http://encyclopedia.gov.lk/si_encyclopedia/index.php?action=history&feed=atom&title=%E0%B6%BD%E0%B6%82%E0%B6%9A%E0%B7%8F%E0%B6%AB%E0%B7%8A%E0%B6%A9%E0%B7%94%E0%B7%80%E0%B7%9A_%E0%B6%92%E0%B6%9A%E0%B7%8F%E0%B6%B6%E0%B6%AF%E0%B7%8A%E0%B6%B0_%E0%B6%85%E0%B6%BB%E0%B6%B8%E0%B7%94%E0%B6%AF%E0%B6%BD 2026-07-28T14:05:30Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%BD%E0%B6%82%E0%B6%9A%E0%B7%8F%E0%B6%AB%E0%B7%8A%E0%B6%A9%E0%B7%94%E0%B7%80%E0%B7%9A_%E0%B6%92%E0%B6%9A%E0%B7%8F%E0%B6%B6%E0%B6%AF%E0%B7%8A%E0%B6%B0_%E0%B6%85%E0%B6%BB%E0%B6%B8%E0%B7%94%E0%B6%AF%E0%B6%BD&diff=11481&oldid=prev 2026-07-28T09:21:43Z

<p>&#039;ලංකාවේ මධ්‍යම ආණ්ඩුවේ මූල්‍ය ගනුදෙනු බොහෝ අව...&#039; යොදමින් නව පිටුවක් තනන ලදි</p> <p><b>නව පිටුව</b></p><div>ලංකාවේ මධ්‍යම ආණ්ඩුවේ මූල්‍ය ගනුදෙනු බොහෝ අවස්ථාවල දී ‘ඒකාබද්ධ අරමුදල’ නමින් හැඳින්වෙන පොදු ගිණුමක පිළිබිඹු වේ. ලංකාණ්ඩුවේ මෙම ඒකාබද්ධ අරමුදල පිහිටුවන ලද්දේ 1947 ලංකාණ්ඩුවේ ආණ්ඩු ක්‍රමය හා නිදහස පිළිබඳ ආඥා පනත යටතේය. එහි සඳහන් වන අයුරු “යම් නිශ්චිත කාර්යයන් සඳහා වෙන් කර නොමැති දිවයිනේ අරමුදල් එක ම ඒකාබද්ධ අරමුදලක ඇතුළත් විය යුතුය. මෙම අරමුදලට බදු ආදායම, ආනයන ගාස්තු සහ නිශ්චිත කාර්යයන් සඳහා වෙන්කර නොමැති දිවයිනේ අනෙකුත් සියලු ම ආදායම් බැර කළ යුතුය. එමෙන් ම, රාජ්‍ය ණය සඳහා ගෙවිය යුතු පොලී, නිදන් අරමුදල් ගෙවීම්, ඒකාබද්ධ අරමුදලෙහි එකතු කිරීම්, පාලනයට සහ ලැබීම්වලට අදාළ පිරිවැය, ගාස්තු සහ වියදම් ද පාර්ලිමේන්තුව මගින් නිගමනය කෙරෙන වෙනත් වියදම් ද මෙම අරමුදලින් ගෙවිය යුතුය.” <br /> <br /> මෙම නියමයන්ට අනුකූලව, ඒකාබද්ධ අරමුදලින් ආපසු ගැනීම් කළ හැක්කේ මුදල් ඇමතිතුමා විසින් නිකුත් කෙරෙන බලපත්‍රයක් යටතේ පමණි. නියෝජිත මන්ත්‍රී මණ්ඩලය විසින් සම්මත කරන ලද යෝජනාවක් මගින් හෝ මුදල් වර්ෂයේ දී නිශ්චිත රාජ්‍ය සේවාවක් සඳහා සම්මත කරන ලද නීතියක් මගින් හෝ එසේ මුදල් ආපසු ගැනීමට අවසර දී නොමැති නම් මුදල් ඇමතිතුමාහට මෙම අරමුදලින් මුදල් ගෙවීමට අවසරය දිය හැකිය. <br /> <br /> සරල වශයෙන් කියතොත්, ඒකාබද්ධ අරමුදල යනු ඕනෑ ම විටෙක දී ආණ්ඩුවේ වියදම් සඳහා ලබා ගත හැකි මුළු මුදල් ප්‍රමාණයයි. මෙය නිශ්චිත කාර්යයන් සඳහා වෙන්කර නොමැති වූ, මධ්‍යම ආණ්ඩුවට අයත් මුදල්වලින් සමන්විතය. සාමාන්‍ය වශයෙන් රජය විසින් ප්‍රාග්ධන වියදම් හෝ වර්තන වියදම් හෝ සඳහා අරමුදල් වෙන් කරනු ලැබේ. නැවත නැවත ඇති වන වැටුප් ද ආහාර ද්‍රව්‍ය හා උපකරණ යනාදිය සඳහා යන වියදම් ද වර්තන වියදම්වලට ඇතුළත් වන අතර ප්‍රාග්ධන වියදම්වලට ඇතුළත් වනුයේ මහාමාර්ග සඳහා යන වියදම් හා පරිවහනය, ගොඩනැඟිලි තැනීම, බලය සැපයීම, වාරිමාර්ග කටයුතු යනාදි සංවර්ධන යෝජනා ක්‍රම සඳහා යන වියදම්ය. තවද, රජයේ නියෝජිතයන් සහ අනුමත කරන ලද ලංකාණ්ඩුවේ විදේශීය නියෝජිතයන් වෙත ඇති මධ්‍යම ආණ්ඩුවේ අරමුදල් ද ආයෝජනය කරන ලද ශේෂ ද මෙම ඒකාබද්ධ අරමුදලට ඇතුළත් වේ. <br /> <br /> ලංකාවේ ඒකාබද්ධ අරමුදලට මුදල් ලැබෙන ප්‍රධාන මාර්ග වනුයේ ආනයන හා අපනයන බදු, ආදයම් හා ධන බද්ද, පිරිවැටුම් බද්ද, දේශීය භාණ්ඩ බදු, භාණ්ඩාගාර බිල්පත් හා දිගුකාලින රජයේ සුරැකුම් මගින් කෙරෙන ණය ගැනීම්ය. <br /> <br /> රාජ්‍ය ණය ලංකාවේ නිගමනය කරනු ලබන්නේ එය ආපසු ගෙවීමේ මාර්ගයන් අනුවය. ඒකාබද්ධ අරමුදලින් කෙළින් ම ආපසු ගෙවීම් කෙරෙන ණය පමණි. රාජ්‍ය ණය ලෙස සැලකෙනුයේ, මෙහි ප්‍රතිඵල වශයෙන් ‘රාජ්‍ය ණය’ යටතෙහි පළාත් පාලන ආයතනවල හා රාජ්‍ය සංස්ථාවල වගකීම් ඇතුළත් නොවේ.<br /> <br /> (කර්තෘ: [[එච්.ඇන්.එස්. කරුණාතිලක]])<br /> <br /> (සංස්කරණය: 1974)<br /> <br /> [[ප්‍රවර්ගය: ආර්ථික විද්‍යාව-ලංකාව]] <br /> <br /> [[ප්‍රවර්ගය: ඒ]]</div>

Senasinghe