http://encyclopedia.gov.lk/si_encyclopedia/index.php?action=history&feed=atom&title=%E0%B6%B4%E0%B7%8A%E2%80%8D%E0%B6%BB%E0%B7%8F%E0%B6%A2%E0%B7%9D%E0%B7%80%E0%B7%98%E0%B6%AD%E0%B7%8A%E0%B6%AD%E0%B7%92_%E0%B6%87%E0%B6%B1%E0%B7%8A%E0%B6%A2%E0%B7%99%E0%B6%BD%E0%B7%92%E0%B6%9A%E0%B7%9D 2026-05-15T12:30:58Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%B4%E0%B7%8A%E2%80%8D%E0%B6%BB%E0%B7%8F%E0%B6%A2%E0%B7%9D%E0%B7%80%E0%B7%98%E0%B6%AD%E0%B7%8A%E0%B6%AD%E0%B7%92_%E0%B6%87%E0%B6%B1%E0%B7%8A%E0%B6%A2%E0%B7%99%E0%B6%BD%E0%B7%92%E0%B6%9A%E0%B7%9D&diff=8946&oldid=prev 2025-08-22T10:44:15Z

<p>&#039;(1387-1455). ඉතාලි ජාතික චිත්‍රශිල්පියකු වූ මොහු ෆ්ල...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(1387-1455). ඉතාලි ජාතික චිත්‍රශිල්පියකු වූ මොහු ෆ්ලොරන්ස්හි මධ්‍යකාලීන ගොතික් කලා සම්ප්‍රදාය පිළිබඳ නවෝදයක් ඇති කළ තැනැත්තකු ලෙස ප්‍රසිද්ධය. මධ්‍ය ඉතාලියේ ටස්කනි පෙදෙසෙහි උපන් මොහු විසිවැනි වියෙහි දී ෆියේසෝලේ නුවර ඩොමිනිකන් පූජකාරාමයට ඇතුළු වී ආගමික ජීවිතයක් ගත කරමින් එනුවර දෙව්මැදුරු කිහිපයක් ම දර්ශනීය සිතුවම්වලින් හෙබවූයේය. 1445 දී සිව්වැනි යූජීන් පාප්වහන්සේ විසින් රෝමයට කැඳවනු ලැබූ මොහුගේ බිතු සිතුවම් ආදියෙන් වතිකානු මන්දිරයේ දේවස්ථාන කිහිපයක් ද අලංකෘත විය. පස්වැනි නිකොලස් පාප්වහන්සේගේ දේවස්ථානයෙහි ලෝරන්ස් හා ස්ටීවන් යන සාන්තුවරයන්ගේ ජීවනකථා නිරූපණය කෙරෙන බිතුසිතුවම් ඇන්ජෙලිකෝගේ ශ්‍රේෂ්ඨ නිර්මාණයෝයි. <br /> <br /> ඇන්ජෙලිකෝගේ චිත්‍ර සියල්ලක් ම ආගමික විෂයයන් මුල් කොට කරන ලදි. ඒවායින් ශිල්පියා තුළ පැවති නිර්මල ආධ්‍යාත්මික ශ්‍රද්ධාභක්තියත් සන්තුෂ්ටියත් මොනවට ප්‍රකාශිත වේ. ගොතික් හා විද්‍යානවෝදයේ කලා සම්ප්‍රදායයන්ගේ සංකලනයක් එම චිත්‍රවල දැක්ක හැකිය. ක්‍රිස්තියානි චිත්‍ර අතර උසස් තැනක් ගන්නා ඇන්ජෙලිකෝගේ සිතුවම් සිය ගණනක් ෆ්ලෝරන්ස්හි කෞතුකාගාරවල සුරක්ෂිතව ඇත.<br /> <br /> (සංස්කරණය: 1967)<br /> <br /> [[ප්‍රවර්ගය: පුද්ගල චරිත - චිත්‍රශිල්පියෝ]] <br /> <br /> [[ප්‍රවර්ගය: ඇ]]</div>

Senasinghe