http://encyclopedia.gov.lk/si_encyclopedia/index.php?action=history&feed=atom&title=%E0%B6%92.%E0%B6%A2%E0%B7%93._%E0%B7%84%E0%B7%92%E0%B6%B1%E0%B7%8A%E0%B6%B1%E0%B7%92_%E0%B6%85%E0%B6%B4%E0%B7%8A%E0%B6%B4%E0%B7%94%E0%B7%84%E0%B7%8F%E0%B6%B8%E0%B7%92 2026-05-19T04:21:00Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%92.%E0%B6%A2%E0%B7%93._%E0%B7%84%E0%B7%92%E0%B6%B1%E0%B7%8A%E0%B6%B1%E0%B7%92_%E0%B6%85%E0%B6%B4%E0%B7%8A%E0%B6%B4%E0%B7%94%E0%B7%84%E0%B7%8F%E0%B6%B8%E0%B7%92&diff=4488&oldid=prev 2024-01-20T04:07:01Z

<p>&#039;(1902.12.02-1972.01.12). රත්මලානේ සීමාසහිත මැලිබන් විස්කෝතු...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(1902.12.02-1972.01.12). රත්මලානේ සීමාසහිත මැලිබන් විස්කෝතු නිෂ්පාදනායතනයේ ආරම්භකයා වූ ද එහි අධ්‍යක්‍ෂ මණ්ඩලයේ ආරම්භක සභාපති වූ ද අඟුණගහ ගමගේ හින්නි අප්පුහාමි ශ්‍රී ලංකාවේ ප්‍රකට ව්‍යවසායකයෙකි, දානපතියෙකි. හින්නි අප්පුහාමි ලක්දිව වඩාත් ප්‍රචලිත වන්නේ ඔහු විසින් ආරම්භ කෙරුණ මැලිබන් ව්‍යාපාරය හා ඔහු තුළ පැවැති ශ්‍රද්ධාව, පරිත්‍යාගශීලීත්වය හා මානව හිතවාදී ආකල්ප නිසාවෙනි. එතුමා ඉහළ අධ්‍යාපනයක් නොලැබුව ද උපතින් ලද පින්මහිමයත් පාරම්පරික අත්දැකීම් සමුදායත් ව්‍යාපාර ඥානයත් යහපත් ගුණාංගත් නිසා ව්‍යාපාරික ක්ෂේත්‍රයේ ඉහළට පිය නැඟිමට ඔහු සමත් විය. <br /> <br /> දකුණු ලක ගාලු දිස්ත්‍රික්කයේ අක්මීමන ගමෙහි උපන් මොහු මූලික අධ්‍යාපනය ලැබුවේ ගාල්ල ඇලෝසියස් විද්‍යාලයෙනි. තරුණ කාලයේ කොළඹට පැමිණි හේ මුලින් ම වෙ‍ෙළඳ සේවකයෙකු වශයෙන් ජීවන මාර්ගය ඇරැඹී ය. පසුව කොළඹ, පිටකොටුවේ මැලිබන් වීදියේ තමාගේ ම තේ කඩයක් විවෘත කළේ ය. 1935 දී බේකරියක් ආරම්භ කළ හින්නි අප්පුහාමි ක්‍රමයෙන් සිය ව්‍යාපාර කටයුතු පුළුල් කළේ ය.පසුකලෙක සිය සොහොයුරු ජිනදාස, වික්‍රමපාල යන දෙදෙනාගේ ද සහයෝගය ඇති ‘මැලිබන් හෝටල් සමාගම’ නමින් හවුල් ව්‍යාපාරයක් පටන් ගෙන භෝජනාගාර කිහිපයක් සහ සිසිල් බීම නිෂ්පාදනයක් ද ‘සෙලර්’ නමින් ‘චොකලට්’ ආදි රසකෑම නිෂ්පාදනයක් ද සාර්ථක ලෙස පවත්වා ගෙන ගියේ ය.