http://encyclopedia.gov.lk/si_encyclopedia/index.php?action=history&feed=atom&title=%E0%B6%94%E0%B7%80%E0%B7%94-%E0%B6%BA%E0%B7%8F%E0%B6%82_%E0%B6%A0%E0%B7%92%E0%B6%82-%E0%B7%80%E0%B7%94 2026-10-22T11:07:15Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%94%E0%B7%80%E0%B7%94-%E0%B6%BA%E0%B7%8F%E0%B6%82_%E0%B6%A0%E0%B7%92%E0%B6%82-%E0%B7%80%E0%B7%94&diff=11980&oldid=prev 2026-10-20T04:45:32Z

<p>&#039;(1871-1943). චීනයේ ජනරජ යුගයේ දී ඉහළින් වැජඹුණු බෞද්ධ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(1871-1943). චීනයේ ජනරජ යුගයේ දී ඉහළින් වැජඹුණු බෞද්ධ පඬිවරයෙකි. මොහු බහුශ්‍රැත ධර්මකථික උපාසකයාණ කෙනකු හැටියට මුළු මහත් චීනයේ ම ප්‍රසිද්ධියට පත්ව සිටියේය. <br /> <br /> 1871 දී කියාංසි පළාතේ ඉ-හ්වාං දිස්ත්‍රික්කයෙහි උපත ලැබූ මොහු තරුණ වියේ දී ම කොන්ෆියුසියානු ධර්මය හදාරා ඉක්බිති මහායාන බෞද්ධ ධර්මය හදාරන්නට පටන් ගත්තේය. එවක විසූ උසස් ම තාන්ත්‍රික පඬිවරයා වූ කුයි පෝ-හ්වාංගේ මාර්ගයෙන් යාං වෙන්-හුයි නමැති කීර්තිධර උපාසකයාණන්ගේ ආශ්‍රයට වැටුණු හේ සත් තිස් හැවිරිදි වියේ දී නැන්කිංහි ජේතවන ජේතවන විහාරයට ඇතුළත්ව යාං වෙන්-හුයිගේ මඟ පෙන්වීම යටතේ තව දුරටත් බෞද්ධ සාහිත්‍යය හදාළේය. ක්‍රි.ව. 1910 දී යාං වෙන්-හුයි මරුමුවට පත් වූ පසු ඔහුගේ කාර්ය ද ඔවු-යාං චිං-වු වෙත පැවැරිණි. මොහු විසින් බෞද්ධ ත්‍රිපිටක ග්‍රන්ථ ප්‍රකාශයට පමුණවනු ලැබුවා පමණක් නොව චීන අභිධර්මායතනය ද නැන්කිංහි ධර්ම ලක්ෂණ විශ්වවිද්‍යාලය ද පිහිටුවන ලදි. මේ ආයතන ‘ජීවිතයේ කේන්ද්‍රස්ථානය චිත්තයයි’ යන මාතෘකාව පදනම් කරගත් ඉගැන්වීම් ක්‍රමය ප්‍රචාරයට පැමිණවූ මධ්‍යස්ථානයෝ වූහ. ඔවු-යාං චිං-වුගේ ශිෂ්‍යවරයන් වන ලූ-චෙන් කාං යොං තුං, චෙන්මිං-හ්සු ආදීහු නූතන චීනයෙහි ශ්‍රේෂ්ඨ බෞද්ධ පඬිවරයන් ලෙස සැලකෙත්. එසේ ම මෑත කාලයෙහි චීනයේ බෞද්ධ ධර්ම ප්‍රචාරයෙහි නිරත වූ හැම කෙනකු ම පාහේ මෙතුමාගේ ද ශ්‍රේෂ්ඨ බෞද්ධ නායකයකු වූ තායි-හ්සු තෙරුන්ගේ ද ආයතන ඇසුරු කළ අය බව කියනු ලැබේ. <br /> <br /> අවුරුදු හැත්තෑ දෙකක් ආයු වැළඳූ ඔවු-යාං චිං-වු 1943 පෙබරවාරි 23 වැනි දා පරලෝ සැපත් විය. මෙතුමා විසින් චීන බසින් රචිත ධර්ම ග්‍රන්ථ දහයක් පමණ වේ.<br /> <br /> (සංස්කරණය: 1974)<br /> <br /> [[ප්‍රවර්ගය: පුද්ගල චරිත-චීන බෞද්ධාචාර්‍ය්‍යවරු]] <br /> <br /> [[ප්‍රවර්ගය: ඔ]]</div>

Senasinghe