලීම ප්‍රතික්ක්ෂේප කළ බව ද මහාවස්තුවෙහි සඳහන් වේ. සැරියුත් පිරිවැජියන්ට මුලින් ම ධර්මය කියා දෙන ලද්දේ අස්සජි මහරහතන් වහන්සේ විසිනැයි පාලි සාහිත්‍යයෙහි සඳහන් වතුදු උපසේන නම් රහත් තෙරණු කෙනකුත් විසින් එම කාර්යය කරන ලද බව මහා වස්තුවෙහි දැක්වෙයි. ඇතැම් විට එකී උපසේන තෙරණුවනුත් තේභාතික ජටිලයන්ගේ බෑනණු වූ මේ උපසේන තෙරණුවනුත් එක් ම කෙනකුන් විය හැකිය.<br /> <br /> (සංස්කරණය: 1970)<br /> <br /> [[ප්‍රවර්ගය: ථෙරවාද බෞද්ධාචාර්යවරු]] <br /> <br /> [[ප්‍රවර්ගය: උ]]</div>

Senasinghe