http://encyclopedia.gov.lk/si_encyclopedia/index.php?action=history&feed=atom&title=%E0%B6%8B%E0%B7%85%E0%B7%94%E0%B7%84%E0%B7%8F%E0%B6%BD%E0%B7%8A 2026-05-03T20:38:12Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%8B%E0%B7%85%E0%B7%94%E0%B7%84%E0%B7%8F%E0%B6%BD%E0%B7%8A&diff=10448&oldid=prev 2026-02-24T03:26:52Z

<p>&#039;(ට්‍රිගොනෙලා ෆීනුම්-ග්රේකුම් - Trigonella foenum-graecum L.). අඩි...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(ට්‍රිගොනෙලා ෆීනුම්-ග්රේකුම් - Trigonella foenum-graecum L.). අඩි 1 සිට 2 දක්වා උසට වැඩෙන වාර්ෂික පැළෑටියකි. ආසියාවේ හා දකුණු යුරෝපයේ ද වැවෙන මේ පැළෑටිය වැඩි වශයෙන් වවනු ලබන්නේ ඉන්දියාවේය. <br /> <br /> උළුහාල් පැළෑටිය බූ සහිතය; සුවඳ ගෙන දෙයි. එහි කොළ සංයුක්තය. පත්‍රිකා අඟලක් පමණ දිගය; ප්‍රති- අණ්ඩාකාරය. මල් සුදුපාටට හුරුය. මණිය බූ සහිතය. කරල අඟල් 3 සිට 6 දක්වා දිගය. එහි කෙළවර නැමී ඇත. ඇට සුවඳය. <br /> <br /> ඖෂධයක් වශයෙන් ද භාවිත වන උළුහාල් ඇට ව්‍යංජනවලට විශේෂ රසයක් හා සුවඳක් ලබා දීමට ද යොදනු ලැබේ. කහපාට සායමක් ද මේ ඇටවලින් ලබාගත හැකිය. ඇතැම් රටවල අශ්වයන්ගේ හා ගවයන්ගේ කෑමක් වශයෙන් ද උළුහාල් පැළෑටිය ප්‍රයෝජනවත් වේ. <br /> <br /> මේ පැළෑටිය උම්බෙලිෆෙරෙ කුලයට අයත්ය. <br /> <br /> == ආයුර්වේද මතය ==<br /> සකු බසින් මේථිකා යන නමින් හැඳින්වෙන උළුහාල් පැළෑටියෙහි මේථිකා (උළුවා), වනමේථිකා (වල් උළුවා) යයි ප්‍රභේද දෙකකි. සාමාන්‍ය උළුහාල් කටුකය; උෂ්ණ වීර්ය ඇත්තේය; රත් පිත කුපිත කරවයි; වා, සෙම්, අරුචි, ජ්වර නසයි; අග්නිදීපනය කරයි; වාතය ශමනය කරයි. <br /> <br /> උළුහාල් ඇට මිහිරි සුවඳින් යුක්තය; ස්නිග්ධය; වාතානුලෝමකය. අග්නිදීපනය කරයි; වාත, ආධ්මාන (බඩ පිපුම), ශෝථ, අජීර්ණ, අග්නි මාන්ද්‍ය, ආමවාත නසයි; වීර්ය හා බල වඩයි; ගර්භාශය සංකෝචනය කරයි. මලශුද්ධිය හා ආර්තව ශුද්ධිය ඇති කෙරෙයි; කාම ශක්තිජනකය. රක්තාතිසාර, මසූරිකාදියට ද ප්‍රතිකාර වශයෙන් යොදනු ලැබේ. පත්‍ර ශීත වීර්ය ඇත්තේය; දාහ ශමනය කරයි; ශෝථ නසයි; මෘදු විරේචනෞෂධයකි. <br /> <br /> වනමේථිකා ඇට මලබද්ධය ඇති කරයි; උදරශූල, අතීසාර, ආන්ත්‍රදෝෂ යන මේවාට හිතකරය. නෂ්ටාර්තව, ආමවාත, ගණ්ඩමාල යන රෝගයන්ට හා රක්තශුද්ධියට ප්‍රතිකාර වශයෙන් ද යොදනු ලැබේ.<br /> <br /> (සංස්කරණය: 1974)<br /> <br /> [[ප්‍රවර්ගය: උද්භිද විද්‍යාව]] <br /> <br /> [[ප්‍රවර්ගය: උ]]</div>

Senasinghe