http://encyclopedia.gov.lk/si_encyclopedia/index.php?action=history&feed=atom&title=%E0%B6%8D 2026-04-13T08:25:53Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%8D&diff=10694&oldid=prev 2026-03-30T03:53:32Z

<p>&#039;සිංහල වර්ණමාලාවේ නවවන අක්ෂරයයි. සංස්කෘත, තෙලු...&#039; යොදමින් නව පිටුවක් තනන ලදි</p> <p><b>නව පිටුව</b></p><div>සිංහල වර්ණමාලාවේ නවවන අක්ෂරයයි. සංස්කෘත, තෙලුඟු, මලයාලම් ආදි ඉන්දීය භාෂා කීපයක ම මීට සප්තම ස්ථානය දී තිබේ. එය ස්වරයකි. ව්‍යඤ්ජනාක්ෂරයකට එය ආරූඪ වූ බව දැක්වීමේ දී ගතකුරෙහි හල්භාවය දක්වන ලකුණ අස්කොට ගැටය සහිත ඇලපිල්ලක් (නි. ක්+සෘ=කෘ; ද්+සෘ=දෘ) යොදනු ලැබේ. ලඝු ස්වරයක් වූ ඍ කාරය මුදුනෙන් උපදින බැවින් මූර්ද්ධජාක්ෂරයක් ද එක ම ස්ථානයක් ආශ්‍රිතව උච්චාරණය වන බැවින් ඒකජාක්ෂරයක් ද වෙයි.<br /> <br /> පැරණි ඉන්දු-ආර්‍ය්‍ය යුගයෙහි දක්නා ඍකාර, ඎකාර පාලි ප්‍රාකෘත යුගයන්හි දී සාමාන්‍යයෙන් අ, ඉ හෝ උ යන ස්වරත්‍රයෙන් එකක් වශයෙන් සිටී. සිංහලයෙහි දී ද අ, ඉ, උ යන ස්වර තුනෙන් එකක් වශයෙන් හෝ බෙහෙවින් ම අර්ධ තත්සම ශබ්දයන්හි දී ඉකාර හෝ උකාර පූර්ව හෝ පර කොට ඇති ර කාරය වශයෙන් හෝ සිටී. උදා.<br /> <br /> අ - තෘණ&gt;තණ, ඉ - භෘංග&gt;බිඟු, උ - මෘග&gt;මුව<br /> <br /> ඉ - පූර්ව ර කාරය - ඍග්වේද&gt;ඉරුවේ<br /> <br /> උ - පූර්ව ර කාරය - හෝතෘ&gt;හොතුරු<br /> <br /> ඉ - පර ර කාරය ඍද්ධි&gt;රිද්දි<br /> <br /> (ලෝවැඩසඟරාව 93)<br /> <br /> උ - පර ර කාරය - ඍෂි&gt;රුසි<br /> <br /> (ගිරා සන්දේශය 55).<br /> <br /> <br /> (සංස්කරණය: 1974)<br /> <br /> [[ප්‍රවර්ගය: සිංහල වර්ණ මාලාව]] <br /> <br /> [[ප්‍රවර්ගය: ඍ]]</div>

Senasinghe