http://encyclopedia.gov.lk/si_encyclopedia/index.php?action=history&feed=atom&title=%E0%B6%BD%E0%B7%9A%E0%B7%80%E0%B7%92_%E0%B6%91%E0%B7%82%E0%B7%8A%E0%B6%9A%E0%B7%9C%E0%B6%BD%E0%B7%8A 2026-07-03T10:54:00Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B6%BD%E0%B7%9A%E0%B7%80%E0%B7%92_%E0%B6%91%E0%B7%82%E0%B7%8A%E0%B6%9A%E0%B7%9C%E0%B6%BD%E0%B7%8A&diff=11354&oldid=prev 2026-07-01T03:11:17Z

<p>&#039;(1895-1969). වත්මන් ඊශ්‍රායෙලයේ තුන්වන අගමැතිවරයායි....&#039; යොදමින් නව පිටුවක් තනන ලදි</p> <p><b>නව පිටුව</b></p><div>(1895-1969). වත්මන් ඊශ්‍රායෙලයේ තුන්වන අගමැතිවරයායි. ලේවි එෂ්කොල් හෙවත් ලේවි ෂ්කොල්නික් උපන්නේ යුක්රේන්හි ඔරටෝවා නම් ස්ථානයේය. 1914 දී ඔහු එවක තුර්කි පාලනය යටතේ පැවති පලස්තීනයේ පදිංචි විය. <br /> <br /> ඊශ්‍රායෙල් රාජ්‍යය ගොඩනැඟීමෙන් පසු ඔහු එහි ආරක්ෂක කටයුතු පිළිබඳ අධ්‍යක්ෂ ජනරාල්වරයා බවට පත් විය. සයනිස්ට් (Zionist) සංවිධානයට බැඳුණු හේ එහි භාණ්ඩාගාරික ලෙස සේවය කළේය. 1951 දී බෙන්-ගුර්යොන්ගේ කැබිනට් මණ්ඩලයේ කෘෂිකර්ම හා සංවර්ධන කටයුතු පිළිබඳ ඇමති පදවිය ද 1952-63 දක්වා මුදල් ඇමති පදවිය ද ඉසිලීය. 1963 දී බෙන්-ගුර්යොන් අගමැති පදවියෙන් ඉල්ලා අස් වූයෙන් එෂ්කොල් ආරක්ෂක අමාත්‍ය පදවියට හා අග්‍රාමාත්‍ය බවට ද පත් විය. 1965 මැතිවරණයෙන් ඔහුගේ මාපායි පක්ෂයට වැඩි ආසන ගණනක් හිමි වූයෙන් වාමාංශ කම්කරු පක්ෂය ද සමග එෂ්කොල් සභාග රජයක් පිහිටුවිය. <br /> <br /> 1967 සදින යුද්ධයෙන් ඊශ්‍රායෙලය මිසරය පරදවාලූයේ ලේවි එෂ්කොල් අගමැතිව හුන් කාලයේ දීය.<br /> <br /> (සංස්කරණය: 1974)<br /> <br /> [[ප්‍රවර්ගය: පුද්ගල චරිත-දේශපාලනඥයෝ]] <br /> <br /> [[ප්‍රවර්ගය: එ]]</div>

Senasinghe