http://encyclopedia.gov.lk/si_encyclopedia/index.php?action=history&feed=atom&title=%E0%B6%92%E0%B6%B1%E0%B7%8A%E0%B6%AD%E0%B7%8A%E2%80%8D%E0%B6%BB%E0%B7%99_%E0%B6%BB%E0%B7%93%E0%B6%BA%E0%B7%9C%E0%B7%83%E0%B7%8A 2026-08-15T03:04:39Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%92%E0%B6%B1%E0%B7%8A%E0%B6%AD%E0%B7%8A%E2%80%8D%E0%B6%BB%E0%B7%99_%E0%B6%BB%E0%B7%93%E0%B6%BA%E0%B7%9C%E0%B7%83%E0%B7%8A&diff=11512&oldid=prev 2026-08-07T09:01:52Z

<p>&#039;(Entre Rios). ආජන්ටිනාවේ පළාතකි. ව.සැ. 29,427ක් විශාල මෙය පර...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(Entre Rios). ආජන්ටිනාවේ පළාතකි. ව.සැ. 29,427ක් විශාල මෙය පරනා හා ඌරුගුවේ ගංගා අතර පිහිටියේය. මුහුදු මට්ටමේ සිට අඩි 700කට වඩා උස් නොවූ මෙම පළාත මිටි හෙල් සහිත තැනි බිම් ප්‍රදේශයකි. පරනා හා ඌරුගුවේ ගංගාවන්හි අතුගංගා කීපයක් ම ඒන්ත්‍රෙ රීයොස් ඔස්සේ ගලා බසී. මේ ගංගා අතුරෙන් ග්වාලෙගුවේ ප්‍රධාන ගංගාවය. සාමාන්‍ය වාර්ෂික වර්ෂාපතනය අඟල් 40-45ක් පමණ වන හෙයින් ද ගංගා බහුල හෙයින් ද පස සාරවත් හෙයින් ද මෙහි කෘෂිකාර්මික කටයුතු මැනවින් දියුණු වී තිබේ. ප්‍රධාන වගාව තිරිඟුය. මේ හැර බාර්ලි, ඉරිඟු, ඕට්, මෙනේරි ආදි ධාන්‍ය වර්ග රාශියක් ද සත්ව ආහාර සඳහා නොයෙකුත් තෘණ වර්ග ද අර්තාපල්, දුම්, මිදි ආදි වෙනත් බෝග වර්ග රාශියක් ද මෙහි වගා කරනු ලැබේ. විශේෂයෙන් ම මස් පිණිස ගව බැටළු ආදි සතුන් ඇති කිරීම ද බහුල වශයෙන් කෙරේ. ඒන්ත්‍රෙ රීයොස් ආජන්ටිනාවේ මස් ඇහිරීමේ කර්මාන්තය මුලින් ම ආරම්භ කළාවූත් වෙනත් කර්මාන්ත අතින් ද දියුණු වූත් ප්‍රදේශයන්ගෙන් එකකි. එම කර්මාන්ත අතුරෙහි මත්පැන්, ගෘහභාණ්ඩ, සිමෙන්ති, ගොවි උපකරණ ආදිය නිපදවීම ද වෙළඳපොළට යැවීම සඳහා පිටි ඇඹරීම සම් පදම් කිරීම ආදි කර්මාන්ත ද වැදගත් වේ. <br /> <br /> ප්‍රවාහණය උදෙසා මෙහි ගංගා ඉතා වැදගත්ය. පරනා ගඟේ බජාඩා ග්‍රාන්ඩෙ දක්වාත් ඌරුගුවේ ගඟේ කොන්සෙප්සියොන් දක්වාත් ලොකු නැව්වලට පවා යාත්‍රා කළ හැකි වේ. මෙහි මංමාවත් හා දුම්රිය මාර්ග ද දියුණුය. පළාතේ ජනගහනය 990,900 පමණ වේ යැයි 1960 දී ගණන් බලා තිබේ. අගනුවර පරනාය. <br /> <br /> (සංස්කරණය: 1974)<br /> <br /> [[ප්‍රවර්ගය: භූගෝල විද්‍යාව-ආජන්ටිනාව]] <br /> <br /> [[ප්‍රවර්ගය: ඒ]]</div>

Senasinghe