http://encyclopedia.gov.lk/si_encyclopedia/index.php?action=history&feed=atom&title=%E0%B6%AF%E0%B7%92%E0%B7%80%E0%B7%8F%E0%B6%9A%E0%B6%BB 2026-05-06T23:16:33Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%AF%E0%B7%92%E0%B7%80%E0%B7%8F%E0%B6%9A%E0%B6%BB&diff=5068&oldid=prev 2024-03-09T01:57:30Z

<p>&#039;කාම්බෝජය (කාම්පුචියා) තුළ ඉන්දීය පාලන බලය පැති...&#039; යොදමින් නව පිටුවක් තනන ලදි</p> <p><b>නව පිටුව</b></p><div>කාම්බෝජය (කාම්පුචියා) තුළ ඉන්දීය පාලන බලය පැතිරී ශත වර්ෂ ගණනාවක් ගත වන තුරු ම ඉන්දීය සංස්කෘතිය හා වෙනත් බලපෑම් එහි පැතිරී පැවතියේ ය. එයට කදිම සාධකයකි, ක්‍රිස්තු වර්ෂ 11 වැනි සියවසේ දිවාකර නැමැති වියතා කාම්බෝජය තුළ හිමි කර ගෙන සිටි වැදගත් ස්ථානය. <br /> <br /> ක්‍රිස්තු වර්ෂ 1040 දී කාම්බෝජ දේශයේ උපන් දිවාකර ඉන්දීය බ්‍රාහ්මණ වංශයට අයත් වූවෙකි. ඒ වන විට ඉන්දීයයන්ගෙන් පැවතී ගෙන ආ ජනාවාස රාශියක් මෙහි පැවති අතර ඉන්දීය අධිරාජ්‍යයේ කොටසක් මෙන් ම පැවතිණ. භක්තිමත් හින්දු බැතිමතෙකු වූ දිවාකර ආගම, ධර්මය, අර්ථ ශාස්ත්‍රය, පාලන තන්ත්‍රය වැනි විවිධ අංශයක් පිළිබඳ පරතෙරට ගිය දැනුමින් යුක්ත විය. ඔහුගේ මේ උගත්කම නිසා ම පසු කලක දිවාකර පණ්ඩිත යන නමින් ද හැඳින්විණ. කාම්බෝජ රාජ්‍යයේ ඉහළ ම තනතුර වූ රාජ්‍ය උපදේශක තනතුරට හේ පත් විය.<br /> <br /> II වැනි හර්ෂවර්මන්, VI වැනි ජයවර්මන්, I වැනි ධරනින්දවර්මන් සහ II වැනි සූර්යවර්මන් යන රජවරුන් සිව් දෙනාගේ ම රාජ්‍ය උපදේශකයා වශයෙන් සේවය කිරීමට දිවාකරට හැකි වූයේ උපදේශකයකු වශයෙන් ඔහු කෙරෙහි තැබිය හැකි විශ්වාසය නිසයි. පාලකයකු ඉවත් වී නව පාලකයකු පත් වුව ද දිවාකර කෙරෙහි විශ්වාසය තැබිය හැකි බව ඔවුනට ඒත්තු ගැන් වී තිබිණ. අනාගතයෙහි සිදු විය හැකි දේ පිළිබඳව ඉවෙන් මෙන් දැන ගැනීමේ හැකියාවකුත්, නව අභියෝගවලට මුහුණ දීමට හැකි කූට බුද්ධියකුත්, අවස්ථානුකූලව ක්‍රියා කිරීමේ හැකියාවත් නිසා කිසිදු වෙනසක් නැතිව අලුතෙන් සිහසුනට පත් වූ පාලකයාගේ ද විශ්වාසය දිනා ගැනීමට ඔහුට හැකි විය. මේ නිසා ම කාම්බෝජ ඉතිහාසයේ මොහු තරම් කැපී පෙනෙන වෙනත් පුද්ගලයෙකු නැති තරම් ය. <br /> <br /> ක්‍රි.ව.1113-1150 කාලය තුළ රාජ්‍යය කළ II වැනි සූර්යවර්මන් රජුගේ කාලයේ දී කාම්බෝජයේ සුප්‍රසිද්ධ අංග්කෝර්හි සිහිවටන තැනීමට උපදෙස් දුන්නේ දිවාකර ය. කර්මර් ප්‍රදේශයේ ඉදි කොට ඇති අංග්කෝර් වට් සිහිවටන අද ලෝක උරුමයක් බවට පත් වී ඇත. මෙහි ඇති එක සිහිවටනයක් දිවාකර පණ්ඩිත සිහිකිරීම සඳහා වෙන් කොට තිබේ. <br /> <br /> දීර්ඝ කාලයක් සිය දැනුම සහ බුද්ධිය කාම්බෝජය වෙනුවෙන් කැප කළ දිවාකර ක්‍රි.ව.1120 දී මිය ගියේ ය.<br /> <br /> == ආශ්‍රිත ග්‍රන්ථ ==<br /> ENCYCLOPAEDIA BRITANNICA<br /> <br /> INDIAN CULTURAL INFLUENCE IN CAMBODIA - B. R. CHATTERJEE<br /> <br /> (කර්තෘ: එස්.ඇල්ලෙපොළ)<br /> <br /> (සංස්කරණය නොකළ)<br /> <br /> [[ප්‍රවර්ගය: කාම්බෝජ ඉතිහාසය-චරිත]] <br /> <br /> [[ප්‍රවර්ගය: ද]]</div>

Senasinghe