http://encyclopedia.gov.lk/si_encyclopedia/index.php?action=history&feed=atom&title=%E0%B6%B8%E0%B7%8F%E0%B6%BB%E0%B7%93%E0%B6%A0 2026-05-18T04:43:19Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%B8%E0%B7%8F%E0%B6%BB%E0%B7%93%E0%B6%A0&diff=5701&oldid=prev 2024-07-02T09:46:02Z

<p>&#039;රාවණ රජු ඇසුරු කළ රාක්‍ෂයෙකි. ඇතැම් ග්‍රන්ථවල...&#039; යොදමින් නව පිටුවක් තනන ලදි</p> <p><b>නව පිටුව</b></p><div>රාවණ රජු ඇසුරු කළ රාක්‍ෂයෙකි. ඇතැම් ග්‍රන්ථවල ඔහු රාවණගේ ඇමතියකු ලෙස හඳුන්වා තිබේ. සුන්ද නමැති රාක්‍ෂයා ඔහුගේ පියා ය. තාටකා ඔහුගේ මව ය. හ්‍රාද නමැති රකුසා ඔහුගේ පියා හැටියට බ්‍රාහ්මණ පුරාණයේ සඳහන් කර ඇත. බ්‍රහ්මයාගෙන් ලබාගත් වරයක් හේතු කොට ගෙන දෙවියන්ට පවා ඔහු ජයගත නොහැකි විය.<br /> <br /> පූර්‍ව ජන්මයෙහි යක්‍ෂව උපන් හේ අගස්ත්‍ය ඍෂිවරයා අතින් තම පියාගේ මරණය සිදුවූ බැව් දැනගන්ට ලැබීමෙන් එම ඍෂිවරයාට විරුද්ධ ව සටන් කිරීමට ඉදිරිපත් විය. එකල අගස්ත්‍ය ඍෂිවරයා ඊළඟ ජන්මයේ දී රාක්‍ෂයකු වන සේ ඔහුට ශාප කෙළේ ය. රකුසුව උපන් ඔහුට ඇතුන් 10,000ගේ බල ඇත්තේ සුමාලි රජුගේ ඇමතිවරුන් සිව්දෙනාගෙන් කෙනෙක් විය. අනතුරුව ස්වකීය මව ද කැටුව මලද, තරුෂ යන ප්‍රදේශ කරාගොස් එහි වාසය කෙළේ ය. එහි දී විශ්වාමිත්‍රගේ යඥකර්‍මයන්ට බාධා කරන්නට වූයෙන් එම ඍෂිවරයා දශරථ රජුගෙන් අවසර ගෙන රකුසා විනාශ කිරීමට රාම කුමාරයා කැටුව ගියේ ය. රකුසන් සමඟ සටන් වැදුණු රාමකුමාරයා මාරීචගේ බාල සොහොයුරු සුබාහු මරා මාරීචට දෙන ලද අවිපහරකින් යොදුන් සියයක් පමණ දුර තැනක දී රකුසා මුහුදට වැටුණේ ය. මුහුදෙන් එතෙර වූ රකුසා ලංකාපුරයට ගොඩබැස රාවණ රජු යටතේ සේවය කෙළේ ය. රාම කුමරුගෙන් පලිගන්නට සිතූ මාරීච තම මිත්‍ර රකුසන් දෙදෙනකු සමඟ මුව වෙස් ගෙන රාම් සමඟ සටනට ගියේ ය. මෙහි දී රාම කුමාරයා අතින් මාරීචගේ මිත්‍රයන් දෙදෙනාගේ මරණය විය. ඒ අතර මාරීච එතැනින් පලා ගියේ ය. සීතහරණයේ දී ද මාරීච රාක්‍ෂයා රාවණට උපකාරී විය. රාමාදීන් තිදෙන විසූ ආශ්‍රමය ඉදිරියට ගොස් රන්වන් මුවකුගේ වෙස් ගෙන හැසිරෙන්නට වූයේ ද මාරීච ය.<br /> <br /> (කර්තෘ: [[ඩී.ආර්. සෙනෙවිරත්න]])<br /> <br /> (සංස්කරණය නොකළ) <br /> <br /> [[ප්‍රවර්ගය: දේවකථා-හින්දු]] <br /> <br /> [[ප්‍රවර්ගය: ම]]</div>

Senasinghe