http://encyclopedia.gov.lk/si_encyclopedia/index.php?action=history&feed=atom&title=%E0%B6%92%E0%B6%AF%E0%B6%B1%E0%B7%8A_%E0%B6%8B%E0%B6%BA%E0%B6%B1 2026-08-15T03:04:05Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%92%E0%B6%AF%E0%B6%B1%E0%B7%8A_%E0%B6%8B%E0%B6%BA%E0%B6%B1&diff=11510&oldid=prev 2026-08-07T08:50:30Z

<p>&#039;බයිබලයේ පරණ ගිවිසුමට මුල පුරන උත්පත්ති කථාවේ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>බයිබලයේ පරණ ගිවිසුමට මුල පුරන උත්පත්ති කථාවේ සඳහන් පරිදි තමන් වහන්සේ සෑදූ පළමු පුරුෂයා වූ ආදම්ටත් ඔහුගේ භාර්යාව වූ ඒවටත් වාසය පිණිස දෙවියන් වහන්සේ විසින් ඒදන් නම් ස්ථානයේ වවන ලද උයන මෙනමි. ‘ඒදන්’ යනු මහත් සොම්නස, අධික ප්‍රීතිය, මනෝහර ආදි අර්ථ ගෙන දෙන හේබ්‍රෙව් ශබ්දයකි. මේ උයනෙහි දැකීමට ප්‍රිය වූ, කෑමට යෝග්‍ය වූ ඵල දරන සියලු වෘක්ෂ ද උයන මැද ජීවනදායක වෘක්ෂය ද යහපත හා නපුර දැනීමෙහි වෘක්ෂය ද දෙවියන් වහන්සේ විසින් මවන ලදැයි පැවසේ. ඊට අනතුරුව උත්පත්ති කථාවේ එන විස්තරය අනුව උයන පිහිටි ස්ථානය හැඳින ගැනීමට පුරා විද්‍යාඥයන් ප්‍රයත්න දරා ඇත. ඒදන් උයන බැබිලෝනියාව අසල වී යයි ඇතැමුන් නිගමනය කොට ඇති අතර එය පර්සියන් බොක්කට නුදුරින් පිහිටි එරිදු ප්‍රදේශය විය හැකැයි ද යුප්‍රටීස්, ටයිග්‍රිස් යන ගංගා දෙක කථාවේ සඳහන් ගංගා සතරින් දෙකක් යයි ද ඇතැම්හු සලකත්.<br /> <br /> (සංස්කරණය: 1974)<br /> <br /> [[ප්‍රවර්ගය: ඓතිහාසික භූගෝල විද්‍යාව]] <br /> <br /> [[ප්‍රවර්ගය: ඒ]]</div>

Senasinghe