http://encyclopedia.gov.lk/si_encyclopedia/index.php?action=history&feed=atom&title=%E0%B6%B1%E0%B7%92%E0%B6%9A%E0%B7%92%E0%B6%AB%E0%B7%92_%E0%B6%9A%E0%B6%AE%E0%B7%8F%E0%B7%80 2026-05-18T20:38:59Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%B1%E0%B7%92%E0%B6%9A%E0%B7%92%E0%B6%AB%E0%B7%92_%E0%B6%9A%E0%B6%AE%E0%B7%8F%E0%B7%80&diff=4885&oldid=prev 2024-02-29T03:58:52Z

<p>&#039;‘සොයාගත නොහැකි තරම් අති දුර්ලභ’ යන අරුත සඳහා හ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>‘සොයාගත නොහැකි තරම් අති දුර්ලභ’ යන අරුත සඳහා හෝ (සා අඟ, නරි අඟ, ආකාශ පුෂ්ප ආදී) අභාවාර්ථය සඳහා හෝ ‘නිකිණි’, ‘කලුනික’ ආදී යෙදුම් අද ද හෙළ වහරේ ඇත. ‘නිකිණි සොයන්නා වාගේ’ යන පිරුළක් ද ඇත. මේ ජන විඥානය ආශ්‍රිත වූ, අටදහවත්තේ ඔබේසේකර නම් කවියකු ශකවර්ෂ 1700 දී ලියූ “නිකිණි කථාව” හෙවත් “නිකිණි දොළ කවි” නම් කාව්‍යයකි. එය ලංකා ජාතික කෞතුකාගාර ප්‍රකාශනයක් වශයෙන්, සිංහල කාව්‍ය සංග්‍රහය - මාතර යුගය (1964) නම් කෘතියේ (121-131 පිටුවල) පළ වී ඇත. එහි ආරම්භය හා අවසානය මෙසේ ය:<br /> <br /> “පිරිමහ කුලුණුගුණ - සත වෙත පතළ අපමණ<br /> <br /> සිරි ගන දම් සඟණ - වඳිමි සිටකර තඹර පුදමිණ”<br /> <br /> <br /> “සකවසිනෙක දහස් සත් සිය වරුසේ<br /> <br /> රික ලද රෙහෙණ නිකිණිය පුර සඳ දවසේ<br /> <br /> නෙක තෙද සපිරි සුර යදුමෙන් කර සිතසේ<br /> <br /> එක සියයක් පරණ කවි ගෙන නිමවූ මෙසේ”<br /> <br /> <br /> මේ නිකිණි කථාව “නිකිණි දොළ උපත” (පහත බලන්න) මෙන් වාර්තාමය කෘතියක් නොව, නිර්මාණ කාව්‍යයකි. මේ නිදසුනකි.<br /> <br /> “සරත් සඳයුරු වතක් ඔපකර දතුන් මඳිමින් කුමුදු විලසින<br /> <br /> සුරත් බිඹුපල නුමුත් ලවනත යළිත් රතුකර කපුරු බුලතින<br /> <br /> ලසත් හස පැටි සෙයුත් තුඟු තන දෙකළු බදිමින් කසුන් පටියෙන<br /> <br /> දිමුත් වන පටසළුත් ඇඳ සිහිනිඟත් සරසා මෙවුල් බරණින”<br /> <br /> <br /> “නුරා කර එම සොරා එදිගැස කරා සැපමිණ රහසින(ා)<br /> <br /> පුරා මල්පෙති සරා වැද තද නුරා පහසින් ඇලුමෙන(ා)<br /> <br /> දරා කොමළත ගිරා තුඩවන් උරා ඇගෙ අම දෙලොවින(ා)<br /> <br /> විරා මත හැර පුරා මුළු රැයතුරා විසූ සිත පිනමින(ා)”<br /> <br /> <br /> “නිකිණි දොළ උපත” කාව්‍යයේ එන පුවත ම මෙහි ද කවි සාරයයි. “නිකිණි කථාවේ” අවසනට ඇති වෙනසක් නම් සැමියා සසර කළකිරී මහණ වීම ය. <br /> <br /> (කර්තෘ: [[විමල විජයසූරිය]]: 1956)<br /> <br /> (සංස්කරණය නොකළ)<br /> <br /> [[ප්‍රවර්ගය: සිංහල සාහිත්‍යය]] <br /> <br /> [[ප්‍රවර්ගය: න]]</div>

Senasinghe