http://encyclopedia.gov.lk/si_encyclopedia/index.php?action=history&feed=atom&title=%E0%B6%8C%E0%B6%BB%E0%B7%94%E0%B6%B6%E0%B7%9C%E0%B6%9A%E0%B7%8A%E0%B6%9A_%E0%B6%94%E0%B6%BA 2026-04-13T06:51:55Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%8C%E0%B6%BB%E0%B7%94%E0%B6%B6%E0%B7%9C%E0%B6%9A%E0%B7%8A%E0%B6%9A_%E0%B6%94%E0%B6%BA&diff=10712&oldid=prev 2026-04-06T03:52:10Z

<p>&#039;දකුණු පළාතේ දෙණියායේ කඳුකරයෙහි පනිල්කන්දේ බෑ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>දකුණු පළාතේ දෙණියායේ කඳුකරයෙහි පනිල්කන්දේ බෑවුම්වලින් පටන්ගෙන ගිරුවාපත්තුව ඔස්සේ ගලා ගොස් තංගල්ලට සැතපුම් හයක් පමණ නැගෙනහිර දිගින් ද රන්නට සැතැපුම් දෙකක් පමණ දකුණු දිගින් ද වූ ස්ථානයක දී මුහුදට වැටෙන ඔයකි. මෙහි දිග සැතපුම් 37ක් පමණ ද මුළු ජලවහන ප්‍රදේශය ව.සැ. 136ක් පමණ ද වේ. මෙම ගංගාධාරයෙහි පොල්, පැඟිරි, වියළි කලාපීය එළවළු හා වී වගා කරනු ලැබේ. දෙමෝසම් වැසි ලබන මෙපෙදෙසේ සාමාන්‍ය වාර්ෂික වර්ෂාපතනය අඟල් 60-70ක් පමණ වේ. මෑතක් වන තුරු ජලසම්පාදන කටයුතු සඳහා මෙම ඔය උපයෝගී කරගත්තේ එහි එක ම ජලාශය වූ [[උඩුකිරිවිල වැව]] (බ.) ද වකමුල්ල අමුණ, හකුරුවෙල අමුණ ආදි අමුණු හා ඇළ මාර්ග කීපයකින් යුත් කුඩා ජල සම්පාදන ව්‍යාපාර කීපයක් ද මගින් පමණි. මේ නිසා මෙතෙක් ඌරුබොක්ක නිම්නයේ වී ගොවිතැන ප්‍රධාන වශයෙන් දියුණු වී ඇත්තේ ද උඩුකිරිවිල වැවට පහළ ප්‍රදේශයේ පමණි. උඩුකිරිවිල වැව ඉහත්තාවෙහි ඌරුබොක්ක ඔය හරහා පස් පුරවා වේල්ලක් ඉදි කර අක්කර අඩි 39,000ක ධාරිතාවෙන් යුත් [[මුරුතවෙල ජලාශය]] (බ.) බැඳීමේ කටයුතු 1967 දී ආරම්භ කරන ලදි. එම ව්‍යාපාරය ක්‍රියාත්මක වන විට උඩුකිරිවිල වැවෙන් ජලය සැපයුණු අක්කර 4,000ට අමතරව මෙම නිම්නයේ අලුතින් අක්කර 3,000ක් පමණ ද වී ගොවිතැන සඳහා යෙදවීමට හැකි වනු ඇත. මේ හැර මුරුතවෙල ජලාශයේ දකුණු ඉවුරෙහි ඇළ ඔස්සේ ඌරුබොක්ක ඔයට බටහිර දිගින් වූ කිරම ඔය ව්‍යාපාරයට වැඩිපුර ජලය සැපයීමේ වැඩ පිළිවෙළක් ද සැලසෙනු ඇත. ජල සම්පාදන කටයුතු දියුණු කිරීමත් සමඟ ම ගොවිතැන් පහසුකම් වැඩි වන හෙයින් මෙම නිම්නයේ ජනපදවාසීන් 1,500ක් පමණ පදිංචි කළ හැකි වෙයි. කටුවන, ජුලම්පිටිය, වීරකැටිය, උඩයාල, කොටවාය හා රන්න මෙම නිම්නයේ පිහිටා ඇති ප්‍රධාන නගර වෙයි.<br /> <br /> (සංස්කරණය: 1974)<br /> <br /> [[ප්‍රවර්ගය: වාරි කර්මාන්ත-ලංකාව]] <br /> <br /> [[ප්‍රවර්ගය: ඌ]]</div>

Senasinghe