http://encyclopedia.gov.lk/si_encyclopedia/index.php?action=history&feed=atom&title=%E0%B6%AD%E0%B7%92%E0%B6%91%E0%B6%B1%E0%B7%8A%E0%B6%B1%E0%B7%92%E0%B6%82 2026-05-19T16:34:40Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%AD%E0%B7%92%E0%B6%91%E0%B6%B1%E0%B7%8A%E0%B6%B1%E0%B7%92%E0%B6%82&diff=3800&oldid=prev 2023-10-11T08:14:46Z

<p>&#039;(Tianning). උතුරු චීනයේ <a href="/si_encyclopedia/index.php?title=%E0%B6%B6%E0%B7%93%E0%B6%A2%E0%B7%92%E0%B6%82&amp;action=edit&amp;redlink=1" class="new" title="බීජිං (පිටුව නොපවතියි)">බීජිං</a> (බ.) නුවර සීචෙන්ග් (Xicheng) ද...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(Tianning). උතුරු චීනයේ [[බීජිං]] (බ.) නුවර සීචෙන්ග් (Xicheng) දිස්ත‍්‍රික්කයේ පිහිටි බෞද්ධාරාමයකි. ලියාවො (Liao) රාජවංශ පාලන සමයේ අවසාන කාලයේ දී (1100-1120) ඉදිකෙරුණු [[අෂ්ටපාර්ශ්ව ස්තූපය]] (බ.) මෙහි ඇති සුප‍්‍රකට ස්මාරකයයි. මී.57.8ක් උසැති, තෙළෙස් මහලින් යුත්, කළුගලින් සහ ගඩොලින් සැදි අෂ්ටාශ‍්‍රාකාර පාදමින් යුත් මෙම ස්තූපය සාම්ප‍්‍රදායික චීන දාරුමය ස්තුපයන්හි වාස්තුවිද්‍යා නිර්මාණ සැලැස්ම අනුකරණය කරයි. එය පිහිටියේ සුවිශාල චතුරශ‍්‍රාකාර පිඨිකාවක ය. එය [[මහමේරු]] (බ.) පර්වතයේ පාදම සංකේතවත් කරන බව කියැවේ. අභ්‍යන්තරයෙහි සෝපාන පන්ති යනාදියෙන් තොර ව, මුළුමනින් සංවෘත ස්තූපයක් ලෙස ඉදි කොට තිබුණ ද මෙහි අත්වැට සහිත ප‍්‍රදක්ෂිණා පථයක් නිරූපිත ය. ආරුක්කු ආකාර ද්වාර මණ්ඩප ද බෞද්ධ ආරක්ෂක දෙවිදේවතාවුන් ද මෙහි නිරූපිත සෙසු අලංකාර නිර්මාණ අතර වේ. මෙම ස්තූපයේ ව්‍යූහය සහ විසිතුරු කර්මාන්ත මුල් ඒවා ම වන නමුත් 1976 දී ඇති වූ ටැංග්ෂාන් භූ කම්පනයෙන්, මුතු ඇටයක හැඩගත් මුල් කොත කැඞී බිම පතිත වූයෙන් එය පිළිසකර කරනු ලැබිණ. මිං (Ming) සහ කිං (Qing) රාජවංශයන්හි පාලන සමයන්හි දී මෙම ස්තූපය අවට භූමියත් සමස්ත ආරාමික භූමියත් කිහිප වරක් ප‍්‍රතිසංස්කරණය කරනු ලැබිණ. චීනයේ නෂ්ටප‍්‍රාප්ත ව තිබෙන ඉපැරණි දාරුමය ගොඩනැඟිලි පරීක්ෂාවට ලක් කරමින් ලේඛනගත කළ ලියෑංග් සීචෙන් (Liang Sicheng) (1901-1972) නමැති වාස්තුවිද්‍යා ඉතිහාසඥයා විසින් මෙම ස්තූපය අතිශය පෞරාණික වාස්තු විද්‍යා නිර්මාණයක් ලෙස ඇගැයීමට ලක් කෙරිණ. මෙය පසුකාලීන චීන ආරාමික වාස්තුවිද්‍යාව කෙරේ සැලකිය යුතු බලපෑමක් කෙළේ ය. 1576 දී බීජිංහි ඉදිකරන ලද ශිශෝ (Cishou) ආරාමයේ ඇති ස්තූපයත්, වාස්තුවිද්‍යාත්මක වෙනස්කම් ඇතත් 2007 දී විවෘත කෙරුණු චැන්ග්ජෝහි (Changzhou) පිහිටි මෙනමින් ම යුතු ආරාමයේ ස්තූපයත් ඊට උදාහරණයි. <br /> <br /> කර්තෘ: රන්ජන දේවමිත‍්‍ර සේනාසිංහ <br /> <br /> (සංස්කරණය නොකරන ලද-2022)<br /> <br /> [[ප්‍රවර්ගය: ත]]</div>

Senasinghe