http://encyclopedia.gov.lk/si_encyclopedia/index.php?action=history&feed=atom&title=%E0%B6%9A%E0%B7%92%E0%B6%9A%E0%B7%94%E0%B6%A2%E0%B7%93%E0%B6%BB%E0%B7%9D_%E0%B6%89%E0%B7%82%E0%B7%92 2026-05-16T20:38:06Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%9A%E0%B7%92%E0%B6%9A%E0%B7%94%E0%B6%A2%E0%B7%93%E0%B6%BB%E0%B7%9D_%E0%B6%89%E0%B7%82%E0%B7%92&diff=8489&oldid=prev 2025-07-17T04:11:02Z

<p>&#039;(1886-1915). ජපානයේ තානාපති සේවයේ නියුක්තව සිටි මෙතෙ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(1886-1915). ජපානයේ තානාපති සේවයේ නියුක්තව සිටි මෙතෙම පසුව කැබිනට් මණ්ඩලයේ තනතුරු කීපයක් ද ඉසිලීය. <br /> <br /> චීදා ප්‍රදේශයේ උපත ලැබූ ඉෂි නීතිය හදාරා නීතිඥ වෘත්තියෙහි යෙදීමට අදහස් කර සිටිය ද විදේශ කටයුතු කෙරෙහි ඔහුගේ සිත ඇදී ගියේය. ඔහුගේ ජීවිතයේ මුල් කාලය ජපානයෙහි නොයෙක් සිදුවීම්වලින් ගහන යුගයක් විය. මෙයිජි පුනඃස්ථාපනය (1868) පිළිබඳ ප්‍රතිශෝධන රාශියක් ම සිදු වූයේ ඔහුගේ නිලකාලයේ දී මය. නිබඳව ම ගලා ආ විදේශීය බලපෑම් නිසා විදේශ රටවල් දැකගැනීමට මෙන් ම ඒවා ගැන අවබෝධයක් ඇති කරගැනීමට ද ඔහු තුළ ආශාවක් උපන. 1890 දී තෝකියෝ විශ්වවිද්‍යාලයේ නීති අධ්‍යයනාංශයෙන් ඉවත් වූ හේ තානාපති සේවයට බැඳි පැරිසියට ගියේය. පැරිසියේ සිටි කාලය ඇතුළත දී යුරෝපීය භාෂා මැනවින් හදාළ හේ අර්ථශාස්ත්‍රය හා ජාත්‍යන්තර වෙළෙඳාම සම්බන්ධයෙන් විශේෂයෙන් සැලකිලිමත් වූයේය. ලෝක වෙළෙඳපොළ සම්බන්ධයෙන් සලකන විට ජපානයට හිමි විය යුතු ස්ථානය නොලැබී තිබෙනු දුටු හේ ඒ ගැන ශෝකයට පත් වූයේ ඊට හේතුව සොයන්නට විය. ඔහු විසින් පිහිටුවන ලද ප්‍රංස-ජපන් වෙළෙඳ සංගමයෙන් මුල දී ප්‍රතිඵල නොලැබුණ ද එය එවක වෙළෙඳ කටයුතු පිළිබඳ ප්‍රබෝධයට ප්‍රබල හේතුවක් විය. 1925 දී ප්‍රංසයේ සිට ජපානයට යවනු ලැබූ වෙළෙඳ දූත මෙහෙවර ඔහුගේ අප්‍රතිහත ව්‍යායාමයේ ප්‍රතිඵලයක් විය. 1896 දී හේ කොරියාවේ ද පසුව චීනයේ ද තානාපති සේවයට පත් කරනු ලැබීය. ප්‍රංසය සම්බන්ධයෙන් වූ ඔහුගේ ලැදිකමත් ප්‍රංසයේ විවිධ ප්‍රශ්න පිළිබඳව ඔහු තුළ වූ පුළුල් අවබෝධයත් නිසා 1912 දී හේ ප්‍රංසයේ ජපන් තානාපති වශයෙන් පත් කොට යවනු ලැබීය. එම අවුරුද්දේ ම බැරන් නාමයෙන් ද 1916 දී වෛකවුන්ට් නාමයෙන් ද හේ සම්මාන ලැබීය. 1927 දී තානාපති සේවයෙන් විශ්‍රාම ලැබූ ඉෂි දෙවෙනි ලෝක සංග්‍රාමයේ දී බෝම්බ ප්‍රහාරයකට ගොදුරු වී තෝකියෝ නුවර දී මිය ගියේය.<br /> <br /> (සංස්කරණය: 1970)<br /> <br /> [[ප්‍රවර්ගය: පුද්ගල චරිත - ජපාන දේශපාලනඥයෝ]] <br /> <br /> [[ප්‍රවර්ගය: ඉ]]</div>

Senasinghe