http://encyclopedia.gov.lk/si_encyclopedia/index.php?action=history&feed=atom&title=%E0%B6%91%E0%B6%BB%E0%B6%AC%E0%B7%94 2026-06-28T01:36:52Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%91%E0%B6%BB%E0%B6%AC%E0%B7%94&diff=11270&oldid=prev 2026-06-22T10:55:28Z

<p>&#039;(<a href="/si_encyclopedia/index.php/%E0%B6%91%E0%B6%AC%E0%B6%BB%E0%B7%94" title="එඬරු">එඬරු</a>; <a href="/si_encyclopedia/index.php/%E0%B6%BB%E0%B6%A7_%E0%B6%91%E0%B6%AC%E0%B6%BB%E0%B7%94" title="රට එඬරු">රට එඬරු</a>). (රිසිනුස් කොමුනිස්-Ricinus communis L.). අ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>([[එඬරු]]; [[රට එඬරු]]). (රිසිනුස් කොමුනිස්-Ricinus communis L.). අකාෂ්ට කඳක් ඇති වටිනා ඖෂධීය ශාකයකි. එය නිවර්තන ප්‍රදේශවල, සාමාන්‍යයෙන් වල් ගසක් ලෙස අඩි 20 සිට 30 පමණ දක්වා උසට වැඩේ. ඉන්දියාවේ මේ ශාකය වවනු ලැබේ.<br /> <br /> එරඬු කොළ ලොකුය, ඒකාන්තරය, පාණිවත්ය (palmate). කොළ දාරය කරපත්‍රිකය (serrate). කොළ නටුව ග්‍රන්ථි සහිතය. මල් ඒකගෘහීය (monoecious), විදලය (apetalous). අග්‍රස්ථ හෝ පෙනෙන හැටියට පාර්ශ්වික හෝ ඒකාක්ෂවල මල් තිබේ. පුමංගී මල් පහළින් ද ජායාංගී මල් ඉහළින් ද දක්නට ලැබේ. ඵලය කටු සහිත ස්ඵෝටිකාවකි. ද්විකපාට එරණ්ඩිතාවන් (cocci) තුනක් සාදමින් ඵලය පිපිරේ. ඇට සිනිඳුය. ඒවා නොයෙක් වර්ණවලින් හා ලපවලින් යුක්තය. <br /> <br /> එරඬු ඇටවලින් ලබාගන්නා තෙල ඖෂධයක් වශයෙන් පාවිච්චි කරනු ලැබේ. ඇතැම් ප්‍රදේශවල මේ තෙල ආහාර පිළියෙල කිරීමටත් යොදනු ලැබේ. සායම් වර්ග හා අභ්‍යංජක (lubricants) නිෂ්පාදනයේ දීත් එඬරු තෙල් උපයෝගී කරගනිත්. එඬරු තෙල් නිෂ්පාදනය කරන ප්‍රධාන රට ඉන්දියාවය. <br /> <br /> එරඬු එවුපෝබියාසේ (Euphorbiaceae) කුලයට අයත්ය. <br /> <br /> == ආයුර්වේද මතය ==<br /> සකු බසින් ඒරණ්ඩ, වාතාරි ආදි නම්වලින් හැඳින්වෙන මේ ඖෂධ විශේෂයට ලක්වැසියෝ එරඬු, එඬරු, රට එඬරු යන නම් ව්‍යවහාර කරති. එය ශ්වේත, රක්ත, ස්ථූල වශයෙන් තෙවැදෑරුම්ය. ශ්වේත (එළ) එරඬු කටුකය, තික්තය, උෂ්ණය; ශ්ලේෂ්ම, ජ්වර, වාත, කාස යන රෝග පහ කරයි. රත් එරඬු ශෝථ, රුධිර දෝෂ, පාණ්ඩු, භ්‍රාන්ති, ශ්වාස, ජ්වර, කඵ, අරුචි ශමනය කරයි; ලඝුය. ස්ථුල ඒරණ්ඩ (මහ එරඬු) අනිකුත් එරඬුවලට වඩා ගුණාඪ්‍යය. සුදු, රත් යන එරඬු දෙවගය සිනිඳුය; වාපිත් දිනයි; සෞම්‍ය ධාතු වඩයි; ඉදිමුම, තුනටියෙහි රුදා, උදර රෝග, උණ, වෘද්ධි, ශ්වාස, බඩපිපුම, කැස්ස, කුෂ්ඨ, ආමවාත, ශ්ලේෂ්ම යන මේවා නැති කරයි. <br /> <br /> එරඬු කොළ කළු, වාත, කෘමිදෝෂ, මූත්‍ර කෘච්ඡ්‍ර නසයි; රත්පිත් කුපිත කරයි. එරඬුදළු වාත, ගුල්ම, වස්ති ශූල, ශ්ලේෂ්ම, කෘමි, සප්ත විධ වෘද්ධි යන මේවා නසයි. එඬරුඵල අතිශයින් උෂ්ණය, කටුකය; ගිනි වඩයි. ගුල්ම, ශූල, වාත, යකෘත්, ප්ලීහ, උදර, අර්ශස් යන රෝග ශමනය කෙරේ. එරඬු තෙල් උෂ්ණය; මල භේද කරයි; සෙම් වඩයි. වාත, රුධිර, ගුල්ම, උදර, අජීර්ණ, ජ්වර යන රෝග නසයි. එඬරුමද මල බිඳීම කරයි. වා සෙම් උදර රෝග දුරු කරයි. <br /> <br /> ජ්වර, ප්‍රබාහිකා, උදර, ශූලාදි රෝගයන්ට එරඬු මුල් ද කාස, ජ්වර, දාහ, කර්ණ ශූලාදි රෝගයන්ට එරඬු කොළ ද මේදෝ, වෘද්ධි රෝගයන්ට එරඬු කොළ යුෂ ද වාතරක්ත, ශූල, කටීශූල, ගෘධ්‍රසි යන රෝගයන්ට එරඬු ඇට ද වෘද්ධි, ආමවාත, ශූලාදි රෝගයන්ට එරඬු තෙල් ද වෙනත් ඖෂධ වර්ග සමග යොදනු ලැබේ. <br /> <br /> (සංස්කරණය: 1974)<br /> <br /> [[ප්‍රවර්ගය: උද්භිද විද්‍යාව]] <br /> <br /> [[ප්‍රවර්ගය: එ]]</div>

Senasinghe