http://encyclopedia.gov.lk/si_encyclopedia/index.php?action=history&feed=atom&title=%E0%B6%91%E0%B6%BD%E0%B7%8A_%E0%B6%B4%E0%B7%8F%E0%B7%83%E0%B7%9D
එල් පාසෝ - සංශෝධන ඉතිහාසය
2026-06-28T00:15:38Z
විකියෙහි මෙම පිටුව සඳහා ඇති සංශෝධන ඉතිහාසය
MediaWiki 1.27.1
http://encyclopedia.gov.lk/si_encyclopedia/index.php?title=%E0%B6%91%E0%B6%BD%E0%B7%8A_%E0%B6%B4%E0%B7%8F%E0%B7%83%E0%B7%9D&diff=11273&oldid=prev
Senasinghe: 'ඇමරිකා එක්සත් ජනපද රාජ්යයේ ටෙක්සස් ජනපදයෙහි...' යොදමින් නව පිටුවක් තනන ලදි
2026-06-23T09:16:27Z
<p>'ඇමරිකා එක්සත් ජනපද රාජ්යයේ ටෙක්සස් ජනපදයෙහි...' යොදමින් නව පිටුවක් තනන ලදි</p>
<p><b>නව පිටුව</b></p><div>ඇමරිකා එක්සත් ජනපද රාජ්යයේ ටෙක්සස් ජනපදයෙහි බටහිර කෙළවර, රියෝ ග්රාන්ඩේ ගඟ අසබඩ පිහිටා ඇති නගරයකි. ඔරිගන්, වේකෝ, සැක්රමෙන්ටෝ, ග්වාදලූපේ සහ සියෙරා මාද්රෙ යන කඳු වැටි සමීපයෙහි, ප්රැංක්ලින් කන්ද පාමුල නගරය මුහුදු මට්ටමේ සිට අඩි 3762ක් පමණ උසින් පිහිටා ඇත. 1950 දී මේ නගරයේ ජන සංඛ්යාව 630,485ක් පමණ විය. මෙක්සිකෝ දේශසීමාව අසලින් ම පිහිටා තිබෙන නිසා, එල් පාසෝහි වෙසෙන්නන්ගෙන් හරිඅඩක් පමණ මෙක්සිකන්වරුන්ගෙන් පැවතෙන්නෝ වෙති. <br />
<br />
එල් පාසෝහි දේශගුණය සෞම්යය; වියළිය. එහෙයින් එය පෙණහැලි ආබාධයන්ගෙන් පෙළෙන්නන්ට විශේෂයෙන් ම හිතකර වේ. ප්රසිද්ධ උද්යාන හා ස්පාඤ්ඤ ගෘහනිර්මාණ සම්ප්රදායට අයත් ගොඩනැඟිලි ආදිය හේතුකොටගෙන එල් පාසෝ නගරය බෙහෙවින් අලංකාර වී ඇත. <br />
<br />
ගවයන් ඇති කිරීම, තඹ සෑරීම සහ කපු වගාව යන මේවා එල් පාසෝ අවට ප්රදේශයෙහි දක්නට ලැබෙන ප්රධාන ව්යාපාර වෙයි. එබැවින්, එල්පාසෝ නගරය ඒ ව්යාපාරයන් හා සම්බන්ධ කර්මාන්ත මධ්යස්ථානයක් බවට පෙරළී ඇත්තේය. ටින්වල මස් ඇහිරීම, සම් පදම් කිරීම, තඹ උණු කිරීම හා කපු නූල් කැටීම ආදිය ද සිමෙන්ති සහ රසායනික පෝර නිෂ්පාදනය ද එල් පාසෝහි දක්නට ලැබෙන ප්රධාන කර්මාන්ත අතර වෙයි. මේ අනුව, යටකී ද්රව්ය නිෂ්පාදනය සහ බෙදා හැරීම හා සම්බන්ධ වූ වාණිජ සහ මුදල් කටයුතු පිළිබඳව ද එල් පාසෝ නගරය උසුලනුයේ ඉතා වැදගත් ස්ථානයකි. <br />
<br />
(සංස්කරණය: 1974)<br />
<br />
[[ප්රවර්ගය: භූගෝල විද්යාව-ඇ.එ.ජ.රා.]] <br />
<br />
[[ප්රවර්ගය: එ]]</div>
Senasinghe