http://encyclopedia.gov.lk/si_encyclopedia/index.php?action=history&feed=atom&title=%E0%B7%80%E0%B7%92%E0%B6%BD%E0%B7%92%E0%B6%BA%E0%B6%B8%E0%B7%8A_%E0%B6%A2%E0%B7%9D%E0%B6%A2%E0%B7%8A_%E0%B6%86%E0%B6%B8%E0%B7%8A%E0%B7%83%E0%B7%8A%E0%B6%A7%E0%B7%8A%E2%80%8D%E0%B6%BB%E0%B7%9D%E0%B6%82 2026-05-18T02:18:13Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B7%80%E0%B7%92%E0%B6%BD%E0%B7%92%E0%B6%BA%E0%B6%B8%E0%B7%8A_%E0%B6%A2%E0%B7%9D%E0%B6%A2%E0%B7%8A_%E0%B6%86%E0%B6%B8%E0%B7%8A%E0%B7%83%E0%B7%8A%E0%B6%A7%E0%B7%8A%E2%80%8D%E0%B6%BB%E0%B7%9D%E0%B6%82&diff=5823&oldid=prev 2024-07-11T04:50:19Z

<p>&#039;සුප්‍රසිද්ධ ඉංජිනේරුවකු හා අලුත් යන්ත්‍ර නිෂ...&#039; යොදමින් නව පිටුවක් තනන ලදි</p> <p><b>නව පිටුව</b></p><div>සුප්‍රසිද්ධ ඉංජිනේරුවකු හා අලුත් යන්ත්‍ර නිෂ්පාදකයකු ද වූ මොහු උපන්නේ 1810 නොවැම්බර් 10 වැනි දා එංගලන්තයේ නිව්කාසල්-ඔන්-ටයින් නගරයෙහිය. පළමුවෙන් නීතිය හදාළ ඔහු නීතිඥවෘත්තියෙහි ටික කාලයක් යෙදී සිට පසුව ඉංජිනේරුවෙක් විය.<br /> <br /> ජල විදුලි යන්ත්‍රයක් ද ඝර්ෂණ විද්‍යුතය නිෂ්පාදනය කිරීම සඳහා ප්‍රබල උපකරණයක් ද ද්‍රාව දොඹකරයක් ද ඔහුගේ ප්‍රථම නිපදවීම් විය. ඔහු විසින් 1847 දී නිව්කාසල් සමීපයෙහි එන්ස්වික් කර්මාන්තශාලාව පිහිටුවන ලදි. ද්‍රාව (hydraulic) යන්ත්‍ර නිපදවීම පිණිස අරඹන ලද මේ කර්මාන්තශාලාව නූතන තුවක්කු නිර්මාණය පිළිබඳ විප්ලවයක් ඇති කළේය. 1854 දී නිෂ්පාදනය කරන ලද ආම්ස්ට්‍රෝං කාලතුවක්කුව අංග සම්පූර්ණ පළමුවන නවීන තුවක්කුව විය. 1859 දී ඔහු නිපද වූ කාලතුවක්කු බ්‍රිතාන්‍ය ආණ්ඩුව හමුදාවල භාවිතයට ගත්තේය.<br /> <br /> කාලතුවක්කු හා වෙඩි උණ්ඩ නිෂ්පාදනය දියුණු කිරීමට ඔහු බොහෝ උපකාරී වූ හෙයින් රජයේ ඉංජිනේරු පදවියක් ඔහුට ලැබුණේය. 1863 වන තුරු ඔහු මේ පදවියෙහි නියුක්ත වූයේය. <br /> 1858 දී ආම්ස්ට්‍රෝංට නයිට් පදවියක් පිරි නැමුණේය. 1887 දී සාමි මණ්ඩලයේ සාමාජිකත්වය ලැබ ආම්ස්ට්‍රෝං සාමි නමින් ප්‍රකට විය.<br /> <br /> 1900 දෙසැම්බර් 27 වැනිදා ඔහු කලුරිය කළේය.<br /> <br /> (සංස්කරණය: 1965)<br /> <br /> [[ප්‍රවර්ගය: පුද්ගල චරිත - නව නිෂ්පාදකයෝ]] <br /> <br /> [[ප්‍රවර්ගය: ආ]]</div>

Senasinghe