http://encyclopedia.gov.lk/si_encyclopedia/index.php?action=history&feed=atom&title=%E0%B6%94%E0%B6%BD%E0%B7%92%E0%B6%B8%E0%B7%8A%E0%B6%B4%E0%B7%83%E0%B7%8A 2026-09-05T10:56:52Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%94%E0%B6%BD%E0%B7%92%E0%B6%B8%E0%B7%8A%E0%B6%B4%E0%B7%83%E0%B7%8A&diff=11541&oldid=prev 2026-08-24T10:47:03Z

<p>&#039;ග්‍රීසියේ හා සුළු ආසියාවේ පිහිටි කඳු කීපයක් ම...&#039; යොදමින් නව පිටුවක් තනන ලදි</p> <p><b>නව පිටුව</b></p><div>ග්‍රීසියේ හා සුළු ආසියාවේ පිහිටි කඳු කීපයක් ම මෙනමින් හැඳින්වේ. මේවා අතුරෙන් ඉතා ම ප්‍රකට කන්ද ග්‍රීසියේ තෙසලි ප්‍රදේශයත් මැසිඩෝනියාවත් අතර පිහිටා තිබේ. මුහුදු මට්ටමේ සිට අඩි 9550ක් පමණ උස් වූ මෙය ග්‍රීසියේ උස් ම කන්ද වේ. අවුරුද්දෙන් නව මාසයක් ම හිමෙන් වැසී පවත්නා මෙය විපරීත පාෂාණ මත පිහිටි හුනුගල්වලින් සැදුණේ වෙයි. පහළ බෑවුම් කේතුධර වනයෙන් වැසී ඇත. බෑවුම් ඉස්මත්තෙහි උතුරින් හා නැගෙනහිරින් පර්වතප්‍රාන්තයෝ වෙති. යුද කටයුතු සම්බන්ධයෙන් වැදගත් වූ මේ කන්ද දෙවැනි ලෝක සංග්‍රාම සමයේ දී ග්‍රීක ගරිල්ලා භටයන්ගේ බලකොටුවක්ව පැවැත්තේය. <br /> <br /> ඔලිම්පස් කන්දේ උස ප්‍රමාණයත් අවුරුද්දේ වැඩි කාලයක් හිමෙන් වැසී තිබීම හේතුකොටගෙන එහි වූ ගුප්ත ස්වභාවයත් නිසා ම තම ප්‍රධාන දෙවිවරුන් දොළොස්දෙනාගේ විමාන හෙවත් වාසස්ථාන එම කන්දේ නොයෙක් ශිඛරයන්හි පිහිටා තිබුණු බවත් සියුස් නම් මහ දෙවියාගේ අලංකාර මන්දිරය උස ම ශිඛරයෙහි පිහිටා තිබුණු බවත් පුරාණ ග්‍රීකයන්ගේ විශ්වාසය විය. එපමණක් නොව ඔලිම්පස් කන්ද ලෝකයේ නියම මධ්‍යස්ථානය සේ සැලකිණි. එම දෙවිවරු ද ‘ඔලිම්පියන් දේවගණයා’ යනුවෙන් හැඳින්වෙන්නට වූහ. එහෙත් කල් යත් යත් දෙවිවරුනට පුද සත්කාර පැවැත්වීමට කඳුමුදුන්වලට නැඟි ඔව්හු ඒවා වළාකුළුවලින් වැසීගිය හිමකූට විනා තවදුරටත් ගුප්ත ස්ථාන නොවන බවත් ඒවා නිතර නිතර මිනිසුන්ගේ පාදස්පර්ශය ලබන බැවින් දෙවිවරුන්ගේ වාසයට උචිත නොවන බවත් සලකන්නට වූහ. එහෙයින් ඔව්හු ඈත අහසෙහි පිහිටි මීට වඩා මහේශාක්‍ය වූ අන්‍ය ඔලිම්පස් කන්දක් සම්බන්ධයෙන් විශ්වාස කරන්නට වූහ. මෙම පරිකල්පනයට හෝමර් වැනි ග්‍රීක කවීන්ගෙන් මහත් ආභාසයක් ලැබිණි.<br /> <br /> (සංස්කරණය: 1974)<br /> <br /> [[ප්‍රවර්ගය: භූගෝල විද්‍යාව]] <br /> <br /> [[ප්‍රවර්ගය: ඔ]]</div>

Senasinghe