http://encyclopedia.gov.lk/si_encyclopedia/index.php?action=history&feed=atom&title=%E0%B6%BD%E0%B7%8F%E0%B6%B8%E0%B7%9C%E0%B6%BB%E0%B7%8F%E0%B6%BD%E0%B7%8A_%E0%B6%91%E0%B6%9C%E0%B7%8A%E0%B6%B8%E0%B7%9C%E0%B6%B1%E0%B7%8A%E0%B6%A7%E0%B7%8A_%28%E0%B7%83%E0%B7%92%E0%B6%A7%E0%B7%94%29 2026-05-19T19:04:31Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%BD%E0%B7%8F%E0%B6%B8%E0%B7%9C%E0%B6%BB%E0%B7%8F%E0%B6%BD%E0%B7%8A_%E0%B6%91%E0%B6%9C%E0%B7%8A%E0%B6%B8%E0%B7%9C%E0%B6%B1%E0%B7%8A%E0%B6%A7%E0%B7%8A_(%E0%B7%83%E0%B7%92%E0%B6%A7%E0%B7%94)&diff=10986&oldid=prev 2026-05-19T04:49:27Z

<p>&#039;(1522-68). නෙදර්ලන්තයේ උසස් බෙල්ජියන් වංශයකට අයත් ර...&#039; යොදමින් නව පිටුවක් තනන ලදි</p> <p><b>නව පිටුව</b></p><div>(1522-68). නෙදර්ලන්තයේ උසස් බෙල්ජියන් වංශයකට අයත් රණශූර සේනාපතියෙකි. හේ රාජ්‍ය තන්ත්‍රඥයකු වශයෙන් ද ප්‍රසිද්ධය. කුඩා කල ම ස්පාඤ්ඤයේ චාල්ස් V අධිරාජයා වෙත සේවයට බැඳුණු එග්මොන්ට් ක්‍රි.ව. 1541 දී ඇල්ජියර්ස්, ඩ්‍යුරෙන්, සැං ඩීස්‍යෝ යන යුද්ධවල දී දක්ෂ ලෙස සටන් කෙළේය. 1552 දී ඔහු ලක්සෙම්බ’ග්හි ආණ්ඩුකාරයාව සිටිය දී එපෙදෙස ආක්‍රමණය කළ ප්‍රංස ජාතිකයන් පලවා හැරියේය. 1555 දී පිලිප් II ස්පාඤ්ඤ අගරජු වූ පසු නෙදර්ලන්ත අසරු හමුදාවන්හි කපිතන් පදවියට පත් කරන ලද එග්මොන්ට් 1557 දී සැං-කාංතැං (Saint-Quentin)හි දී ද 1558 දී ග්‍රාව්ලීන් (Gravelins)හි දී ද ප්‍රංස ජාතිකයන් පැරදවිය. මේ ජයග්‍රහණ ගැන සැලකීමක් වශයෙන් බ්රැබන්ට් හා ආර්ත්ව‍ා (Artois) යන ප්‍රදේශවල ආණ්ඩුකාර පදවිය ද රාජ්‍ය මන්ත්‍රණ සභාවේ මන්ත්‍රී පදවියක් ද ඔහුට පිරිනමන ලදි. එවක රාජ්‍ය මන්ත්‍රණ සභාවේ ඉමහත් බලයක් දරමින් අත්තනෝමතිකව ක්‍රියා කළ ග්රාන්වෙලා කාඩිනල්වරයා බලයෙන් නෙරපීමට එග්මොන්ට් සිය මිත්‍ර ඔරෙන්ජ්හි විලියම් සමඟ එක්ව ක්‍රියාකොට ස්පාඤ්ඤ අගරජු ලවා එය ඉටු කරගත්තේය. ඔහු කතෝලික භක්තිකයකු වූ නමුත් නෙදර්ලන්තයේ ප්‍රොතෙස්තන්තවරුන් පෙළීම ගැන බලවත් විරෝධය දැක්වූයේය. නෙදර්ලන්තවාසීන්ගේ දුක්ගැනවිලි ස්පාඤ්ඤ අගරජුට ඉදිරිපත් කොට සහනයක් ලබාගැනීම පිණිස ඔහු මැඩ්රිඩ් නගරයට ගිය නමුත් එම දූත ගමන මුළුමනින් ම අසාර්ථක විය.<br /> <br /> නෙදර්ලන්ත ප්‍රදේශවල ඇති වූ වියවුල් තත්වය සමථයකට පත් කිරීම පිණිස ස්පාඤ්ඤ අගරජු විසින් 1561 දී ආල්වා ආදිපාදවරයා එහි යවන ලදි. ඔහු පැමිණි විගස ම එග්මොන්ට් හා හෝර්න් සිටුවරයා අල්ලා සිරභාරයට ගන්නා ලදහ. ඇත්ත වශයෙන් ඔවුන් දෙදෙන රජුට විරුද්ධව රාජද්‍රෝහිකම් කර නොතිබුණු නමුත් රටවාසීන් බිය වැද්දීම පිණිස ඔවුන්ගේ දිවි තොර කිරීමට ආල්වා ඉටාගත්තේය. මේ නිසා සාධාරණ නඩු විභාගයක් සඳහා දරන ලද ප්‍රයත්න සියල්ලක් නිෂ්ඵල විය. අන්තිමේ දී එග්මොන්ට් සහ හෝර්න් යන දෙදෙනා ප්‍රසිද්ධියේ හිස ගසා මරනු ලැබූහ. උපේක්ෂා සහගත සංසුන්ලීලාවෙන් සිය ඉරණමට මුහුණ දුන් එග්මොන්ට්හි සිටුවරයා නිදහස පිණිස දිවි පිදූ වේද ශාක්ෂිකයකු වශයෙන් මහජනයා අතර අභිවාදනයෙන් සැලකෙන්නට විය. <br /> <br /> ග’ට නම් ජර්මන් මහකිවියාගේ 'එග්මොන්ට්' නම් වූ දෘශ්‍යකාව්‍යයෙහි අතිශයින් සිත්ගන්නාසුලු කථානායකයා වූයේ මෙම එග්මොන්ට්ය. <br /> <br /> (සංස්කරණය: 1974)<br /> <br /> [[ප්‍රවර්ගය: පුද්ගල චරිත-රණශූරයෝ]] <br /> <br /> [[ප්‍රවර්ගය: එ]]</div>

Senasinghe