http://encyclopedia.gov.lk/si_encyclopedia/index.php?action=history&feed=atom&title=%E0%B6%91%E0%B6%9A%E0%B7%9C%E0%B7%85%E0%B7%9C%E0%B7%83%E0%B7%8A_%E0%B6%9C%E0%B7%92%E0%B6%B1%E0%B7%92 2026-05-03T17:43:00Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%91%E0%B6%9A%E0%B7%9C%E0%B7%85%E0%B7%9C%E0%B7%83%E0%B7%8A_%E0%B6%9C%E0%B7%92%E0%B6%B1%E0%B7%92&diff=10756&oldid=prev 2026-04-16T04:34:39Z

<p>&#039;පියවි ගින්න ස්පර්ශ කළහුගේ අත්පා ආදි සිරුරු අව...&#039; යොදමින් නව පිටුවක් තනන ලදි</p> <p><b>නව පිටුව</b></p><div>පියවි ගින්න ස්පර්ශ කළහුගේ අත්පා ආදි සිරුරු අවයව දවනුයේ අනුදහනාර්ථයෙන් 'ගිනි' යයි කියනු ලැබේ. එපරිදි ම චිත්තසන්තානයෙහි උපන් රාගාදි කෙලෙස්හු පියවි ගිනි සෙයින් පෙනෙන ගිනිදැල් නැත ද සන්තානයෙහි සිට සත්ත්වයා තවන්නාහු දවන්නාහු නුයි ගිනි නම් වෙති. රාගාදිය ගින්නෙකැයි වදාරන සර්වඥයන් වහන්සේ ඒ ඒ සූත්‍ර ප්‍රදේශයෙහි වෛනේය ජනයන්ගේ වශයෙන් නන් අයුරින් වදාළහ. ඛුද්දකවත්ථු විභඞ්ගාදියෙහි රාග-දෝස-මෝහයෝ ගිනි නම් වෙති. අඞ්ගුත්තර සත්තකයෙහි රාගාදි තුන් ගින්න හා &quot;ආහුනෙය්‍යග්ගි ගහපතග්ගි දක්ඛිණෙය්‍යග්ගි කට්ඨග්ගි&quot; යන සතර හා ගින්න සත්වැදෑරුම් කොට වදාළහ. <br /> <br /> එහි රාගාදි තුන්දෙන යට කී පරිදි අනුදහනාර්ථයෙන් ගිනි නම් වෙති. &quot;ආහුනෙය්‍යග්ගි&quot; යනාදියෙහි &quot;ආහුන&quot; යයි සත්කාරය කියනු ලැබෙයි. ආහුනනයට, සත්කාරයට සුදුසු වෙත්නුයි ආහුනෙය්‍ය නම් වෙති. මවුපිය දෙදෙනා ද පුත්‍රයනට බොහෝ උපකාර වූවාහු නුයි පුත්‍රයන්ගේ සත්කාරයට සුදුසු වෙති. මවුපියන් කෙරෙහි වරදවා පිළිපන් පුත්‍රයෝ නිරයාදියෙහි උපදනාහුය. එහෙයින් මවුපියෝ අනුදහනයට ප්‍රත්‍යය වෙත් නුයි අනුදහනාර්ථයෙන් &quot;ආහුනෙය්‍යග්ගි&quot; යයි කියනු ලැබෙත්. ගෙහිමියා ගහපති යයි කියනු ලැබේ. හේ සිය බිරිඳට වස්ත්‍රාලඞ්කාරාදිය දීමෙන් බොහෝ උපකාර වෙයි. ඒ ස්වාමි පුරුෂයා ඉක්මවා හැසිරෙන මාගම නිරයාදියෙහි උපදී. එහෙයින් ඒ ගෘහපති ද යටකී පරිදි අනුදහනාර්ථයෙන් &quot;ගහපතග්ගි&quot; යයි කියන ලදි. දක්ඛිණ යනු සිවුපසයයි. භික්ෂුසංඝ තෙමේ දක්ෂිණාවට නිසි වූයේ වෙයි; තිසරණයෙහි පන්සිල් අටසිල් ආදියෙහි නොයෙක් කල්‍යාණධර්මයෙහි ද යොදවාලීමෙන් ගිහිගේ වැසියනට බොහෝ උපකාර වූයේ වෙයි. ඒ බික්සඟුන් කෙරෙහි මිථ්‍යාප්‍රතිපන්න වූ ගිහිගේ වැසියෝ නිරයාදියෙහි උපදිති. එහෙයින් බික්සඟන යට කී පරිදි මැ අනුදහනාර්ථයෙන් &quot;දක්ඛිණෙය්‍යග්ගි&quot; යයි කියන ලදි. කාෂ්ඨයෙන් උපන් පියවි ගින්න &quot;කට්ඨග්ගි&quot; නම් වේ. <br /> <br /> &quot;කො නු හාසො කිමානන්දෝ නිච්චං පජ්ජලිතෙ සති&quot; යනාදි ධම්මපද ගාථායෙහි &quot;නිච්චං පජ්ජලිතෙ සති&quot; යන පදය විස්තර කරන අටුවාව &quot;ඉමස්මිං ලොකසන්නිවාසෙ රාගාදීහි එකාදසහි අග්ගීහි නිච්චං පජ්ජලිතෙ සති&quot; යී, මේ ලෝකසන්නිවාසය හෙවත් ලෝවැසියා රාගාදි එකොළොස් ගින්නකින් නිරතුරු දැවෙන බව වදාළහ. යටකී ධම්මපදය වදාළ පුද්ගල වස්තූන්ගේ වශයෙන් &quot;රාග දොස මොහ&quot; යන තුන් ගිනි හා සත්ත්වයාගේ කායික චෛතසික සන්තාපයට කාරණව සිටි &quot;ව්‍යාධි ජරා මරණ සොක පරිදෙව දුක්ඛ දොමනස්ස උපායාස&quot; යන අටවැදෑරුම් දුක් ස්වභාවය හා එකොළොස් දෙන අනුදහනාර්ථයෙන් ගිනි නමැයි වදාළහ. මේ එහි සඞ්ග්‍රහ ගාථාවෙකි:<br /> <br /> &quot;රාගො ච දොසො ච මොහො ච ව්‍යාධි <br /> <br /> ජරා ච මරණම්පි ච සොකමෙච<br /> <br /> පරිදෙවදුක්ඛම්පි ච දොමනස්සූ- <br /> <br /> පායාසමෙකාදස අග්ගිමාහු&quot;<br /> <br /> මෙය එකොළොස් ගිනි නමි. <br /> <br /> (සංස්කරණය: 1974)<br /> <br /> [[ප්‍රවර්ගය: ධර්මපාඨ - බෞද්ධ]] <br /> <br /> [[ප්‍රවර්ගය: එ]]</div>

Senasinghe