http://encyclopedia.gov.lk/si_encyclopedia/index.php?action=history&feed=atom&title=%E0%B6%AD%E0%B6%B8%E0%B7%8A%E0%B6%B6%E0%B7%9D%E0%B7%86%E0%B7%8A 2026-05-19T16:34:16Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%AD%E0%B6%B8%E0%B7%8A%E0%B6%B6%E0%B7%9D%E0%B7%86%E0%B7%8A&diff=3775&oldid=prev 2023-10-11T05:25:57Z

<p>&#039;(Tambov). බටහිර රුසියාවේ ට්ස්නා නදී ඉවුරේ පිහිටි නග...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(Tambov). බටහිර රුසියාවේ ට්ස්නා නදී ඉවුරේ පිහිටි නගරයක් ද ඒ නමින් ම නාමිත පළාතේ පරිපාලන, සංස්කෘතික සහ ආර්ථික කේන්ද්‍රස්ථානය ද මෙනමින් හැඳින්වේ. මොස්කව් නුවර සිට කි.මී. 480ක් දුරින් ගිනිකොණ දෙසට වන්නට කඳවුරු නුවරක් ලෙස 1636 දී පිහිටුවනු ලැබූ මෙම නගරය 1779 දී මෙම පළාතේ කේන්ද්‍රස්ථානය බවට පත්විය. මහාද්වීපික දේශගුණයකින් හෙබි මෙය වැදගත් කෘෂිකාර්මික ප‍්‍රදේශයක් ලෙස සංවර්ධනය වී 20 වන සියවස ආරම්භයේ දී දුම්කොළ කර්මාන්තයෙන් ලෝකයේ වැදගත් ස්ථානයක් අත්කර ගති. 19 වන සියවසේ දී මේ නගරය ඔස්සේ මොස්කව්-සරාතොෆ් දුම්රිය මාර්ගය ඉදිකිරීමෙන් ඉක්බිතිව මෙම පළාත වේගයෙන් දියුණුවට පත් විය. 1960 ගණන්වල දී ප‍්‍රබල කාර්මික සංවර්ධනයක් ලබාගත් මෙහි ප‍්‍රධාන කර්මාන්තයෝ වනාහි ඉංජිනේරු තාක්ෂණික, ඉලෙක්ට්‍රොනික, ලෝහ, රසායනික සහ ආහාර පිරිසැකසුම් වෙත්. කොටු ජාලාකාර රටාවට සැකසුණු නගර කේන්ද්‍රයෙහි පරිපාලන සහ සංස්කෘතික මධ්‍යස්ථානත් ට්ස්නා නදී ඉවුරේ උද්‍යානත් පිහිටියේ ය. ජී.ආර්. දෙර්ෂාවින් රාජ්‍ය විශ්වවිද්‍යාලයය ද රාජ්‍ය තාක්ෂණික විශ්වවිද්‍යාලයය ද එස්.වී. රහ්මානිනොෆ් සංගීත-ගුරු අභ්‍යාස විද්‍යාලය ද ඇතුළු උසස් අධ්‍යාපන ආයතන සහ විද්‍යා පර්යේෂණායතන රාශියක් ද 17 වන සියවසේ නිර්මිත ආසන දෙව්මැඳුරක් ද මෙහි වෙයි. ජනගහනය 292,140 (2020)කි. <br /> <br /> කර්තෘ: රන්ජන දේවමිත‍්‍ර සේනාසිංහ <br /> <br /> (සංස්කරණය‍ නොකරන ලද-2022)<br /> <br /> [[ප්‍රවර්ගය: ත]]</div>

Senasinghe