http://encyclopedia.gov.lk/si_encyclopedia/index.php?action=history&feed=atom&title=%E0%B6%B8%E0%B7%8F%E0%B7%82%E0%B6%9A 2026-05-18T02:14:41Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%B8%E0%B7%8F%E0%B7%82%E0%B6%9A&diff=5851&oldid=prev 2024-07-12T05:07:56Z

<p>&#039;ශරීරයේ හටගන්නා උඳු, මුං බඳු සටහන් ඇති උත්පාත ව...&#039; යොදමින් නව පිටුවක් තනන ලදි</p> <p><b>නව පිටුව</b></p><div>ශරීරයේ හටගන්නා උඳු, මුං බඳු සටහන් ඇති උත්පාත විශේෂයකි. යම් ලකුණක් මාතෘගර්‍භයේදීම ඇති විනම් ඒ ප්‍රකෘතිසයි කියන ලදී. ප්‍රකෘතියෙන් අන්‍යවූයේ උත්පාත නම් වේ. මනුෂ්‍යයන්ට ඇති වන ශුභාශුභ හඳුන්වන පංචවිධ උත්පාතයන්ගෙන් මාෂක ද එකකි. පුරුෂයන්ගේ දකුණු පාදයෙහි මාෂක හට ගැනීමෙන් ධන ක්ෂය ද වාම පාදයෙහි ස්ත්‍රී වියෝග ද, කෙන්ඩාවල අර්‍ථ ලාභ ද, දකුණු දණහිසෙහි ක්‍ෂෙම ද වම් දණහිසෙහි ශත්‍රැ වෘද්ධිය ද, දකුණු කලවේ ස්ත්‍රීලාභ ද වම් කලවේ විග්‍රහ ද, වෘෂණ දකුණු පාශ්වයේ ධන ලාභ ද වමේ ධාන්‍ය වෘද්ධි ද, දකුණු කොශයේ ජය ද වාම කොශයේ අපජය ද, දක්ෂිණ ජඝනයේ බන්ධුනාශ ද වමේ ධනහානි ද, දකුණු උදරයේ සතුරු බිය ද වමේ ශ්‍රිය ද, දකුණු තනයේ අථිලාභ ද වමේ මිත්‍රලාභ ද, දකුණු ඇලයේ මරණ ද වමේ රෝදුක් ද, දකුණු කිසිල්ලේ ශෝක ද වමේ දිළිඳු බව ද, පිටේ ඇස් ලෙඩ ද, දකුණු හස්තයෙහි ධනහානි ද, වමේ ස්ථාන භ්‍රංශ ද, දකුණත වැලමිටෙන් පහළ ජය ද ඉහළ ශෝක ද, වම් අතේ වැලමිටෙන් පහත ලාභ ද උඩ ප්‍රීති ද, දකුණු අංශයෙහි කීර්ති ද වමේ ලාභ ද, දකුණු බොටුවේ විග්‍රහ ද වමේ නිග්‍රහ ද, දකුණු නිකටේ භීති ද වමේ දිළිඳු බව ද, දකුණු කම්මුලේ භොග ලාභ ද වමේ අපකීර්තිය ද, දකුණු උකුණුවල ශෝක ද, වමේ රෝග ද, යටිතොලේ මනස්තාප ද උඩුතොලේ ප්‍රීති ද, දකුණු නාසයේ තැවුල් ද වමේ පසුතැවිලි ද, දකුණැසේ සිත් තැවුල් ද වමැසේ සිත් සතුට ද, දකුණු කනේ ප්‍රීතිය ද වමේ විප්‍රයෝගය ද, දකුණු බැම ස්ත්‍රී කලහ ද වමේ අවමාන ද, නළල් දෙකෙළවර ජය ද, දකුණු නළල් තලයේ ව්‍යාධි ද වමේ දිළිඳු බව ද, හිස්මුදුනේ සම්පත් ලාභාදිය ද දක්වයි. <br /> <br /> (කර්තෘ: [[ඩී.ආර්. සෙනෙවිරත්න]]: 1956)<br /> <br /> (සංස්කරණය නොකළ) <br /> <br /> [[ප්‍රවර්ගය: ජ්‍යෝතිශ්ශාස්ත්‍රය]] <br /> <br /> [[ප්‍රවර්ගය: මා]]</div>

Senasinghe