http://encyclopedia.gov.lk/si_encyclopedia/index.php?action=history&feed=atom&title=%E0%B6%AF%E0%B7%92%E0%B6%BA%E0%B7%9D%E0%B6%9C%E0%B7%94_%E0%B6%85%E0%B6%BD%E0%B7%8A%E0%B7%80%E0%B7%8F%E0%B6%BB%E0%B7%9A%E0%B7%83%E0%B7%8A 2026-05-17T21:25:37Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%AF%E0%B7%92%E0%B6%BA%E0%B7%9D%E0%B6%9C%E0%B7%94_%E0%B6%85%E0%B6%BD%E0%B7%8A%E0%B7%80%E0%B7%8F%E0%B6%BB%E0%B7%9A%E0%B7%83%E0%B7%8A&diff=6070&oldid=prev 2024-07-19T04:59:57Z

<p>&#039;(?-1550). පෘතුගීසි ජාතික දේශ ගවේෂකයෙකි. ක්‍රි.ව. 1510 දී...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(?-1550). පෘතුගීසි ජාතික දේශ ගවේෂකයෙකි. ක්‍රි.ව. 1510 දී පමණ අභිනව ලෝකය බලා පිටත් වූ හෙතෙමේ තමා යාත්‍රා කළ නැව විනාශයට පත්වීම නිසා බ්‍රසීලයේ දැනට බහියා නමින් දන්නා නගරයට ආසන්න තැනකට ගොඩ බැස්සේය. නැව කැඩී බිඳී යෑම නිසා එහි සිටි ඔහුගේ සගයන් ටික දෙනකුන් ජීවිතක්ෂයට පත් වූ අතර සෙස්සෝ මිනී කන වනචාරී වර්ගයක් වූ බහියා ගෝත්‍රිකයන් අතින් මැරුම් කෑහ. එහෙත් අල්වාරේස් තමාගේ තුවක්කුවෙන් වෙඩි තබා කුරුල්ලකු බිම හෙළීම නිසා පුදුමයට හා බියට පත් ස්වදේශිකයෝ ඔහු නොමරා හැරියහ. එකල බ්‍රසීලයේ දේශීය ගෝත්‍රිකයන් අතර නිරතුරුව ම සටන් පැවැත්තේය. අල්වාරේස් බහියා ගෝත්‍රිකයන්ගේ මිතුරකු ලෙස පෙනී සිට ඔවුන්ගේ සතුරු ගෝත්‍රයකට විරුද්ධව සටන් කිරීම නිසා බහියා වැස්සෝ අල්වාරේස් තමන්ගේ නායකයා හැටියට පිළිගත්හ. එබැවින් බහියා ප්‍රදේශයේ ගෝත්‍ර නායකයන් බොහෝ දෙනෙක් තම දූවරුන් අල්වාරේස්ට භාර්යාවන් හැටියට පාවාදීමට එකඟ වුහ. ඔවුනතුරෙන් පැරගුවාසු නමැත්තිය ප්‍රධාන බිරිය වූවාය.<br /> <br /> කලකට පසු මෙතෙමේ පෙරළා යුරෝපයට (ප්‍රංසයට) ගිය නමුත් පෘතුගාලයේ තුන්වන ජෝන් රජුගේ (1502-1557) නියමය පරිදි ක්‍රි.ව. 1530 දී බ්‍රසීලයේ ප්‍රතිකාල් විජිත පිහිටුවීමට උදවු දීම සඳහා යළිත් එහි ගියේය. ප්‍රතිකාල් ජනපද පාලනය සඳහා 1531 දී එහි ගිය කපිතන් මාටින් අපෝන්සු ද සූසාට අල්වාරේස්ගෙන් බොහෝ උදවු ලැබුණේය. <br /> <br /> (සංස්කරණය: 1965)<br /> <br /> [[ප්‍රවර්ගය: පුද්ගල චරිත - බ්‍රසීල ඉතිහාසය; පෘතුගාල ඉතිහාසය]] <br /> <br /> [[ප්‍රවර්ගය: අ]]</div>

Senasinghe