http://encyclopedia.gov.lk/si_encyclopedia/index.php?action=history&feed=atom&title=%E0%B6%91%E0%B7%83%E0%B7%99%E0%B6%9A%E0%B7%8A%E0%B7%83%E0%B7%8A 2026-07-03T10:54:00Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%91%E0%B7%83%E0%B7%99%E0%B6%9A%E0%B7%8A%E0%B7%83%E0%B7%8A&diff=11357&oldid=prev 2026-07-01T03:55:35Z

<p>&#039;එංගලන්තයේ දකුණු දිග්භාගයෙහි, ලන්ඩන් නුවරට ඉත...&#039; යොදමින් නව පිටුවක් තනන ලදි</p> <p><b>නව පිටුව</b></p><div>එංගලන්තයේ දකුණු දිග්භාගයෙහි, ලන්ඩන් නුවරට ඉතා ම ආසන්නව පිහිටා ඇති කෝරළයකි. ප්‍රමාණය වර්ග සැතපුම් 1,504කි. චෙම්ස්පඩ් මෙහි ප්‍රධාන නගරයයි. මෙහි මුහුදු තීරය කඩතොලු සහිතය. මුහුදුබඩ ප්‍රදේශය දියළු පසින් හා ගොහොරු බිමින් යුක්තය. තන්හි තන්හි කුඩා දිවයින් වෙයි. සමුද්‍රාසන්න සුඛස්ථාන කීපයක් ද ඇත. කෝරළයේ ප්‍රත්‍යන්ත ප්‍රදේශය රැළි බිම් ස්වරූපයක් දැරුව ද උස් කඳු නැත. ස්ටවුර්, කෝන්, කෙල්මර්, ක්රූඩ්, තෙම්ස්, රෝඩිං, බ්ලැක්වෝටර් සහ ලී මෙහි ප්‍රධාන ගංගාවෝයි. <br /> <br /> සෞම්‍ය දේශගුණයකින් හා සාරවත් පසින් යුත් එසෙක්ස් කෝරළය කෘෂිකාර්මික ප්‍රදේශයක් හැටියට හැඳින්විය හැකිය. තිරිඟු හා බාර්ලි මෙහි වගා කරනු ලබන ප්‍රධාන ධාන්‍ය වර්ගයෝයි. සීනි, බීට්, අර්තාපල් හා වෙනත් එළවළු වර්ග ද වවනු ලැබේ. එපිං ඔන්ගාර් යන ප්‍රදේශයන්හි කිරි පට්ටි පාලනය ද බාකිං ප්‍රදේශයෙහි ධීවර කර්මාන්තය ද කෙරේ. එසෙක්ස් කෝරළය ඕක් ආදි දැව වර්ගයන්ගෙන් ආඪ්‍යයි. එක් කලෙක මුළු කෝරළයම රාජකීය වනාන්තරයෙන් වැසී පැවැත්තේය. දැන් ඉන් ශේෂව පවත්නේ එපිං වනය (Epping Forest) පමණි. මෙහි පුරාණ ගොඩනැඟිලිවලින් වැඩිහරියක් ම දැවමුවාය. දැනුදු බොහෝ ගම්මානයන්හි දර්ශනීය නිවෙස් දැවෙන් ම නිම කොට ඇත. <br /> <br /> කාර්මික කටයුතු කෝරළයේ නිරිත දිග්භාගයෙහි වූ, දැන් ලන්ඩන් ප්‍රදේශයේ කොටසක් බවට පත්ව ඇති තෙම්ස් නදිය අසල ප්‍රදේශයට ම සීමාව පවතී. වොල්තම් ඇබීහි ආහාර ද්‍රව්‍ය හා රසායනික වර්ග නිපදවන කර්මාන්තශාලා ද ඩෙබ්ඩන්හි එංගලන්ත බැංකුවේ නෝට්ටු මුද්‍රණය කරන ආයතනයක් ද කොන්චෙස්ටර්, චෙම්ස්ෆඩ් යන නගරයන්හි ඉංජිනේරු වැඩපළවල් ද බ්‍රෙන්ට්‍රිහි හා බොකිංහි සේද වැඩපළවල් ද බ්‍රෙන්ට්වුඩ්හි හා චෙම්ස්ෆඩ්හි මද්‍ය පෙරන ස්ථාන ද ග්‍රෙස්හි හුනු හා සිමෙන්ති කම්හල් ද වෙයි. මේ අතර චෙම්ස්ෆඩ් අසළ හා බ්රැඩ්වෙල්-ඔන්-සීහි න්‍යෂ්ටික බල මධ්‍යස්ථාන ද ෆවුල්නස් දිවයිනෙහි පරමාණුක අවි පර්යේෂණායතනයක් ද ඇත. <br /> <br /> 1965 වර්ෂයට පෙර එසෙක්ස් කෝරළයේ ජනගහනයෙන් වැඩි ප්‍රමාණයක් දැන් ලන්ඩන් ප්‍රදේශයේ කොටසක් බවට පත්ව ඇති නිරිත දිග් භාගයෙහි ම එක්තැන් වී තිබිණි. 1965 ජනගහනය 1,221,230ක් විය. පාර්ලිමේන්තු කටයුතු සඳහා මෙම කෝරළය කොට්ඨාස දහයකට බෙදා තිබේ. එක් කලෙක එසෙක්ස් ප්‍රදේශය නැගෙනහිර සැක්සන්වරුන්ගේ රාජධානියේ කොටසක්ව පැවැත්තේය. කොල්චෙස්ටර්, මෝල්ඩන් යන නගරවල රෝමානු හා සැක්සන් නටබුන් දැනුදු දක්නට ලැබේ. ලන්ඩන් නගරයට ඉතා ආසන්නව පිහිටා ඇති බැවින් එසෙක්ස් කෝරළයත් එංගලන්තයේ දේශපාලන ඉතිහාසයත් අතර සමීප සම්බන්ධයක් පවතී.<br /> <br /> (සංස්කරණය: 1974)<br /> <br /> [[ප්‍රවර්ගය: භූගෝල විද්‍යාව-එංගලන්තය]] <br /> <br /> [[ප්‍රවර්ගය: එ]]</div>

Senasinghe