http://encyclopedia.gov.lk/si_encyclopedia/index.php?action=history&feed=atom&title=%E0%B6%94%E0%B6%B1%E0%B7%8A%E0%B6%A7%E0%B7%9A%E0%B6%BB%E0%B7%92%E0%B6%BA%E0%B7%9D_%E0%B7%80%E0%B7%92%E0%B6%BD 2026-10-17T15:26:08Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%94%E0%B6%B1%E0%B7%8A%E0%B6%A7%E0%B7%9A%E0%B6%BB%E0%B7%92%E0%B6%BA%E0%B7%9D_%E0%B7%80%E0%B7%92%E0%B6%BD&diff=11696&oldid=prev 2026-10-06T08:50:23Z

<p>&#039;උතුරු ඇමරිකාවේ මහා විල් අතුරෙහි ඉතා ම නැගෙනහි...&#039; යොදමින් නව පිටුවක් තනන ලදි</p> <p><b>නව පිටුව</b></p><div>උතුරු ඇමරිකාවේ මහා විල් අතුරෙහි ඉතා ම නැගෙනහිර දෙසින් පිහිටියාවූත් ඉතා ම කුඩා වූත් විලය. උතුරෙන් ඔන්ටේරියෝ පළාතෙන් ද දකුණෙන් නිව් යෝක් ජනපදයෙන් ද සීමා වී තිබේ. දිය මතුපිට ප්‍රමාණය ව.සැ.7,600කි. විලේ ජලවහනාධාරය එහි මතුපිට ප්‍රමාණය හැර ව.සැ.34,800කි. වැඩි ම ගැඹුර අඩි 802කි. මෙම විලට උතුරු පැත්තේ වූ බිම් කොටස මුහුදු මට්ටමේ සිට අනුක්‍රමයෙන් ඉහළට නැඟ පුළුල් තැනිතලාවක් බවට පත් වෙයි. විලට දකුණු පැත්තෙන් වූ භූමිභාගය කඳුවැටියක ස්වභාවය උසුලයි. විල් ඉවුරටත් කඳුවැටියටත් අතර ප්‍රදේශය පලතුරු වගාව සම්බන්ධයෙන් ඉතා ප්‍රසිද්ධය. ගිනිකොන දෙසට වන්නට පිහිටා ඇති ඊරි විලේ ජලය නයගරා ගංගාව මගින් මේ විලට බැස යයි. ඔන්ටේරියෝ විලෙහි මෙන් අන් මහා විල්වල ද ජලය පිට කරන මාර්ගය වනුයේ සෙන්ට් ලෝරන්ස් ගංගාවයි. නයගරා ගංගාව හැරුණු විට ඔන්ටේරියෝ විලට ගලා බස්නා ගංගා නම් නිව් යෝක් ජනපදයේ සිට ගලා එන ජෙනිසී, ඔස්වීගෝ, සැමන්, බ්ලැක් සහ කැනඩාවේ ඔන්ටේරියෝ පළාතේ සිට ගලා එන ට්රෙන්ට්ය. කිංස්ටන්, ටොරොන්ටෝ හා හැමිල්ටන් කැනේඩියානු පැත්තේ ප්‍රධාන නැව් තොටවල් වන අතර ඔස්වීගෝ හා රොචෙස්ටර් එක්සත් ජනපද රාජ්‍යය පැත්තේ වූ ප්‍රධාන නැව්තොටවල්ය.<br /> <br /> 1611 දී සොයාගන්නා ලද ඔන්ටේරියෝ විල ආර්ථික වැදගත්කමින් වැඩි වන්නට වූයේ 1817 දී පළමුවරට යාත්‍රා ගමනාගමනය ආරම්භ වීමෙන් හා 1931 දී ඊරි විලත් ඔන්ටේරියෝ විලත් සම්බන්ධ කරන වෙලන්ඩ් ඇළ නැව් ගමනාගමනය සඳහා විවෘත කරවනු ලැබීමෙන් ඉක්බිතිය. එතැන් පටන් නොයෙක් වෙළඳ භාණ්ඩ, විශේෂයෙන් තිරිඟු, ගල් අඟුරු, යපස්, වානේ, දැව, සිමෙන්ති ආදි වෙළඳ භාණ්ඩ මෙම විල ඔස්සේ එහා මෙහා ගෙන යනු ලැබේ.<br /> <br /> (සංස්කරණය: 1974)<br /> <br /> [[ප්‍රවර්ගය: භූගෝල විද්‍යාව]] <br /> <br /> [[ප්‍රවර්ගය: ඔ]]</div>

Senasinghe