http://encyclopedia.gov.lk/si_encyclopedia/index.php?action=history&feed=atom&title=%E0%B6%AF%E0%B7%99%E0%B7%80%E0%B7%9C%E0%B6%BD%E0%B7%8A_%E0%B7%83%E0%B6%AD%E0%B7%8A_%E0%B6%B7%E0%B7%8F%E0%B6%9C%E0%B7%9A_%E0%B6%AF%E0%B7%99%E0%B7%80%E0%B7%92%E0%B6%BA%E0%B7%9D
දෙවොල් සත් භාගේ දෙවියෝ - සංශෝධන ඉතිහාසය
2026-05-18T17:41:48Z
විකියෙහි මෙම පිටුව සඳහා ඇති සංශෝධන ඉතිහාසය
MediaWiki 1.27.1
http://encyclopedia.gov.lk/si_encyclopedia/index.php?title=%E0%B6%AF%E0%B7%99%E0%B7%80%E0%B7%9C%E0%B6%BD%E0%B7%8A_%E0%B7%83%E0%B6%AD%E0%B7%8A_%E0%B6%B7%E0%B7%8F%E0%B6%9C%E0%B7%9A_%E0%B6%AF%E0%B7%99%E0%B7%80%E0%B7%92%E0%B6%BA%E0%B7%9D&diff=5027&oldid=prev
Senasinghe: 'දෙවෙල් දෙවියෝ ගණනික් සතකි. සිද්ධ වාහල දෙවෙල් ස...' යොදමින් නව පිටුවක් තනන ලදි
2024-03-07T06:31:30Z
<p>'දෙවෙල් දෙවියෝ ගණනික් සතකි. සිද්ධ වාහල දෙවෙල් ස...' යොදමින් නව පිටුවක් තනන ලදි</p>
<p><b>නව පිටුව</b></p><div>දෙවෙල් දෙවියෝ ගණනික් සතකි. සිද්ධ වාහල දෙවෙල් සත්දෙනා වහන්සේ නමින් ද මේ දෙවියෝ හඳුන්වනු ලැබෙත්. මොවුන් ද විදේශයකින් මෙහි ගොඩබැස්සේ වූහ. දෙවෙල් දෙවියන්ගේ නිජ බිම ඉන්දියාව බව ඔවුන් පිළිබඳ විස්තරවලින් පෙනේ. මේ දෙවිවරුන්ගේ පරිවාර ජනයා කුරුම්බරයෝ ය. කුරුම්බර යනු දකුණු ඉන්දියාවේ පෙදෙසක පදිංචි පැරණි මනුෂ්ය වර්ගයකි. දෙවොල් දෙවියන් සත් දෙනා මහත් වූ ශ්රී විභූතියෙන් යුක්තව නැව් නැඟ සමුද්ර තරණයෙන් ලංකාවට ගොඩබසින්නට තැත් කරද්දී මහත් වූ වාත වේගයෙන් නැව් කැඩී ගියෙන් දකුණු ලංකාව අසල වෙරළින් තරමක් ඈතින් පිහිටි සීනිගම නම් මහත් වූ ගල් පර සහිත දූපතකට ගොඩබසින්ට සූදානම් වූහ. මොවුන්ගේ මේ උත්සාහය දුටු සිද්ධ පත්තිනි දේවිය ඔවුන්ගේ තෙද බලනු පිණිස ඔවුන්ගේ ඉදිරියෙහි ගිනි වඳු සතක් මවා පෑවා ය. එහෙත් එම බාදාව ගණනට නොගත් දෙවොල් දෙවියන් සත් දෙනා එම ගිනි දැල් මැදට පැන ඒවා සිහිල් කළෝ ය. ඒ දුටු පත්තිනි දේවිය සතුටට පත්ව ඔවුන්ට මෙරටට ගොඩ බසින්නට අවසර දුන්නා ය. <br />
<br />
දෙවොල් දෙවියන්ගේ නම් පිළිවෙලින් මෙසේ ය. 1. ඉරු රැස් හාමි, 2. සඳ රැස් හාමි, 3. තෙද රැස් හාමි, 4. අනුහස් හාමි, 5. මහා සාමි, 6. දෙවරජ්ජුරු බණ්ඩාර, 7. අලුත් නුවර බණ්ඩාර.<br />
<br />
දෙවුන්දර, රිටිගල, උණවටුන සහ සීනිගම දෙවොල් දෙවියන්ගේ අනුහස් තදින් බලපාන බව අදහන මධ්යස්ථානයෝ ය. ගිනි කුරුම්බරයෝ ද පුනා යක්ෂයෝ ද කඩවරයෝ ද දෙවොල් දෙවියන්ගේ පිරිවර වෙති. <br />
<br />
ගම් මඩු, දෙවොල් මඩු, ගිනි මඩු, පන් මඩු යන මඩු නැටීම් සිදුවන්නේ දෙවොල් දෙවියන්ගේ නාමයෙනි. <br />
<br />
දෙවොල් දෙවියන් ගැන විස්තර කියන තවත් තැනක ඔවුහු මහත් වික්රම ඇත්තවුන් ලෙස හඳුන්වති. පුලුප්පර දේශයේ සිට බඩු නැව් සතක් සාදා ගෙන පැමිණියෝ ය. ඔවුන්ගේ නැව් සාදා තිබුණේ ගල්වලිනි. ලංකාව බලා එද්දී එම නැව් මහත් වූ කුණාටු වේගයෙන් කැඩී බිඳී ගියේ ය. එසේ වුවද ඔවුන් පෙර කළ පින් ඇත්තවුන් නිසා සමුද්රාධිපති මණි මේඛලාවගේ අනුහසින් ගිලී ගිය නැව් ඉල්පෙන්නට සලස්වන ලදි. මේ දෙවිවරුන්ගේ හාස්කමින් වැලි හාල් කළ බවකුත්, මුහුදු දියෙන් පහන් දැල් වූ වගකුත් කියා තිබේ. <br />
<br />
මේ ලිපිය සකස් වුණේ දෙවොල් දෙවියන් පිළිබඳ යාදිනි සහ කෝල්මුර කවි ආශ්රයෙනි. <br />
<br />
(කර්තෘ: [[හපුගොඩ සුමනතිස්ස ස්ථවිර]])<br />
<br />
(සංස්කරණය නොකළ)<br />
<br />
[[ප්රවර්ගය: මන්ත්ර]] <br />
<br />
[[ප්රවර්ගය: ද]]</div>
Senasinghe