http://encyclopedia.gov.lk/si_encyclopedia/index.php?action=history&feed=atom&title=%E0%B6%91%E0%B6%BD%E0%B7%92%E0%B7%83%E0%B6%B6%E0%B6%AD%E0%B7%8A%E0%B7%80%E0%B7%92%E0%B6%BD%E0%B7%8A 2026-06-13T06:13:21Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%91%E0%B6%BD%E0%B7%92%E0%B7%83%E0%B6%B6%E0%B6%AD%E0%B7%8A%E0%B7%80%E0%B7%92%E0%B6%BD%E0%B7%8A&diff=11080&oldid=prev 2026-06-12T10:33:58Z

<p>&#039;1966 සිට ලුබුම්බාෂි යනුවෙන් හැඳින්වෙන මෙය කොංගෝ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>1966 සිට ලුබුම්බාෂි යනුවෙන් හැඳින්වෙන මෙය කොංගෝ ප්‍රජාතන්ත්‍රවාදී සමූහාණ්ඩුවෙහි කටංගා පළාතේ අගනුවරය. 1910 දී පිහිටුවන ලද මෙම නගරය ඊට නුදුරු වූ ලුබුම්බාෂි නම් ස්ථානයෙහි තඹ ආකර හා තඹ නිෂ්පාදන කර්මාන්තයේ වැඩීමත් සමඟ ම ශීඝ්‍රයෙන් දියුණු විය. වර්තමාන එලිසබත්විල් නගරය ඉතා විශාල වාණිජ හා කාර්මික මධ්‍යස්ථානයකි. රටේ නගර අතුරෙන් විශාලත්වයෙන් දෙවැනි වනුයේ බ්‍රාසාවිල් අගනුවරට පමණි. 1960 ජූලි මාසයේ දී මොයිසි ෂොම්බේගේ නායකත්වය යටතේ ප්‍රධාන රජයෙන් ඉවත් වූ කටංගා ප්‍රාන්ත රාජ්‍යයෙහි අගනුවර බවට පත් වූ එලිසබත්විල් ඒ පිට පිට ම ඇති වූ වැදගත් දේශපාලන සිද්ධීන් හා සම්බන්ධ මූලස්ථානයක් විය. පැට්රිස් ලුමුම්බාගේ නායකත්වය යටතේ පැවැති ප්‍රධාන රජය ආරක්ෂා කිරීම සඳහා යොදවන ලද එක්සත් ජාතීන්ගේ හමුදා හා කටංගා හමුදා අතර බිහිසුණු සටන් ඇති වූයේ එලිසබත්විල්හි දීය. ෂොම්බේ පාක්ෂිකයන්ගේ මෙහෙයීමෙන් ලුමුම්බා පැහැරගෙන ගොස් සිර කර තබන ලද්දේත් මෙහිය. ලුමුම්බාගේ මරණය සිදු වූයේත් මීට නුදුරු ස්ථානයක දීය. <br /> <br /> මෑත දී දියුණු වූ නගරයක් නිසා මෙහි නිවාස හා ගොඩනැඟිලි ඉතා ක්‍රමවත්ය. එහෙයින් අලංකාරය. අප්‍රිකානු කලා සම්බන්ධ කෞතුකාගාරයක් මෙහි ඇත. ලුවන්ඩාහි සිට බෙයිරා දක්වා වූ දුම්රිය මාර්ගයෙහි වැදගත් දුම්රිය ස්ථානයක් වූ ද නවීන අංගෝපාංගයන්ගෙන් යුත් ගුවන් තොටුපළක් සහිත වූ ද එලිසබත්විල් ප්‍රවාහණ මධ්‍යස්ථානයක් වශයෙන් ද වැදගත් වේ. මෙහි විශ්වවිද්‍යාලයක් ද ඇත. ජනගහනය (1960) 183,711කි.<br /> <br /> (සංස්කරණය: 1974)<br /> <br /> [[ප්‍රවර්ගය: භූගෝල විද්‍යාව-කොංගෝ ප්‍රජාතන්ත්‍රවාදී සමූහාණ්ඩුව]] <br /> <br /> [[ප්‍රවර්ගය: එ]]</div>

Senasinghe