http://encyclopedia.gov.lk/si_encyclopedia/index.php?action=history&feed=atom&title=%E0%B6%A9%E0%B7%99%E0%B6%9A%E0%B7%8F%E0%B6%B1%E0%B7%8A 2026-05-19T06:25:25Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%A9%E0%B7%99%E0%B6%9A%E0%B7%8F%E0%B6%B1%E0%B7%8A&diff=4412&oldid=prev 2024-01-11T03:14:11Z

<p>&#039;(Deccan). ඉන්දියාවේ පිහිටි ප්‍රදේශයක් මේ නමින් හැඳ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(Deccan). ඉන්දියාවේ පිහිටි ප්‍රදේශයක් මේ නමින් හැඳින්වේ. දළ වශයෙන් ඇතැම් විට නර්මදා ගංගාවට දකුණින් පිහිටි සම්පුර්ණ ඉන්දීය අර්ධද්වීපය මේ නමින් හඳුන්වනු ලැබූවත්, භූගෝලීය විද්‍යාත්මක ව ඩෙකාන් යන නමින් හඳුන්වනු ලබන්නේ නර්මදා හා තුංගභද්‍රා-ක්‍රිෂ්ණ ගංගාවන් අතර පිහිටි උස් වූ සාපේක්‍ෂ වශයෙන් සෞම්‍ය දේශගුණයක් පවතින ඩෙකාන් සානුවයි (Deccan plateau). ඇතැම් විට මයිසෝර් සානූව ද මෙයට ම අයත් ලෙස සළකනු ලැබේ. පළාත් වශයෙන් ගත් කල මෙයට මයිසොර් ප්‍රදේශය, දකුණු හයිද්‍රාබාද්, ගිණිකොණ දිග බොම්බාය හා වයඹ දිග මදුරාසිය යන පළාත් අයත් වේ.<br /> පැලියොලිනික හා නියොලිනික යුගයන්ට අයත් නෂ්ටාවශේෂ මේ පෙදෙසේ බහුල ව වශයෙන් දක්නට ලැබේ.<br /> <br /> මෙම ප්‍රදේශයේ දක්නට ලැබෙන යමහල් පස කපු වගාවට ඉතා යෝග්‍ය වේ. ඩෙකාන් ප්‍රදේශයේ ඛනිජ සම්පත් බහුල වශයෙන් දක්නට ලැබේ. එහෙයින් අතීතයේ පටන් ම පල්ලව ආදි පාලකයෝ මෙම ප්‍රදේශය යටත් කර ගැනීමට මහත් සේ උනන්දු වූහ.<br /> <br /> අවසාන මෝගල් අධිරාජයා වු අමුරන්ග්ශිබ් (1683-1707) මේ ප්‍රදේශය යටත් කර ගැනීමට මහත් උත්සහයක් ගත්ත ද එය නිෂ්ඵල විය.18 වැනි සියවස මුල් කාලයේ දී මහාරාෂ්ට්‍රයේ පාලකයා වු සිවාජී (Sivagi) යටතේ හින්දූහු දේශපාලන හා හමුදාමය බලය නැවත තහවුරු කර ගත්තේ ද ඩෙකානයේ දී ය. 18 වැනි සියවස අගාභාගයේ දී ඉන්දියාවේ පාලනය අත්පත් කර ගැනීම සඳහා වූ අරගලයේ දී බ්‍රිතාන්‍ය හමුදා අතින් ප්‍රංශ හමුදාවත් පරාජයට පත්වීම ද මෙහි දී සිදුවිය.<br /> <br /> (කර්තෘ: [[දේවිකා ප්‍රියදර්ශනී එදිරිවීර]]: 2001)<br /> <br /> (සංස්කරණය නොකළ)<br /> <br /> [[ප්‍රවර්ගය: ඩ]]</div>

Senasinghe