http://encyclopedia.gov.lk/si_encyclopedia/index.php?action=history&feed=atom&title=%E0%B6%A2%E0%B7%9C%E0%B7%84%E0%B7%90%E0%B6%B1%E0%B7%8A%E0%B6%B1%E0%B7%83%E0%B7%8A_%E0%B7%83%E0%B7%8A%E0%B6%9A%E0%B7%9D%E0%B6%A7%E0%B7%83%E0%B7%8A_%E0%B6%91%E0%B6%BB%E0%B7%92%E0%B6%A2%E0%B6%B1%E0%B7%8F
ජොහැන්නස් ස්කෝටස් එරිජනා - සංශෝධන ඉතිහාසය
2026-06-27T22:56:58Z
විකියෙහි මෙම පිටුව සඳහා ඇති සංශෝධන ඉතිහාසය
MediaWiki 1.27.1
http://encyclopedia.gov.lk/si_encyclopedia/index.php?title=%E0%B6%A2%E0%B7%9C%E0%B7%84%E0%B7%90%E0%B6%B1%E0%B7%8A%E0%B6%B1%E0%B7%83%E0%B7%8A_%E0%B7%83%E0%B7%8A%E0%B6%9A%E0%B7%9D%E0%B6%A7%E0%B7%83%E0%B7%8A_%E0%B6%91%E0%B6%BB%E0%B7%92%E0%B6%A2%E0%B6%B1%E0%B7%8F&diff=11340&oldid=prev
Senasinghe: '(800 ?−877 ?). අයිරිෂ් ජාතික දාර්ශනිකයෙකි. නවවැනි සිය...' යොදමින් නව පිටුවක් තනන ලදි
2026-06-25T05:56:03Z
<p>'(800 ?−877 ?). අයිරිෂ් ජාතික දාර්ශනිකයෙකි. නවවැනි සිය...' යොදමින් නව පිටුවක් තනන ලදි</p>
<p><b>නව පිටුව</b></p><div>(800 ?−877 ?). අයිරිෂ් ජාතික දාර්ශනිකයෙකි. නවවැනි සියවසෙහි යුරෝපයේ විසූ කීර්තිධර බුද්ධිමතකු ද දේවධර්මවේදියකු ද වූ හෙතෙමේ ‘ජෝන් ද ස්කොට්’ යනුවෙන් ද හැඳින්විණි. <br />
<br />
අයර්ලන්තයෙහි උපන් එරිජනාට මුල් අවධියෙහි ප්රංසයේ දෙවෙනි චාල්ස් අධිරාජයා විසින් පැලටයින් ඇකඩමියේ ආධිපත්යය පවරන ලදි. ඔහු එම අධිරාජයාගේ ආරාධනයෙන් මධ්යතන යුගයේ බෙහෙවින් ප්රකටව පැවති ස්යුඩෝ (ව්යාජ)-ඩයොනීසියස්ගේ ග්රීක කෘතීන් ලතින් භාෂාවට පරිවර්තනය කළා පමණක් නොව ඊට ව්යාඛ්යාන ග්රන්ථයක් ද සම්පාදනය කෙළේය. එම ව්යාඛ්යානය පාප්තුමාගේ අනුමතිය සඳහා කලින් ඉදිරිපත් නොකිරීම නිසා හෙතෙම නිකුලස් පාප්තුමාගේ අප්රසාදයට පාත්ර විය. පසුව ඔහු විසින් ලියන ලද ‘ස්වභාවධර්මයේ විභජනය ගැන’ නමැති කෘතිය ද බලවත් දෝෂදර්ශනයට පාත්ර විය. මෙම ග්රන්ථය ස්යුඩෝ-ඩයොනීසියස්ගේ මතයන් ද වක්ර ලෙස ඇරිස්ටෝටල්ගේ ඉගැන්වීම් ද පදනම් කොටගෙන ඇත ද චින්තන ක්රමය අතින් ස්වෛරීභාවයක් පළ කරයි. එහි ස්වභාව ධර්මය කොටස් හතරකට බෙදා දක්වා තිබේ. <br />
<br />
(1) නිර්මාණය කරන එහෙත් නිර්මාපිත නොවූ ස්වභාවධර්මය - එනම් සියල්ලෙහි ම මූලික ප්රභවය වූ දෙවියන්වහන්සේ, <br />
<br />
(2) නිර්මාපිත වූ ද නිර්මාණය කරන්නා වූ ද සියලු ම නියත වස්තූන්ගේ ‘ආකෘතීන්’ගෙන්, ‘වර්ගයන්’ගෙන් හෝ ‘මූල රූපයන්’ගෙන් යුත් ස්වභාවධර්මය, <br />
<br />
(3) නිර්මාපිත වූ, එහෙත් නිර්මාණය නොකරන්නා වූ ස්වභාවධර්මය - එනම් නියත ලෝකය, <br />
<br />
(4) නිර්මාපිත නොවූ ද නිර්මාණය නොකරන්නා වූ ද ස්වභාවධර්මය - එනම් මෙහි දී සියල්ලෙහි ප්රභවය වශයෙන් නොව සියල්ලක් සදාකාලික විශ්රාම සුවය සඳහා ආපසු පැමිණෙන අවසානය වශයෙන් සැලකෙන දෙවියන්වහන්සේ යනුවෙනි. <br />
<br />
එක් කථා පුවතකට අනුව ඔහු තම ශිෂ්යයන් විසින් මරුමුවට පත් කරන ලද බව පැවසේ. ඔහු එවක විසූ ඉතා ම සැලකිය යුතු පඬිවරයා මෙන් ම නිදහස් මතධාරී චින්තකයා ද වූයේය. මොහු 9 වන සියවසේ ඉතා ම විස්මයජනක පුද්ගලයා හැටියට බ'ට්රන්ඩ් රසල් සලකන්නේ සනාතන ක්රිස්තියානි ඉගැන්වීම්වලට එරෙහිව යාමට තරම් එඩිතර මානසික ස්වාධීනතාවකින් යුතුව මොහු ප්රකාශ කළ මත පදනම් කොටගෙනය.<br />
<br />
(සංස්කරණය: 1974)<br />
<br />
[[ප්රවර්ගය: පුද්ගල චරිත-දාර්ශනිකයෝ]] <br />
<br />
[[ප්රවර්ගය: එ]]</div>
Senasinghe