http://encyclopedia.gov.lk/si_encyclopedia/index.php?action=history&feed=atom&title=%E0%B6%AF%E0%B7%9A%E0%B7%80%E0%B7%81%E0%B6%BB%E0%B7%8A%E0%B6%B8%E0%B6%B1%E0%B7%8A-4 2026-05-06T19:25:11Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%AF%E0%B7%9A%E0%B7%80%E0%B7%81%E0%B6%BB%E0%B7%8A%E0%B6%B8%E0%B6%B1%E0%B7%8A-4&diff=5046&oldid=prev 2024-03-07T09:10:48Z

<p>&#039;දේවශර්මන් ඍෂිවරයාට ‘රුචි’ නම් ගුණවත් බිරියක්...&#039; යොදමින් නව පිටුවක් තනන ලදි</p> <p><b>නව පිටුව</b></p><div>දේවශර්මන් ඍෂිවරයාට ‘රුචි’ නම් ගුණවත් බිරියක් හා ‘විපුල’ නම් භක්තිමත් ශිෂ්‍යයෙක් වූහ. ‘ඉන්‍ද්‍ර’ දෙවියා ‘රුචි’ කෙරෙහි ඇලුම් දක්වන බව හා ඉඩක් ගත් විට ඔහු ඇය කරා පැමිණ අසද්ධර්මයෙහි යෙදීමට අදහස් කරන බව දැන සිටි ඍෂිවරයා ඒ ගැන විශේෂයෙන් ම විමසිලිමත් විය. එක් ආගමික උත්සවයකට සහභාගී වීමට යද්දී හේ විපුල කැඳවා සිය භාර්යාව භාර දී ‘ඉන්‍ද්‍රගෙන් ඇය රැකගන්නැ’යි ඔවදන් දී පිටත් විය. විපුල ‘රුචිය’ යන සෑම තැනක ම සෙවනැල්ලක් මෙන් අනුබැඳ යමින් ඇය ආරක්ෂා කළේ ය. ‘ඉන්‍ද්‍ර’ අදෘශ්‍යමාන ව පැමිණ ඇය හා එක් විය හැකැයි භීතියට පත් වූ ඔහු යෝග බලයෙන් ඇයගේ ශරීරය තුළට ප්‍රවිෂ්ට වී ඇය රැක ගත්තේ ය. ඍෂිවරයා බැහැර වූ බව දැන එහි පැමිණි ඉන්‍ද්‍ර රුචියට නොයෙක් ඉඟි දැක්වී ය. මේ අවස්ථාවේ දී විපුල ‘රුචිය’ ගල් කළේ ය. සිය වෙෂටාවන්ට ප්‍රතිචාරයක් නොදුටු ඉන්‍ද්‍ර එයට හේතු සොයන්නේ රුචිගේ ශරීරය තුළ සිටින විපුල දැක ලැජ්ජාවෙන් පලා ගියේ ය. ඍෂිවරයා ආපසු පැමිණි විට විපුල සියල්ල දන්වා සිටියේ ය. රුචියගේ සොහොයුරිය වූ ප්‍රභාවතියට එක් දුර්ලභ පුෂ්ප වර්ගයක් සොයා ගෙන එන්නැයි නියම කළෙන් එම පුෂ්පයන් සොයා ගෙන විපුල ආපසු එද්දී චක්‍රයක් බමවන දෙදෙනෙක් ඔහුට හමු විය. ඔහු අපායගාමී වන බව ඉන් අයෙක් පැවසී ය. එතැනින් එද්දී දූකෙළියෙහි යෙදෙන සය දෙනෙක් විපුලට හමු විය. උහු ද එය ම පැවසූහ. තමන් අපායගාමී වන්නේ කුමක් නිසාදැයි විපුලට නොවැටහිණ. පසුව කරුණු විමසූ ඔහුට යෝග බලයෙන් රුචියගේ සිරුරෙහි සිටිය දී සිය මුව ඇයගේ මුවෙහිද අඞගජාතය ඇයගේ අඞගජාතයෙහිද ස්පර්ෂ වූ නිසා එසේ වන බව වැටහිණ. එසේ ද වුවත් ඉච්ඡාවකින් තොරව එය සිදු වූ නිසා ඉන් ඔහුට අකුශලයක් නොවන බව ද ඔහු දුටු චක්‍රය එය බව ද එය බමවමින් සිටි දෙදෙනා රාත්‍රිය හා දවාල බව ද දූකෙළියෙහි යෙදෙමින් සිටි සදෙනා ඍතු හය බව ද දිවා රැය හා ඍතූන් මිනිසුන් කරන සෑම ක්‍රියාවක් ම නිරීක්ෂණය කරන බව ද ඍෂිවරයා විපුලට පැවසී ය. <br /> <br /> == මූලාශ්‍රය ==<br /> මහාභාරත, අනුශාසන පර්ව: 40 වන අධ්‍යාය <br /> <br /> (කර්තෘ: අඥාතයි)<br /> <br /> (සංස්කරණය නොකළ)<br /> <br /> [[ප්‍රවර්ගය: ඉන්දියානු සාහිත්‍යය]] <br /> <br /> [[ප්‍රවර්ගය: ද]]</div>

Senasinghe