http://encyclopedia.gov.lk/si_encyclopedia/index.php?action=history&feed=atom&title=%E0%B7%83%E0%B6%AD%E0%B7%8A%E0%B6%AD%E0%B7%8F%E0%B7%80%E0%B7%8F%E0%B7%83 2026-05-19T07:28:02Z විකියෙහි මෙම පිටුව සඳහා ඇති සංශෝධන ඉතිහාසය MediaWiki 1.27.1 http://encyclopedia.gov.lk/si_encyclopedia/index.php?title=%E0%B7%83%E0%B6%AD%E0%B7%8A%E0%B6%AD%E0%B7%8F%E0%B7%80%E0%B7%8F%E0%B7%83&diff=4332&oldid=prev 2024-01-05T05:26:42Z

<p>&#039;සත්වයන් පිළිසිඳ ගැනීම් වශයෙන් පවත්නා හෙයින් &#039;...&#039; යොදමින් නව පිටුවක් තනන ලදි</p> <p><b>නව පිටුව</b></p><div>සත්වයන් පිළිසිඳ ගැනීම් වශයෙන් පවත්නා හෙයින් 'සත්තාවාස' යැයි ව්‍යවහාර වේ. සමස්ත විශ්වයෙහි තිස් එක් තලයක උපත ලබන සියලු ම සත්ත්වයන් වාසය කරන (සත්තාවාසය) ස්ථාන නවයකට මෙහි දී ප්‍රභේදගත කොට තිබේ. එනම්;<br /> <br /> 1. නානත්තකායා නානත්තසඤ්ඤී<br /> <br /> 2. නානත්තකායා ඒකත්තසඤ්ඤී<br /> <br /> 3. ඒකත්තකායා නානත්තසඤ්ඤී<br /> <br /> 4. ඒකත්තකායා ඒකත්තසඤ්ඤී<br /> <br /> 5. අසඤ්ඤසත්ත<br /> <br /> 6. ආකාසානඤ්ඤායතන<br /> <br /> 7. විඤ්ඤාණඤ්චායතන<br /> <br /> 8. ආකිඤ්චඤ්ඤායතන<br /> <br /> 9. නේවසඤ්ඤානාසඤ්ඤායතන<br /> <br /> යනු මේ නවයයි. <br /> <br /> == නානත්තකායා නානත්තසඤ්ඤී ==<br /> පළමුවන සත්තාවාසය හෙවත් සත්වයන් උපදින තැනයි. ලොව වසන සත්වයන්ගේ වර්ණ සටහන් ආදීන්ගේ වශයෙන් දෙදෙනෙක් එක් සමාන නොවෙත්. ඇතැම් විට මව්කුස එක් ව සිට උපන්නා වූ නිවුල් දරු දෙදෙනෙක් වත් මඳක් සමාන වූවාහු නමුත් ඒ දෙදෙනාගේ එහා මෙහා බැලීම්, කථාබහ, සිනාසීම්, යාම්-ඊම්, ඉඳිම්-සිටීම් ආදියෙහි වෙනසක් පෙනේ. එසේ වෙනස් වූ ශරීර ඇති හෙයින් ‘නානාත්තකාය’ නම් වේ. සත්වයන්ගේ ප්‍රතිසන්ධි සිත ත්‍රිහේතුක ද ද්විහේතුක ද අහේතුක ද වෙයි. එසේ වෙනස් වූ ප්‍රතිසන්ධි ඇති හෙයින් ‘නානාත්තසඤ්ඤී’ නම් වේ. දෙව්මිනිස් ආදී වශයෙන් වෙනස් වූ ශරීර ඇති වෙනස් වූ සිත් ඇති සත්වයෝ ‘නානාත්තකායා නානත්තසඤ්ඤී’ නම් වේ. සදෙව් ලොව දෙවියෝ ද මිනිස්සු ද බූමාටු දෙවියෝ ද සතර අපායට ඇතුළත් නොවූ ඇතැම් විමානවාසී ප්‍රේතයෝ ද මේ පළමුවන සත්තාවාසයට ඇතුළත් වන්නේ ය.