http://encyclopedia.gov.lk/si_encyclopedia/index.php?action=history&feed=atom&title=%E0%B6%91%E0%B6%A9%E0%B7%8A%E0%B6%B8%E0%B6%B1%E0%B7%8A%E0%B6%A7%E0%B6%B1%E0%B7%8A 2026-05-25T05:56:13Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%91%E0%B6%A9%E0%B7%8A%E0%B6%B8%E0%B6%B1%E0%B7%8A%E0%B6%A7%E0%B6%B1%E0%B7%8A&diff=10995&oldid=prev 2026-05-25T03:25:38Z

<p>&#039;(Edmonton). කැනඩාවේ ඇල්බ’ටා පළාතේ අගනුවරය. උ.අ. 53°40’ හා...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(Edmonton). කැනඩාවේ ඇල්බ’ටා පළාතේ අගනුවරය. උ.අ. 53°40’ හා බ.දේ. 113°30’ ආශ්‍රිතව උතුරු සැස්කැෂුවන් ගඟබඩ පිහිටා ඇත. විනිපෙග් නගරයට සැතපුම් 750ක් වයඹ දිගින් ද කැල්ගරි නගරයට සැතපුම් 175ක් ඊශාන දිගින් ද පිහිටි එඩ්මන්ටන් නගරය යෙලෝහෙඩ් කපොල්ල ඔස්සේ වැටී ඇති කැනේඩියානු ජාතික දුම්රිය මාර්ගයට සම්බන්ධ වැදගත් දුම්රිය මංසන්ධියකි. එඩ්මන්ටන් නගරය සාමාන්‍ය මුහුදු මට්ටමේ සිට අඩි 2158ක් උසය. <br /> <br /> 1795 දී හඩ්සන් බේ සමාගම විසින් පිහිටුවන ලද ලොම් වෙළඳ මධ්‍යස්ථානයක් වූ එඩ්මන්ටන් නගරය ඒ කාලයේ දී දේශගවේශක මධ්‍යස්ථානයක් වශයෙන් ද වැදගත් විය. වර්තමාන එඩ්මන්ටන් නගරය අවට ප්‍රදේශය ඉතා දියුණු කෘෂිකාර්මික ප්‍රදේශයකි. තිරිඟු වැවීම හා ගවපාලනය මෙහි ඉතා ම ප්‍රධාන ආර්ථික ව්‍යාපාරයෝය. නගරයේ ප්‍රධාන වෙළඳ ද්‍රව්‍ය අතර මස් හා තිරිඟු මුල්තැන් ගනී. දැව කර්මාන්තය සහ ලොම් කර්මාන්තය මෙහි තවමත් දියුණුය. ගල් අඟුරු ආකර කර්මාන්තය ද මෙහි කරනු ලැබේ. ප්‍රාදේශීය අවශ්‍යතාවන් සඳහා වයිකිං, කින්සෙලා සහ ෆැබේයන් යන කෙත්වලින් ලබාගන්නා භූමිවායුව (natural gas) ප්‍රයෝජනයට ගනු ලැබේ. නගරයට නුදුරු ඇතබස්කා නිම්නයෙහි ඉතා විශාල ඛනිජ තෙල් නිධි ද තිබේ. වත්මන්හි බටහිර කැනඩාවේ ප්‍රධාන තෙල් ශෝධන මධ්‍යස්ථානය මේ නුවරයි. <br /> <br /> 1904 දී මේ නගරය ඇල්බ’ටාහි අගනුවර බවට පත් විය. ප්‍රාදේශීය පාර්ලිමේන්තුව හා ඇල්බ’ටා විශ්වවිද්‍යාලය එඩ්මන්ටන්හි පිහිටියේය. ගුවන්තොටුපළක් ද මෙහි ඇත. නගරයෙහි ජනගහනය (1966) 376,925කි.<br /> <br /> (සංස්කරණය: 1974)<br /> <br /> [[ප්‍රවර්ගය: භූගෝල විද්‍යාව-කැනඩාව]] <br /> <br /> [[ප්‍රවර්ගය: එ]]</div>

Senasinghe