http://encyclopedia.gov.lk/si_encyclopedia/index.php?action=history&feed=atom&title=%E0%B6%91%E0%B7%84%E0%B7%85%E0%B6%B8%E0%B7%94%E0%B6%BB%E0%B7%94%E0%B7%80%E0%B7%8F 2026-07-03T09:44:11Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%91%E0%B7%84%E0%B7%85%E0%B6%B8%E0%B7%94%E0%B6%BB%E0%B7%94%E0%B7%80%E0%B7%8F&diff=11372&oldid=prev 2026-07-01T08:54:18Z

<p>&#039;(<a href="/si_encyclopedia/index.php/%E0%B6%87%E0%B7%84%E0%B7%90%E0%B7%85%E0%B6%B9%E0%B7%94%E0%B6%BB%E0%B7%94%E0%B7%80%E0%B7%8F" title="ඇහැළඹුරුවා">ඇහැළඹුරුවා</a>) (හරෙන්ගුලා ඕවාලිස් - Harengula ovalis Bennett). ව...&#039; යොදමින් නව පිටුවක් තනන ලදි</p> <p><b>නව පිටුව</b></p><div>([[ඇහැළඹුරුවා]]) (හරෙන්ගුලා ඕවාලිස් - Harengula ovalis Bennett). වෙරළාසන්න මුහුදේ ජීවත් වන මේ මත්ස්‍යයා අඟල් 5ක් පමණ දිගය. උගේ හොට දුඹුරුපාටය. ශරීරයේ උඩුපැත්ත තද කොළපාටය; දෙපැත්ත රිදීපාටය. කහපාට පාර්ශ්වික තීරයකින් ශරීරයේ උඩු කොටස යටි කොටසෙන් වෙන් කෙරේ. මුඛය ලොකුය; හනු දෙක එක හා සමානය. කම්මුල් විහිදී යන විලේඛ (striae) සහිතය. දත් ඇත්තේ ස්වල්පයකි. හලාස්ථියේ (vomer) දත් නැත. කොරපොතු තුනීය; පේළි පේළි වශයෙන් තිබේ. පිධානයට (operculum) පිටිපසින් දීප්තිමත් තැඹිලි පාට තිත් දෙකක් ඇත. පෘෂ්ඨීය වරලේ කෙළවර කහපාටය. අනික් වරල් සුදුපාටය. පෘෂ්ඨීය හා ගුද වරල්වල කටු නැත. අංශ රේඛාවක් ද නැත. <br /> <br /> එහළමුරුවා සාඩින් නමැති මත්ස්‍යයාට තරමක් සමානය. ලංකාව අවට මුහුදේ මේ මත්ස්‍යයෝ විශාල සමූහ වශයෙන් දක්නට ලැබෙත්. අන්දමන් හා නිකොබාර් දූපත් අසල ද මලයාව අවට මුහුදේ ද මේ මත්ස්‍යයා සුලභ දර්ශනයකි. එහළමුරුවා ක්ලුපෙයිපෝමේස් (Clupeiformes) ගෝත්‍රයෙහි ක්ලුපෙයිඩේ (Clupeidae) කුලයට අයත්ය.<br /> <br /> (සංස්කරණය: 1974)<br /> <br /> [[ප්‍රවර්ගය: සත්ත්ව විද්‍යාව]] <br /> <br /> [[ප්‍රවර්ගය: එ]]</div>

Senasinghe