http://encyclopedia.gov.lk/si_encyclopedia/index.php?action=history&feed=atom&title=%E0%B6%91%E0%B6%A9%E0%B7%8A%E0%B7%80%E0%B6%A9%E0%B7%8A_%E0%B7%80%E0%B7%92%E0%B6%BD%E0%B7%92%E0%B6%BA%E0%B6%B8%E0%B7%8A_%E0%B6%91%E0%B6%BD%E0%B7%8A%E0%B6%9C%E0%B7%8F%E0%B6%BB%E0%B7%8A 2026-06-15T12:33:24Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%91%E0%B6%A9%E0%B7%8A%E0%B7%80%E0%B6%A9%E0%B7%8A_%E0%B7%80%E0%B7%92%E0%B6%BD%E0%B7%92%E0%B6%BA%E0%B6%B8%E0%B7%8A_%E0%B6%91%E0%B6%BD%E0%B7%8A%E0%B6%9C%E0%B7%8F%E0%B6%BB%E0%B7%8A&diff=11092&oldid=prev 2026-06-15T07:37:32Z

<p>&#039;(1857-1934). 17 වැනි සියවසේ විසූ හෙන්රි ප’සල්ට (Purcell) පසුව...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(1857-1934). 17 වැනි සියවසේ විසූ හෙන්රි ප’සල්ට (Purcell) පසුව එංගලන්තයේ ප්‍රථමවරට පහළ වූ වැදගත් සංගීත නිබන්ධකයායි. වූස්ටර් නගරයේ දී උපත ලත් මොහු එහි දේවස්ථානයක ඕර්ගන් වාදකයා වූ සිය පියාගේ ඇසුරෙන් ලබාගත් පුහුණුව හැරුණු විට බොහෝදුරට ස්වෝත්සාහයෙන් ම සංගීතය හදාළේය. තුරුණු වියෙහි දී තූර්‍ය්‍ය භාණ්ඩ කිහිපයක් ම වාදනය කිරීමට උගැන්ම පසුකලක සමූහ වාදන සංගීත නිබන්ධන රචනයේ දී මොහුට බලවත් රුකුලක් විය. මුලින් ම මොහු ප්‍රසිද්ධියට පත් වූයේ සිය මිතුරන් සංගීත ස්වරූපයෙන් මූර්තිමත් කොට දක්වමින් 1899 දී රචිත Enigma Variations (ප්‍රහේලිකා ප්‍රභේද) නම් නිබන්ධනයෙනි. මොහුගේ ඉතා ජනප්‍රිය සමූහවාදන සංගීත කෘතිය ද එයයි. නිව්මන් කාඩිනල්වරයාගේ ජෙරොන්ෂස්ගේ ස්වප්නය (The Dream of Gerontius) නමැති කාව්‍යය මාතෘකා කොටගෙන එනමින් ම එල්ගාර් නිබන්ධනය කළ ආධ්‍යාත්මික රසයෙන් යුත් ධර්ම කීර්තන සංගීත රචනයත් (Oratorio), ප්‍රතාපය හා ප්‍රසාදනය (Pomp and Circumstance) නමින් නිබන්ධිත ප්‍රයාණ රචනා (marches) පහත්, බ්‍රිතාන්‍ය මහජනයා අතර කවදත් ආදෘතව පවත්නා අනෙක් කෘතිය. <br /> <br /> 1902 දී නයිට් පදවියෙන් ද 1911 දී ‘ඕඩර් ඔෆ් මෙරිට්’ නම් අති විශේෂ සම්මානයෙන් ද බුහුමන් ලත් එල්ගාර් 1934 දී පරලෝසැපත් විය. <br /> <br /> (සංස්කරණය: 1974)<br /> <br /> [[ප්‍රවර්ගය: පුද්ගල චරිත-සංගීතඥයෝ]] <br /> <br /> [[ප්‍රවර්ගය: එ]]</div>

Senasinghe