http://encyclopedia.gov.lk/si_encyclopedia/index.php?action=history&feed=atom&title=%E0%B6%A2%E0%B7%9D%E0%B6%B1%E0%B7%8A_%E0%B6%A9%E0%B7%9A%E0%B7%80%E0%B7%92%E0%B7%83%E0%B7%8A 2026-05-19T00:23:56Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%A2%E0%B7%9D%E0%B6%B1%E0%B7%8A_%E0%B6%A9%E0%B7%9A%E0%B7%80%E0%B7%92%E0%B7%83%E0%B7%8A&diff=4703&oldid=prev 2024-02-09T08:31:05Z

<p>&#039;(John Davis). (1550-1605). මාටින් ෆ්‍රොබීෂර්ට පසුව වයඹ දිගින්...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(John Davis). (1550-1605). මාටින් ෆ්‍රොබීෂර්ට පසුව වයඹ දිගින් කැනේඩියන් ආක්ටික් ප්‍රදේශය හරහා පැසිෆික්වලට මුහුදු මාර්ගයක් සෙවීමට ප්‍රයත්න දැරූ ඉංග්‍රීසි ජාතික නාවිකයෙකි. පසුව ඩේවිස් නමින් හැඳින්වූ සමුද්‍ර සන්ධිය ආශ්‍රිත බැෆින් දූපත් වෙරළ ප්‍රදේශ බොහොමයක් ගවේෂණය කරන ලද්දේ මොහු විසිනි.<br /> <br /> එළිසබෙත්-I රැජිනගේ අනුග්‍රහය යටතේ ආක්ටික් ප්‍රදේශවලට ගිය මුල් ගමනේ දී ග්‍රීන්ලන්තය වටා නැගෙනහිර සිට බටහිරට යාත්‍රා කළ මොහු බැෆින් දූපතක බොකුවරායක් සොයාගෙන ඊට කම්බර්ලන්ඩ් සවුන්ඩ් (Cumberland sound) යයි නම් කළේ ය. 1586 හා 1587 කෙරුණු චාරිකාවලින් දෙවැන්නේ දී හේ ඩේවිස් සමුද්‍ර සන්ධිය ඔස්සේ ගොස් බැෆින් බොක්කට ඇතුළු වී ඩිස්කෝ දූපතට ද සැපත් වූයේ ය. නැගෙනහිර ඩැෆින් දූපතෙහි වොල්සින්හැම් තුඩුවට (Cape Walsingham) ඒ නම දෙන ලද්දේ ද ඩේවිස් විසිනි. උ.අ. 730 ආසන්නයට ගමන් කළ ඩේවිස් මේ පෙදෙස්වල වෙසෙන ඇස්කිමෝවරුන් හා සබඳතා ඇති කර ගනිමින් ප්‍රදේශය සම්බන්ධ භූගෝලීය කරුණු අනාවරණය කළේ ය. <br /> <br /> 1588 දී එංගලන්තය ආක්‍රමණය කිරීමට පැමිණි ස්පාඤ්ඤ ආර්මේඩාවට විරුද්ධව නැව් කණ්ඩායමක් මෙහෙයවූ මොහු 1591 දී ගවේෂක තෝමස් කැවෙන්ඩිෂ්ගේ ගවේෂණ චාරිකාවකට ද සහභාගී වූයේ ය. මැගලන් සමුද්‍ර සන්ධිය ඔස්සේ ගමන් මාර්ගයක් සෙවීමට ගත් ප්‍රයත්නයේ දී ෆෝක්ලන්ඩ් දූපත් සොයාගන්නා ලද්දේ ද (1592) ඩේවිස් විසිනි. 1596-1597දී හේ සර් වෝල්ටර් රැලේ සමඟ කේඩිස් හා ඇසෝර්ස්වලට ගියේ ය. <br /> <br /> 1598 සිට නැගෙනහිර ඉන්දීය දූපත්වල චාරිකාවලට සහභාගී වූ ඩේවිස් 1904 දී නැගෙනහිර ඉන්දීය වෙරළ සමාගමේ නියමුවකු ලෙස ඒ පෙදෙසට ගිය ගමනක දී ජපන් ජාතික මුහුදු කොල්ලකරුවන් විසින් මරා දමන ලදි. ප්‍රායෝගික ජලතරණය අළලා Seaman's Seat නම් කෘතියක් ද වයඹ දිග මුහුදු ගමන් මාර්ගය පිළිබඳ තතු දක්වමින් The World's Hydrographical Description නම් ග්‍රන්ථයක් ද ඔහු විසින් සම්පාදනය කරන ලදි. <br /> <br /> (කර්තෘ: [[පී.එච්.ඒ.සී. සිල්වා]])<br /> <br /> (සංස්කරණය නොකළ)<br /> <br /> [[ප්‍රවර්ගය: ලෝක ඉතිහාසය-දේශ ගවේෂකයෝ]] <br /> <br /> [[ප්‍රවර්ගය: ඩ]]</div>

Senasinghe