<br /> <br /> == නානත්තකායා ඒකඤ්ඤසඤ්ඤී ==<br /> වෙනස් වෙනස් ශරීර ඇති එහෙත් ධ්‍යානසංඥා වශයෙන් ප්‍රතිසන්ධි සිත එකක් වූ බ්‍රහ්මපාරිසජ්ජ, බ්‍රහ්මපුරෝහිත, මහාබ්‍රහ්ම යන බ්‍රහ්මලෝකවල වසන බ්‍රහ්මයෝ ද වෙනස් වෙනස් වූ ශරීර ඇති අකුසල විපාක අහේතුක වශයෙන් නොවෙනස් වූ ප්‍රතිසන්ධි සිත් ඇති සතර අපායවාසී සත්වයෝ ද යන මොවුහු ය. මේ දෙවන සත්තාවාසය වේ. <br /> <br /> == ඒකත්තකායා නානත්තසඤ්ඤී ==<br /> වෙනස් නුවූ ශරීර ඇති එහෙත් ධ්‍යාන චිත්ත වශයෙන් වෙනස් වූ ප්‍රතිසන්ධි සිත් ඇති පරිත්තාභ, අප්පමාණාභ, ආභාස්සර යන බ්‍රහ්මලෝකවල වසන බ්‍රහ්මයෝ ය. මේ තුන්වන සත්තාවාසයයි.<br /> <br /> == ඒකත්තකායා ඒකත්තසඤ්ඤී ==<br /> වෙනස් නොවූ ශරීර ඇති එමෙන් ම වෙනස් නොවූ ප්‍රතිසන්ධි විඥාන ඇති පරිත්තසුභ, අප්පමාණසුභ, සුභිණ්හක, වෙහප්ඵල, පංචසුද්ධාවාස (අවිහ, අතප්ප, සුද්සස, සුදස්සී, අකණිට්ඨක) යන බ්‍රහ්මලෝකවාසී බ්‍රහ්මයෝ අදහස් කරනු ලබත්. මේ සතරවන සත්තාවාසයයි (මෙහි කී පංචසුද්ධාවාසයෙහි අනාගාමි පුද්ගලයෝ උපදියි).<br /> <br /> == අසඤ්ඤසත්ත ==<br /> සතරවන රූපාවචර ධ්‍යානය වඩා ආරම්මණ මනසිකාර ඡන්දාදීන්ගේ වෙනස්කමින් සංඥාව ඇතත් නැත්තාක් මෙන් උපදින්නා වූ අසඤ්ඤසත්ත නම් බඹලොව වැසි බ්‍රහ්මයෝ ය. මේ පස්වැනි සත්තාවාසයයි. <br /> <br /> == ආකාසානඤ්චායතන ==<br /> රූපාවචරය ගැන ද කළකිරිණු රූපාවචර ධ්‍යානලාභීහු ආකාසානඤ්චායතන නමැති පළමුවන අරූපාවචරධ්‍යානය වඩති. ඔවුහු ආකාසානඤ්චායතනයෙහි උපදිති. මේ ආකාසානඤ්චායනය සවන සත්තාවාසයයි. <br /> <br /> == විඤ්ඤාණඤ්චායතන ==<br /> පළමුවන අරූපාවචර සමාපත්තියට වඩා දෙවැනි වූ විඤ්ඤාණඤ්චායතන සමාපත්තිය ශාන්ත යයි සිතා එය ලබා ගත්හු විඤ්ඤාණඤ්චායතනයෙහි උපදිති. මේ විඤ්ඤාණඤ්චායතනය සත්වන සත්තාවාසය වේ.<br /> <br /> == ආකිඤ්චඤ්ඤායතන ==<br /> විඤ්ඤාණඤ්චායතනයට වඩා අකිඤ්චඤ්ඤායතන නමැති තුන්වන අරූපාවචර සමාපත්තිය ශාන්ත යයි සිතන්නෝ භාවනා කොට එය ලබා ගනිති. ඔවුහු එහි විපාක වශයෙන් ආකිඤ්චඤ්ඤායතයෙහි උපදිති. මේ ආකිඤ්චඤ්ඤායතනය අටවන සත්තාවාසයයි.<br /> <br /> == නේවසඤ්ඤානාදසඤ්ඤායතනය ==<br /> ආකිඤ්චඤ්ඤායතනයට වඩා නේවසඤ්ඤානාසඤ්ඤායතන නමැති සතර වන අරූපාවචර සමාපත්තිය ශාන්ත කොට සිතන්නෝ භාවනා කොට එය ලැබ එහි විපාක වශයෙන් නේවසඤ්ඤානාසඤ්ඤායතනයෙහි උපදිති. මේ නව වන සත්තාවාසය වේ.<br /> <br /> (කර්තෘ: [[කොටහේනේ පඤ්ඤාකිත්ති හිමි]]: 1956)<br /> <br /> (සංස්කරණය නොකළ)<br /> <br /> [[ප්‍රවර්ගය: ස]]</div>

Senasinghe