http://encyclopedia.gov.lk/si_encyclopedia/index.php?action=history&feed=atom&title=%E0%B6%A9%E0%B7%92%E0%B6%BA%E0%B7%9A%E0%B6%9C%E0%B7%9D_%E0%B7%83%E0%B7%8A%E0%B7%80%E0%B7%8F%E0%B6%BB%E0%B7%9A%E0%B7%83%E0%B7%8A 2026-05-19T06:26:38Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%A9%E0%B7%92%E0%B6%BA%E0%B7%9A%E0%B6%9C%E0%B7%9D_%E0%B7%83%E0%B7%8A%E0%B7%80%E0%B7%8F%E0%B6%BB%E0%B7%9A%E0%B7%83%E0%B7%8A&diff=4402&oldid=prev 2024-01-10T05:22:20Z

<p>&#039;(Diego Suarez). මැලගසි (මැඩගස්කර්) සමූහාණ්ඩුවේ උතුරු ප්...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(Diego Suarez). මැලගසි (මැඩගස්කර්) සමූහාණ්ඩුවේ උතුරු ප්‍රදේශයේ පිහිටා ඇති විශාල මුහුදු බොක්කත් එම බොක්කේ දකුණු කොටසේ පිහිටි වරාය නගරයත් 'ඩියේගෝ ස්වාරේස්' හෙවත් 'ඇන්ට්සිරනානා' (Antsiranana) නමින් හැඳින්වේ. මෙම ප්‍රදේශය පිහිටා ඇත්තේ උතුරු අක්ෂාංශ 12°18′ හා නැගෙනහිර දේශාංශ 49°17′ අතර ය.<br /> <br /> දියේගෝ ඩයස් නම් පෘතුගීසි නාවිකයෙකු විසින් ක්‍රි.ව.1500 දී මෙම මුහුදු බොක්ක සොයාගනු ලැබිණි. 17 වැනි සියවස අවසාන කාලයේ දී මිසන් (Misson) නම් ප්‍රංශ ජාතික මුහුදු කොල්ලකරුවෙක් ලිබටේලියා (Libertalia) නම් සමූහාණ්ඩුවක් එහි පිහිටුවී ය. එහෙත් එය කෙටි කාලයකට සීමා විය. එම ප්‍රදේශයේ වාසය කළ හෝවා (Hova) ගෝත්‍රිකයන් හා ප්‍රංශ නාවික හමුදාව අතර 1883-85 දක්වා ඇතිවූ සටනින් ජයගත් නාවික හමුදාව එම බොක්ක අල්ලා ගත්හ.<br /> <br /> ඩියේගෝ ස්වාරේස්, යටතේ විජිතවාදී ලක්ෂණයන්ගෙන් මිදී ක්‍රමයෙන් නවීකරණය වෙමින් පවතින නගරයකි. මෙම නගරය බටහිරින් ඩ් ලා නිව්රේ (de la Nievre) වරයෙන් ද උතුරින් ඩොඩොග්නේ (Dordogne) ද්‍රෝණියෙන් ද නැගෙනහිර මෙල්විල් (Melville) ද්‍රෝණියෙන් ද සීමා වේ. මෙහි පවතින්නේ උණුසුම් දේශගුණයකි. යකඩ කර්මාන්තය, සබන් තැනීම, ගඩොල් තැනීම, සහල් සකස් කිරීම මෙහි කෙරෙන ප්‍රධාන කර්මාන්ත වේ. කුඩා යාත්‍රාවලින් විශාල නෞකාවලට බඩු පැටවීම මෙහි කරන ප්‍රධාන ආර්ථික කටයුත්තකි. <br /> <br /> ජන සංඛ්‍යාව 2018 දී මෙම නගරයේ ජනගහනය 129,320ක් පමණ විය.<br /> <br /> (කර්තෘ: [[දේවිකා ප්‍රියදර්ශනී එදිරිවීර]]: 1982)<br /> <br /> (සංස්කරණය නොකළ) <br /> <br /> [[ප්‍රවර්ගය: ඩ]]</div>

Senasinghe