http://encyclopedia.gov.lk/si_encyclopedia/index.php?action=history&feed=atom&title=%E0%B6%8B%E0%B7%84%E0%B6%B1 2026-04-20T00:34:09Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%8B%E0%B7%84%E0%B6%B1&diff=9822&oldid=prev 2026-02-12T06:51:02Z

<p>&#039;(උද්ධගාම). මඩකලපු දිස්ත්‍රික්කයෙහි අම්පාරේට ස...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(උද්ධගාම). මඩකලපු දිස්ත්‍රික්කයෙහි අම්පාරේට සැතපුම් හයක් පමණ උතුරුදිගින් පිහිටි කුඩා නගරයකි. උපතැපැල්හලක්, බෙහෙත්හලක්, පාසැලක් ආදි පොදු ආයතන කීපයක් මෙහි ඇත. ගල්ඔය සංවර්ධන ප්‍රදේශය තුළ පිහිටි මෙය නගර ප්‍රදේශයක් වශයෙන් දියුණු කිරීමට කටයුතු කර ගෙන යනු ලැබේ. අවට ප්‍රදේශයෙහි වාරිමාර්ග කටයුතු බහුලව දියුණු කෙරෙන හෙයින් මෙහි වාරිමාර්ග දෙපාර්තමේන්තුවේ වැඩපළක් ද ඇත. <br /> <br /> පුරාතන ලංකාවේ උද්ධගාම නමින් හැඳින්වුණේ මේ ස්ථානයයි. මහා පරාක්‍රමබාහු රජු (ක්‍රි.ව. 1153-1186) මාණාභරණ රජුගේ ඇවෑමෙන් රුහුණට උරුමකම් කී සුගලා රැජින හා කරන ලද සටන් විස්තර කිරීමේ දී චූළවංසයෙහි උද්ධගාමය ද සඳහන් වෙයි. මහා පරාක්‍රමබාහුගේ සෙන්පතියකු වූ ලංකාධිකාරී කිත්ති සුගලා රැජින අල්ලා ගැනීම සඳහා දීඝවාපී දිස්ත්‍රික්කයට ඇතුළු වී ගිවුලබ (වත්මන් දිවුලාන?) ප්‍රදේශය නතු කරගැනීමෙන් අනතුරුව ගමන් ගත්තේ උද්ධගාමයටය. සෙන්පතියා උද්ධගාමයෙහි තෙමසක් කඳවුරුලාගෙන එම පෙදෙස අත්පත් කරගත් බව චූළවංසයෙහි සඳහන් වෙයි.<br /> <br /> මහානාග රජු (ක්‍රි.ව. 573-575) උද්ධගාමයෙහි වූ වසභගාම නමැති ගම ජේතවන විහාරයට පූජා කළ බව චූළවංසයෙහි දැක්වෙයි. <br /> <br /> (සංස්කරණය: 1974)<br /> <br /> [[ප්‍රවර්ගය: භූගෝල විද්‍යාව - ලංකාව]] <br /> <br /> [[ප්‍රවර්ගය: උ]]</div>

Senasinghe