http://encyclopedia.gov.lk/si_encyclopedia/index.php?action=history&feed=atom&title=%E0%B6%A0%E0%B7%9E%E0%B6%AF%E0%B7%8A%E0%B6%BB%E0%B7%92_%E0%B6%B8%E0%B7%9C%E0%B7%84%E0%B6%B8%E0%B6%AF%E0%B7%8A_%E0%B6%85%E0%B6%BD%E0%B7%92 2026-05-06T21:45:26Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%A0%E0%B7%9E%E0%B6%AF%E0%B7%8A%E0%B6%BB%E0%B7%92_%E0%B6%B8%E0%B7%9C%E0%B7%84%E0%B6%B8%E0%B6%AF%E0%B7%8A_%E0%B6%85%E0%B6%BD%E0%B7%92&diff=4628&oldid=prev 2024-01-26T10:29:00Z

<p>&#039;(1905- ). පකිස්ථානයේ අගමැතිවරයා වශයෙන් මඳ කලක් සේව...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(1905- ). පකිස්ථානයේ අගමැතිවරයා වශයෙන් මඳ කලක් සේවය කළ දේශපාලකයෙකි. දේශපාලනයට බැසීමට පෙර විශිෂ්ට සිවිල් නිලධරයකුව සිටි හේ රජයේ උසස් නිලතල කීපයක් ම දැරීය.<br /> <br /> පංජාබ් ජාතිකයකු වූ චෞද්රි මොහමද් අලි1905 ජුලි 15 වැනි දා ජලන්දර්හි දී උපන්නේය.ලාහෝර්හි පංජාබ් විශ්ව විද්‍යාලයේ විද්‍යාපති (ඇම්. ඇස් සී.) උපාධිය ලැබූ හේ ඉස්මාලියා විද්‍යාලයේ රසායන විද්‍යාව පිළිබඳ කථිකාචාර්ය ධුරයකට පත් වූයේය. ඉන්පසු ඔහු ඉන්දියාවේ ගණකාධිකාරි සේවයට බැඳී බහවල්පූර්හි ප්‍රධාන ගණකාධිකාරි වශයෙන් ද ඉන්දියාණ්ඩුවේ මුදල් ඇමැතිවරයාගේ පෞද්ගලික ලේකම් වශයෙන් ද මුදල් දෙපාර්තමේන්තුවේ උප ලේකම් වශයෙන් ද ක්‍රියා කළේය. මුදල් පිළිබඳ උපදේශක තැන හැටියට ඔහු තවත් දෙපාර්තමේන්තු කීහිපයකම සේවය කළේය.<br /> <br /> 1947 දී රට බෙදීමේ මන්ත්‍රණ සභාවෙහි ප්‍රධාන කාරක සභාවේ සාමාජිකයකු වූ චෞද්රි මොහමද් අලි 1951 දී කොළඹ ක්‍රම සම්මේලනයන්හි පොදු රාජ්‍ය මණ්ඩලීය උපදේශක කාරක සභාවේ නියෝජිතයා වූයේය. එම වර්ෂයේ දී ම හේ පකිස්ථානයේ මුදල් අමාත්‍ය ධුරයට පත් වුයේ ය. 1952, 53, 54 යන වර්ෂ වල දී පොදු රාජ්‍ය මණ්ඩලීය මුදල් අමාත්‍යවරුන්ගේ සම්මේලනයට සහභාගි වූ පකිස්ථාන් නියෝජිත කණ්ඩායමේ ප්‍රධානියා වූයේ ද ඔහුය. 1953 දී හේ ජාත්‍යන්තර මූල්‍ය අරමුදලේ සහ ප්‍රතිසංස්කරණය හා සංවර්ධනය පිළිබඳ ජාත්‍යන්තර බැංකුවේ පාලක මණ්ඩලවල සභාපති පදවි ඉසිලීය. 1955 මැතිවරණයෙන් පසු පිහිටුවන ලද සභාග ආණ්ඩුවේ අගමැති වූ ඔහු 1956 දී එම ධුරයෙන් ඉල්ලා අස්විය. ඉන්පසු ජනපදයෙහි පකිස්ථාන් තානාපති පදවියට පත්ව ගියේය.<br /> <br /> (සංස්කරණය: 1965)<br /> <br /> [[ප්‍රවර්ගය: ලෝක දේශපාලනය]] <br /> <br /> [[ප්‍රවර්ගය: අ]]</div>

Senasinghe