http://encyclopedia.gov.lk/si_encyclopedia/index.php?action=history&feed=atom&title=%E0%B6%94%E0%B6%BB%E0%B7%9D%E0%B6%BB%E0%B7%8F_%281%29 2026-07-23T19:09:48Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%94%E0%B6%BB%E0%B7%9D%E0%B6%BB%E0%B7%8F_(1)&diff=11442&oldid=prev 2026-07-16T07:28:53Z

<p>&#039;රෝම දේවකථාවන්හි එන අරුණ දෙව් දුවය. මැය ග්‍රීක...&#039; යොදමින් නව පිටුවක් තනන ලදි</p> <p><b>නව පිටුව</b></p><div>රෝම දේවකථාවන්හි එන අරුණ දෙව් දුවය. මැය ග්‍රීක දේවකථාවන්හි හැඳින්වෙනුයේ [[ඒයෝස්]] (බ.) නමිනි. හයිපීරියොන් නම් ටෛටන්ගේ හා තීයාගේ දියණියයි. හීලියෝස් හා සෙලීනී මැයගේ සහෝදරියෝ දෙදෙනෙකි. <br /> <br /> ඔරෝරා සෑම උදෑසනක ම හිරු දෙවියාට අහසෙහි ගමන් කිරීමට හැකි වන පරිදි ස්වර්ගයෙහි නැගෙනහිර දොරටුව විවෘත කරයි. දෙව්මිනිසුන්ට ආලෝකය ලැබෙන්නේ මේ හේතුකොටගෙනය. <br /> <br /> මැයගේ වල්ලභයා තිතෝනස්ය. ජුපිටර් දෙව් රජුන්ගෙන් සදහට ම ජීවත්වීමේ වරම ලබාගත් නමුත් සිය වල්ලභයාගේ තරුණභාවය සදාකල්හි තබා ගැනීමට අවසර ගැනීමට මැයට අමතක විය. දිනෙන් දින වයසට යන ඔහු දුටු ඕ‍ මහත් නොඉවසිල්ලට පත් වූවාය. අන්තිමේ දී ඇය විසින් හේ පළඟැටියකු බවට පත්කරනු ලැබීය. මොවුන්ගේ පුත්‍ර මෙම්නොන් ඇකිලීස් විසින් මරනු ලැබිණි. උදෑසන තණපත් මත වැටෙන කුඩා පිණිබිඳු වූකලි මොහු නැති සොවින් ඔරෝරා හෙළන කඳුළුය. <br /> <br /> ඔරෝරා දෙව්දුව පිළිබඳ විශ්වාසය ආදිකාලීන ආගම්වල පොදු ලක්ෂණයකි. වෛදික දේවකථාවන්හි එන [[උෂස්]] (බ.) මැයට බෙහෙවින් සමානය. සාහිත්‍යයෙහි නොයෙක් විට සඳහන් වන මැය කලා කෘතීන්හි නිරූපිතව ඇත්තේ මනාව හැඳ පැලඳගත් තරුණ කතක ලෙසිනි.<br /> <br /> ඔරෝරා යන වචනය ඖපචාරික වශයෙන් පෙරදිග හැඳින්වීමට ද යොදනු ලැබේ.<br /> <br /> (සංස්කරණය: 1974)<br /> <br /> [[ප්‍රවර්ගය: ග්‍රීක-රෝම දේවකථා]] <br /> <br /> [[ප්‍රවර්ගය: ඔ]]</div>

Senasinghe