<br /> <br /> පාන් නිෂ්පාදනය ඔස්සේ බේකරි නිෂ්පාදන වෙත යොමු වූ හින්නි අප්පුහාමි පසුව බිස්කට් නිෂ්දනයට පිවිසියේ ය. මෙලෙස ඔහු දැනට ලෝක ප්‍රසිද්ධ මැලිබන් විස්කෝතු කර්මාන්තය බිහි කළේ ය. ඔහු මුලින් ම නිෂ්පාදනය කරන ලද බිස්කට්වලින් වඩාත් ජනප්‍රිය එකක් වූයේ මැලිබන් මාරි ය.<br /> <br /> 1965 දී ඇරැඹුණ රත්මලානේ පිහිටි ඔහුගේ කර්මාන්ත ශාලාව අතිවිශාල වූවකි. බිස්කට් නිෂ්පාදනය පිළිබඳ විදේශීය ඥානය ද ලබා ගෙන සිය ව්‍යාපාර කටයුතු වඩාත් සංවර්ධනය කිරීමට හින්නිඅප්පුහාමි ක්‍රියා කළේ ය. මේ වන වි දහස් ගණන් සේවක සේවිකාවෝ දිනපතා එහි වැඩෙහි යෙදි සිටිති. මැලිබන් කර්මාන්තශාලාවෙන් මසකට බිස්කට් පැකට්ටු මිලියන 25ක් පමණ නිෂ්පාදනය කර වෙළඳපොලට මුදාහරින බව පැවැසේ. ජාත්‍යන්තරය ජයගත් දේශීය ව්‍යාපාරයක් ලෙස දැනට ලෝකයේ රටවල් 35කට අධික ප්‍රමාණයකට සිය නිෂ්පාදන අපනයනය කරන මැලිබන් සමාගම රටට විදේශ විනිමය ලබා දීමට මහත් දායකත්වයක් දක්වයි. මෙම ආයතනය අද වන විට සිය නිෂ්පාදන කටයුතු පුළුල් කිරීම් වශයෙන් මැලිබන් යහපෝෂ, මැලිබන් තේ හා මැලිබන් කිරි ද වෙළෙඳපොළට නිකුත් කරයි. <br /> හින්නි අප්පුහාමි සිය ආයතනයේ නිෂ්පාදිත ආහාර කෙතෙක් පිරිසිදු ව හා අවංක ව නිෂ්පාදනය කළේ ද යන්න ඔහු විසින් ප්‍රකාශිත පහත සඳහන් ප්‍රකාශයෙන් මැනැවින් පිළිබිඹු වේ.<br /> “මගේ පුතාට පරිභෝජනය කළ නොහැකි කිසිම බිස්කට් එකක් මගේ ගේට්ටුවෙන් පිටතට යවන්න එපා.”<br /> <br /> සැදැහැවත් බෞද්ධයෙකු වූ හින්නි අප්පුහාමි ශාසනික වූ නානාවිධ සේවාවන් සඳහා විශාල ධන පරිත්‍යාග කළේ ය. ඒ අඅතර තමාගේ ජන්ම භූමිය වන අක්මීමන ගමෙහි අංග සම්පූර්ණ මාතෘ නිවාසයක් ඉදි කිරිම ආදි නොයෙක් සමාජ සේවාවන්හි ද යෙදුණේ ය. විහාරස්ථාන රැසකට විහාරාංග නිර්මාණයට අනුග්‍රහ දැක්වීය. තමා සිදු කරන කටයුතු පිළිවෙලට පිරිසිදුවට අවංකව ක්‍රියාශීලීව සිදු කිරීම මෙම ව්‍යාපාරිකයාගේ සාර්ථකත්වයට බෙහෙවින් බලපෑවේ ය. <br /> <br /> දේශීය ආර්ථිකයට ඉමහත් දායකත්වයක් සිදුකොට, විශාල පිරිසකට රැකීරක්ෂා අවස්ථා ලබා දී, කීර්තිමත් වෙළෙඳ නාමයක් ගොඩනඟා, සමාජ හා ශාසනික මෙහෙවරක් ද සිදු කොට අටසැට වන වියෙහි දී හින්නි අප්පුහාමි නම් මෙම සාර්ථක ව්‍යාපාරිකයා කොළඹ දී මෙලොවින් සමු ගත්තේ ය. <br /> <br /> (කර්තෘ: [[හපුගොඩ සුමනතිස්ස ස්ථවිර]])<br /> <br /> (සංස්කරණය නොකළ)<br /> <br /> [[ප්‍රවර්ගය: හ]]</div>

Senasinghe