http://encyclopedia.gov.lk/si_encyclopedia/index.php?action=history&feed=atom&title=%E0%B6%8B%E0%B6%BD%E0%B7%8A%E0%B6%B8%E0%B7%92 2026-05-14T05:07:35Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%8B%E0%B6%BD%E0%B7%8A%E0%B6%B8%E0%B7%92&diff=10491&oldid=prev 2026-03-09T08:02:57Z

<p>&#039;ජර්මන් පෙඩරල් ජනරජයේ බාඩන්-වර්ටම්බර්ග් ප්‍රද...&#039; යොදමින් නව පිටුවක් තනන ලදි</p> <p><b>නව පිටුව</b></p><div>ජර්මන් පෙඩරල් ජනරජයේ බාඩන්-වර්ටම්බර්ග් ප්‍රදේශයට අයත් නගරයකි. ඩැනියුබ් ගඟබඩ ඉලරි මෝය අසල ස්වේබියන් ජුරා කඳු පාමුල ෂ්ටුට්ගාට් නගරයට සැතැපුම් 45ක් නිරිත දිගින් මෙය පිහිටා තිබේ. ජනගහනය (1961) 91,250කි. මෙය වෙළෙඳාම අතින් දියුණු ගංතොටක් වශයෙන් වැදගත්ය. ස්වේබියන් ජුරා කඳු තරණය කරන මාර්ග පිළිබඳ කේන්ද්‍රස්ථානය ද වේ. මේ නගරය දුම්රිය මාර්ග, මහාමාර්ග, ගංගා මාර්ග, ඇළ මාර්ග යන මේවායින් ජර්මනියේ අන්‍ය නගර බොහොමයකට ම සම්බන්ධ වී තිබේ. පුරාණයේ දී ද මෙය මාර්ග මධ්‍යස්ථානයක් වශයෙන් වැදගත් විය. උල්මි නගරය අතීතයේ දී මෙන් අදත් රාජකීය නගරයක සිරිය උසුලයි. ඵෙතිහාසික හා කලාත්මක වටිනාකමින් ද අනූන මධ්‍යකාලීන ගොඩනැගිලි කීපයක් ම මෙහි වේ. <br /> <br /> කර්මාන්ත අතින් ද දියුණුවක් ලබා ඇති මේ නගරයෙහි නිෂ්පාදනය කෙරෙන භාණ්ඩ අතර රෙදිපිළී, මෝටර් වාහන, ගොවි උපකරණ, සම්බඩු වර්ග, සායම් වර්ග, පිත්තල භාණ්ඩ, සුවඳ විලවුන්, සිමෙන්ති හා ආහාර ද්‍රව්‍ය ප්‍රධානය. මෙහි මත්පැන් පෙරීම ද කරනු ලැබේ. <br /> <br /> ක්‍රි.ව. 854 පමණේ සිට ම උල්මි යන නම ප්‍රසිද්ධියට පත්ව තිබිණි. එහෙත් මෙය නගරයක් බවට පත් වූයේ 1155 දීය. වෙළහෙළඳාම අතින් ක්‍රමයෙන් දියුණු වන්නට පටන් ගත් මේ නගරයෙහි ඒ පිළිබඳ වර්ධනය උච්චස්ථානයට පැමිණියේ 15 වැනි සියවසේ දීය. 1803 දී බැවේරියාවේ පාලනයට යටත් වූ මෙය 1809 දී වර්ටම්බර්ග් ප්‍රදේශයට පාවා දෙන ලදි. 1805 දී නැපෝලියන් ඕස්ට්‍රියන්වරුන් පරාජය කෙළේ මෙහි දීය. <br /> <br /> ජර්මනියේ භාවකාව්‍ය රචකයන් බොහෝ කාලයක් (14, 15, 16 වැනි ශතවර්ෂවල) වැජැඹුණු ප්‍රදේශය වශයෙන් උල්මි නගරය ජර්මන් සාහිත්‍ය ඉතිහාසයෙහි ලා බෙහෙවින් ප්‍රකටය.<br /> <br /> (සංස්කරණය: 1974)<br /> <br /> [[ප්‍රවර්ගය: භූගෝල විද්‍යාව-යුරෝපය]] <br /> <br /> [[ප්‍රවර්ගය: උ]]</div>

Senasinghe