http://encyclopedia.gov.lk/si_encyclopedia/index.php?action=history&feed=atom&title=%E0%B6%91%E0%B7%83%E0%B7%8A%E0%B6%AD%E0%B6%BB%E0%B7%8A 2026-07-03T10:54:01Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%91%E0%B7%83%E0%B7%8A%E0%B6%AD%E0%B6%BB%E0%B7%8A&diff=11364&oldid=prev 2026-07-01T07:03:46Z

<p>&#039;ශුද්ධ වූ බයිබලයේ පරණ ගිවිසුමේ සතළොස්වන පොත මේ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>ශුද්ධ වූ බයිබලයේ පරණ ගිවිසුමේ සතළොස්වන පොත මේ නමින් හැඳින්වේ. ඒ පොතෙන් කියැවෙන කථාව එස්තර් නමැති යුදෙව් ජාතික කාන්තාවක හා සම්බන්ධය. ඇයගේ විශිෂ්ට රූපශ්‍රීයෙහි ඇලුණු අහසුවේරස් නමැති පර්සියානු රජ ඇය තම අගමෙහෙසිය බවට පත් කරගත්තේය. ඒ රජු යටතේ උච්චතම පදවිය දැරූ හාමාන් එරටවැසි යුදෙව්වන් වනසා දැමීම සඳහා උපක්‍රමයක් යොදා එය ක්‍රියාවෙහි යෙදවීමට සූදානම් ව සිටිය දී එස්තර් බිසවගේත් ඇය ඇති දැඩි කළ ඇයගේ මාමා වූ මෝර්දෙකයි නමැත්තාගේත් උත්සාහයෙන් එය වළක්වා ලන ලදි. හාමාන් සහ ඔහුගේ පුත්‍රයන් දසදෙනා ද යුදෙව්වන්ට වෛර කළ බොහෝ දෙනෙක් ද ජීවිතක්ෂයට පත් කරනු ලැබූහ. ‘පූරීම්’ නමැති උත්සවය ආරම්භ වූයේ ද මේ ජයග්‍රහණය සිහිවීම පිණිසය. මේ කථා පුවත විස්තර වන එස්තර්ගේ පොත ක්‍රිස්තු පූර්ව 150 තරම් මෑත කාලයකට අයත් වූවක් සේ ඇතැම් විචාරකයෝ සලකත්. <br /> <br /> (සංස්කරණය: 1974)<br /> <br /> [[ප්‍රවර්ගය: ආගමික ශුද්ධ ග්‍රන්ථ-ක්‍රිස්තියානි ආගම]] <br /> <br /> [[ප්‍රවර්ගය: එ]]</div>

Senasinghe