http://encyclopedia.gov.lk/si_encyclopedia/index.php?action=history&feed=atom&title=%E0%B6%AD%E0%B7%92%E0%B6%BA%E0%B6%A9%E0%B7%9D%E0%B6%BB%E0%B7%8A_%E0%B6%85%E0%B7%80%E0%B7%94%E0%B7%86%E0%B7%8A%E2%80%8D%E0%B6%BB%E0%B7%99%E0%B6%9A%E0%B7%8A%E0%B6%A7%E0%B7%8A 2026-05-06T19:26:28Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%AD%E0%B7%92%E0%B6%BA%E0%B6%A9%E0%B7%9D%E0%B6%BB%E0%B7%8A_%E0%B6%85%E0%B7%80%E0%B7%94%E0%B7%86%E0%B7%8A%E2%80%8D%E0%B6%BB%E0%B7%99%E0%B6%9A%E0%B7%8A%E0%B6%A7%E0%B7%8A&diff=4993&oldid=prev 2024-03-01T03:30:51Z

<p>&#039;(1822...?). ජර්මන් ජාතික සංස්කෘත පඬිවරයෙකි. 1822 ජනවාරි...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(1822...?). ජර්මන් ජාතික සංස්කෘත පඬිවරයෙකි. 1822 ජනවාරි 7 වැනිදා සයිලීසියා ප්‍රදේශයේ ලෙෂිනිට්ස්හි උපන් හෙතෙම බ'ලින් විශ්වවිද්‍යාලයට ඇතුළුව සංස්කෘත භාෂාව හා වාග්විද්‍යාව ද අනතුරුව පැරැණි උතුරු යුරෝපීය භාෂා ද හදාළේය. 1852 දී එංගලන්තයට සැපත් වූ ඔහු 1862 දී එඩින්බරෝ විශ්වවිද්‍යාලයෙහි සංස්කෘත භාෂාව සහ වාග්විද්‍යාව පිළිබඳ මහාචාර්යය ධුරයට පත්කරන ලදි. කලක් එහි සේවය කිරීමෙන් පසු සියරට බලා ගිය හෙතෙම 1875 සිට 1889 දක්වා ජර්මනියේ බොන් විශ්වවිද්‍යාලයෙහි වාග්විද්‍යාව පිළිබඳ මහාචාර්යය පදවිය ද ඉන් පසු එහි ම තුලනාත්මක භාෂා අධ්‍යයනය පිළිබඳ මහාචාර්යර්‍ය්‍ය පදවිය ද ඉසිලීය.<br /> <br /> මොහු කළ විශිෂ්ට සේවය නම් සංස්කෘත අත් පිටපත් රැසෙක ම නාමාවලියක් සම්පාදනය කිරීමයි. 1859–64 අතර රැස් කරන ලද නාමාවලිය බොඩ්ලියන් පොත්ගුලෙහි ද 1869 දී රැස් කරන ලද නාමාවලිය කේම්බ්‍රිජ් පුස්තකාලයෙහි ද තැන්පත් කොට තිබේ. 1891 පටන් 1893 දක්වා කාලය තුළ සංස්කෘත සාහිත්‍ය ග්‍රන්ථ හා ඒවායේ කර්තෘවරුන්ගේ නාමාවලියක් පිළියෙල කෙළේය. ඊට කලින් අභිධානරත්නමාලා (1861), ඍග්වේද (1877) සහ ඓතරේය බ්‍රාහ්මණ (1879) යන ග්‍රන්ථ සංස්කරණය කොට 'හින්දුස්ථානයෙන් පුෂ්ප' (Blüten aus Hindostan) යන ග්‍රන්ථය ද සම්පාදනය කෙළේය.<br /> <br /> (සංස්කරණය: 1965)<br /> <br /> [[ප්‍රවර්ගය: සංස්කෘත සාහිත්‍යය-ජීවන චරිත]] <br /> <br /> [[ප්‍රවර්ගය: අ]]</div>

Senasinghe