http://encyclopedia.gov.lk/si_encyclopedia/index.php?action=history&feed=atom&title=%E0%B7%83%E0%B7%8F%E0%B6%BB%E0%B7%83%E0%B7%8A%E0%B7%80%E0%B6%AD_%E0%B7%80%E0%B7%8A%E2%80%8D%E0%B6%BA%E0%B7%8F%E0%B6%9A%E0%B6%BB%E0%B6%AB%E0%B6%BA
සාරස්වත ව්යාකරණය - සංශෝධන ඉතිහාසය
2026-05-19T10:22:02Z
විකියෙහි මෙම පිටුව සඳහා ඇති සංශෝධන ඉතිහාසය
MediaWiki 1.27.1
http://encyclopedia.gov.lk/si_encyclopedia/index.php?title=%E0%B7%83%E0%B7%8F%E0%B6%BB%E0%B7%83%E0%B7%8A%E0%B7%80%E0%B6%AD_%E0%B7%80%E0%B7%8A%E2%80%8D%E0%B6%BA%E0%B7%8F%E0%B6%9A%E0%B6%BB%E0%B6%AB%E0%B6%BA&diff=4186&oldid=prev
Senasinghe: 'අනුභූති ස්වරූපාචාර්යයන් විසින් සංස්කෘත භාෂා...' යොදමින් නව පිටුවක් තනන ලදි
2023-12-15T09:40:59Z
<p>'අනුභූති ස්වරූපාචාර්යයන් විසින් සංස්කෘත භාෂා...' යොදමින් නව පිටුවක් තනන ලදි</p>
<p><b>නව පිටුව</b></p><div>අනුභූති ස්වරූපාචාර්යයන් විසින් සංස්කෘත භාෂා ව්යාකරණය සඳහා සම්පාදිත මෙම ග්රන්ථය ශිෂ්ය-ප්රශිෂ්ය පරම්පරායෙන් ලක්දිව ප්රකාශයට පැමිණියේ ය. සංස්කෘත ව්යාකරණ ශාස්ත්රඥානය සඳහා ඉතා සුගම වූ ග්රන්ථයක් වූයෙන් මෙකල ලක්දිව බොහෝ ආචාර්යවරයන් විසින් සංස්කෘත භාෂාව ඉගැන්වීමෙහි දී මේ ග්රන්ථය ම උගන්වනු ලැබේ. <br />
<br />
ග්රන්ථය ආරම්භ වන්නේ පරමාත්ම හෙවත් මහාබ්රහ්මයාට නමස්කාර කොට බාලයන්ගේ අභිවෘද්ධිය සඳහා දීර්ඝ නොවූ මෙම ව්යාකරණ ග්රන්ථය සම්පාදනය කරන බව සඳහන් කරමිනි.<br />
<br />
ප්රණම්ය පරමාත්මානං බාලාධිවෘද්ධි සිද්ධයෙ,<br />
<br />
සාරාස්වතී මෘජුං කුර්වේ ප්රක්රියාං නාතිවිස්තරාම්.<br />
<br />
වෘත්තිත්රයකින් යුක්ත වූ සාරස්වතය එහි ප්රථම වෘත්තිය 'සංඥා, සන්ධි, නාම, කාරක, සමාස, තද්ධිත යැ'යි ප්රධාන කොටස් සයෙකි. එහිදු සන්ධිය ස්වරසන්ධි ප්රක්රියාදී වශයෙන් සතරකට ද නාමය ස්වරාන්ත, පුල්ලිඞ්ගාදී වශයෙන් ප්රක්රියා නවයකට ද බෙදී ඇත. ආඛ්යාතය විස්තර කරන ද්විතීය වෘත්තිය භවාදී ධාතු ගණයන්ගේ වශයෙන් ද ඤ්යන්තාදීන්ගේ වශයෙන් ද ප්රක්රියා සූතිසකින් යුක්ත ය. කෘදන්තයෙන් ආරම්භ වන තෘතීය වෘත්තියෙහි ප්රක්රියා නවයෙකි. මේ ග්රන්ථයට නාගපුරීය, තපාගච්ඡාධිරාජ භට්ටාරක ශ්රී චන්ද්රකීර්ති සූරීන් විසින් කරන ලද 'චන්ද්රකීර්ති ව්යාඛ්යා' නම් වූ ප්රශස්ත ටීකාවෙක් වෙයි. එසේ ම 'විද්යොදය' පිරිවෙණාධිපති වැ වැඩ විසූ ගරු කහවේ ශ්රී රතනසාරාභිධාන නායක ස්වාමීන්ද්රයන් වහන්සේ විසින් ලියන ලද 'සාරාර්ථචන්ද්රිකා' නම් සිංහල ව්යාඛ්යානයෙක් ද ඇත්තේ ය. එහි අවසාන භාගය ලියන ලද්දේ එම පිරිවෙන්හි ආචාර්ය පණ්ඩිත ගරු හෑගොඩ ධම්මින්ද නායක තෙරණුවන් විසිනි. <br />
<br />
(කර්තෘ: [[ලබුගම ලංකානන්ද හිමි]]: 1959)<br />
<br />
(සංස්කරණය නොකළ)<br />
<br />
[[ප්රවර්ගය: ස]]</div>
Senasinghe