http://encyclopedia.gov.lk/si_encyclopedia/index.php?action=history&feed=atom&title=%E0%B6%91%E0%B6%A9%E0%B7%8A%E0%B7%80%E0%B6%A9%E0%B7%8A_VI 2026-05-25T12:47:48Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%91%E0%B6%A9%E0%B7%8A%E0%B7%80%E0%B6%A9%E0%B7%8A_VI&diff=11006&oldid=prev 2026-05-25T09:27:47Z

<p>&#039;(1537–53). එංගලන්තයේ හා අයර්ලන්තයේ රජ පදවිය ඉසුලූ ම...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(1537–53). එංගලන්තයේ හා අයර්ලන්තයේ රජ පදවිය ඉසුලූ මෙතෙම හෙන්රි VIII රජුගේ එක ම පුත්‍රයාය. ඔහු සිංහාසනාරූඪ කරනු ලැබුයේ (1547 දී) වයස 10 දී බැවින් රාජ්‍යාධිකාරි භාරය මාමා වූ සීමෝර් (පසුව සොමර්සෙට් ඈපා) ද, ඉක්බිති ජෝන් ඩඩ්ලි (පසුව වොරික් සාමි හා නෝතම්බර්ලන්ඩ් ඈපා) ද වෙත පැවරිණ. එඩ්වඩ් VI රජුගේ සාවුරුදු රාජ්‍ය කාලය යට සඳහන් දෙදෙනා අතර එක ම පොරයක් විය. 1549 දී වොරික් සිය අනුගාමිකයන්ගේ ද සහාය ලැබ සොමර්සෙට් බලයෙන් පහ කෙළේය. 1552 දී ඔහු ජීවිතක්ෂයට පමුණුවන ලදි. ඉන්පසු වොරික් පාලන බලය මුළුමනින් ම වාගේ සිය අතට ගෙන ක්‍රියා කෙළේය. 1551 දී හෙතෙම නොතම්බර්ලන්ඩ්හි ඈපා බවට පත් කරනු ලැබීය. <br /> <br /> එඩ්වඩ් රජ 1553 දී කාස රෝගයෙන් මිය ගියේය. රජු ඇවෑමෙන් සිංහාසනාරූඪ වූයේ ඔහුගේ පියා විසින් නම නියම කොට සිටි එඩ්වඩ්ගේ සොහොයුරියක වූ කතෝලික මේරි (ටියුඩර්) කුමරියයි. <br /> <br /> එඩ්වඩ් VI රජුගේ කාලයේ දී ප්‍රොතැස්තන්ත සභාව එංගලන්තයේ ස්ථාවරව පිහිටුවනු ලැබීය. ලතින් භාෂාවෙන් දේවමෙහෙය පැවැත්වීම නවත්වා ඉංග්‍රීසි යාච්ඤා පොතක් භාවිතයට ගැනීම ද ඇරඹිණ.<br /> <br /> (සංස්කරණය: 1974)<br /> <br /> [[ප්‍රවර්ගය: පුද්ගල චරිත-රාජ්‍ය පාලකයෝ-එංගලන්තය]] <br /> <br /> [[ප්‍රවර්ගය: එ]]</div>

Senasinghe